TERTIB ACARA NATAL 24 DESEMBER BODARINA

HKBP TIGA LINGGA

Kamis, 24 DESEMBER 2015

            Pandita Ressort :Pdt. Budianto Sianturi. (Hp.0812.6249-2006)

 

U:Uluan/     P:Paragenda/    Prh:Parhalado/   R:Ruas/   Sm. Sik. Minggu/    R&N. Remaja-NHKBP/    S:Sude

I.                PANGARADEON: (borhat sian bilut parhobasan Parhalado dohot angka sigalahi lilin niuluhon ni Parjamita)

II.             JOUJOU TU PESTA PARNINGOTAN HATUTUBU NI JESUS

P:       Huria nahinaholongan ni Tuhanta Jesus Kristus, amanami, inanami, naposobulung, nang saluhut tahe na marsaor dibagasan tingki on, dohot mardonganhon las ni roha pinasahat ma: “SELAMAT ARI NATAL-ma dihamuna saluhutna”.

R:       SELAMAT ARI NATAL

P:       Tama do hita mandok mauliate tu Jahowa borngin on, ai dipapungu asi ni rohaNa do hita laho manghalashon ari parningotan hatutubu ni Tuhan Jesus naung manobus dosa ni portibion. Beta ma hita marsomba di adopanNa, taendehon ma GoarNa, ai nunga dipatongon Kristus na gabe partanobatoan ni hatuaonta.

R:       Las do rohanami mandapothon Jesus naung tubu i, taolophon ma Ibana marhite pujipujian dohot unduk ni rohanta. Beta ma hita, taendehon ma Jahowa partanobatoan ni hatuaonta, ai nunga dipalua hita sian nasa dosa dohot pangalaosionta.

P:       Antong hamu angka dongan, taparade ma dirinta asa tasomba Tuhanta i dibagasan las ni roha. Tabaritahon ma hata on: “Nunga tubu Kristus, nunga songgop hadameon, asa saluhut jolma taruli di las ni roha naung pinarade ni Kristus. Andorang so tapungka parsaoran na badia dohot Tuhanta Jesus Kristus na badia i, jumolo ma hita martangiang na hohom dibagasan rohanta be:

…….orgen ½ suara BE No. Reff 681…! Amen. Marende ma hita:

01.    Marende BE No 591  : 1 - 3                                 “Boru Sion ”  

Ø Boru Sion las roham, las roham Jerusalem. Ai na ro do rajami, padamehon ho tongtong. Boru Sion, las roham, las roham Jerusalem    .                       ~jongjong

Ø Hosianna ro ma Ho, masuk ho tu rohangkon. Baen mardame tondingkon, lao manjanghon haroroM. Anak Daud ro ma Ho, masuk Ho tu rohangkon.      

02.    VOTUM – INTROITUS

P: Marhitehite Goar ni Debata Ama dohot Goar ni AnakNa Tuhan Jesus Kristus, dohot Goar ni Tondi Porbadia, na manompa langit dohot tano on.

R:  Amen !

P: Nunga tubu di hita sada posoposo, di lehon di hita sada Anak, pampe tu abaraNa do sogot harajaon, jala bahenonNa GoarNa; Sipartahi halongangan, Ulubalang ni Debata Ama, saleleng ni lelengna, Raja ni hadameon.

R: Endehon hamu ma sada ende na imbaru di Jahowa, endehon ma Jahowa, ale sandok tano on. Pajojor hamu ma di tongatonga ni angka sipelebegu hamuliaonNa i, ditongatonga ni saluhut bangso halongangan, angka na binahenNa i.

P: Marsomba ma hamu tu Jahowa marpahean na marhadohoan, angka hitir ma hamu maradophon Ibana, ale isi ni sandok tano on! Haleluya

S:  (Mangendehon):          Haleluya…Haleluya…Haleluya…!

P:  Martangiang ma hita: Ale Tuhan Debata, Amanami na di banuaginjang! Marroha Ama do Ho tu hami halak pardosa na dangol on; ala di dilehon Ho do AnakMu na sasada i, Tuhan Jesus Kristus, asa porsea hami jala dapotan hangoluan marhite sian Ibana.

R: Na mangido ma hami nuaeng tu Ho, suru ma TondiM na badia i tu rohanami, asa manahan hami sahat ro di ujungna dibagasan haporseaon na sintong jala asa martua hami marhitehite AnakMu Tuhan Jesus Kristus, Tuhannami.

S:  Amen                                                                                                   ~hundul

03.    KOOR     :

04.    Marende BE No. 615 : 1               “Tarbege surusuruan marende”

v  Tarbege surusuruan marende mansai uli. Angka dolok dohot rura, gok do saringarna i. (Reff;) Sa… … …ngap ma, sangap ma di Tuhan. Sa… … …ngap ma, sangap ma di Tuhan.

v  Las roham ale parmahan, nunga tubu Kristus i. Rap marende ma hamuna pasangaphon Raja i. (Reff;) Sa … … …ngap ma . . . du!

05.    LITURGI I : SIK- MINGGU

(1) Jes 40:26. (2) Jes 40:27. (3) Amos 4:13. (4) Psalm 148:1-2. (5) Psalm 148:3-4. (6) Jes 45:5-6. (7) Jes 45:7. (8) Jes 45:8. (9) Pangk- 4:11 

06.    KOOR     :

07.    Vocal: Solo, Duet, Trio & Group

08.    Marende BE No 56 : 1 + 3                        “Sai ro ma hamuna ”

Ø Sai ro ma hamuna angka na porsea, sai ro ma hamuna tu Betlehem. Ida dakdanak, Sipalua hita, tasomba ma Ibana, tasomba ma Ibana, tasomba ma Ibana Rajanta.

Ø Hamuna suruan puji ma Jahowa, rap dohot sude na martua i. Sangap di Tuhan Debata di surgo; (Reff;) Tasomba ma Ibana, . . . du !

09.    LITURGI II : REMAJA/ NHKBP

10.    Psalm 10:3-4. (2) Psalm 10:5-6. (3) Jer 6:13-14. (4) Jer 6:15-16. (5) Jes 5:20. (6) Jes 5:21. (7) Jes 5:22. (8) Jes 5:23. (9) Sep 1:17. (10) Sep 1:18.

11.    KOOR     :

12.    Vocal: Solo, Duet, Trio & Group

13.    LITURGI III : AMA

(1) Rom 5:15. (2) Rom 5:16. (3) Rom 5:17. (4) Rom 5:18. (5) Mika 5:1. (6) Esra 3:11. (7) Jes 9:5. (8) Jes 9:6. (9) Sak 9:9. (10) Sak 13:1

14.    Marende BE No. 602 : 1               “Di Natal na Parjolo”

ü Di Natal na parjolo i parmahan marborngin di ladang i. Tusi do ro suruan i mandok nunga sorang Mesias i. Noel, Noel, Noel, Noel, tubu Raja ni Israel.

15.    MANOPOTI DOSA & BAGABAGA :

P:     Tatopoti ma dosanta tu adopan ni Debata, martangiang ma hita: Ale Tuhan Debata, Ama ni Tuhan Jesus Kristus, Ho do Debata pargogo na sohatudosan, sitompa nasa na adong, paruhum na tigor, na manguhumi jolma manisia!

R:     Na ro do hami tu joloM manopoti dosanami, angka na hula hami marhite sian pangalaosionnami di patikMu,

Sm:  ima marhite sian tubutubu ni rohanami na roa i, nang sian panghataionnami na so ture, ro di hisaphisap ni rohanami.

R/N:   Na tama situtu do hona uhum hami alani dosanami i, alai na tarsolsol bagi do hami nuaeng alani i.

Ama:  Asi ma rohaM di hami, ale Debatanami. Pardengganbasa jala parasiroha do Ho alani Anak haholongan ni rohaM, Tuhan Jesus Kristus Tuhannami.

Ina:  Sai sesa ma dosanami saluhutna, jala suru ma Tondi Parbadia tu rohanami be, asa tarbahen hami mangoloi Ho dibagasan hatigoran dohot habadiaon,

S:     gabe sahat hami tu hangoluan na so ra suda, pinarbagaM di angka na porsea di AnakMu Tuhan Jesus Kristus Tuhannami. Amen!

S:     Rap mangendehon BE NO. 171:2               “Asi ma rohaM”

v  Asi ma roham taringot tu pangalahongku. Olo tutu, jotjot do na lilu dalanhu.  Sesa  dosangku sude Debata!

~~~Orgen ½ BE No. 173~~~~~

P:  Tabege ma bagabaga ni Debata taringot tu hasesaan ni dosanta:  Songon on do Hata ni Tuhan Jahowa, nunga pola hupasisi angka pangalaosim songon ombun, jala songon ombun na manorop angka dosam. Sai mulak ma ho tu Ahu, ai Ahu do Sipalua ho. Hasangapon ma di Debata na di ginjang !

S:  Amen                                                                                                   -duduk

16.    KOOR       :

17.    Marende BE No 58: 4 - 5             “Martumbur tungkotungko”

Ø Pinuji ma Jahowa na asi roha i. Dilehon do AnakNa hangoluanta i. Girgir ma hita on mamuji Debatanta ala basaninon.

Ø O Jesus Tuhannami naung ro tu tano on. Asi ma rohaMi, sai togu tondinami tu hasangaponMi.

18.    LITURGI IV : INA

(1) Psalm 29:5-6. (2) Jes 29:7-8. (3) Psalm 29:9-10. (4) Jes 30:19-20. (5) Jes 30:21-22. (6) Jes 30:23. (7) Jes 35-5-6. (8) Jes 35:7-8. (9) Jes 42:1-2. (10) Jes 42:3-4.

19.    Marende BE No 598 : 1 - 2                      “Bege ende ni suruan”  

Ø Bege ende ni suruan, sangap ma di Tuhan i. Nunga tubu Sipalua, Raja Sipardame i. Dipadame Debatanta do diriNa tu pardosa. Nunga tubu Kristus i, di huta Betlehem i. Ende ni suruan i, sangap ma di Tuhan i.                                                ~ jongjong

Ø Kristus Raja sian surgo tuat tu portibion. Tubu sian si Maria lao manobus hita on. Debata na so tarida gabe daging songon hita. Nunga raphon hita be Jesus i, Immanuel. Ende ni suruan i, sangap ma di Tuhan i.  

20.    LITURGI V: PARHALADO

(1) Luk 2:1-2. (2) Luk 2:3-4. (3) Luk 2:5-6. (4) Luk 2:7-8. (5) Luk 2:9-10. (6) Luk 2:11-12. (7) Luk 2:13-14.

21.    Marende 54:1-3     “Sonang ni bornginna i”        (Pagalak lilin)                        ~jongjong

~ Parjamita                                   ~ Ina

~ Singkola Minggu                                   ~ Pangaranto

~ Remaja/Naposo                         ~ Parhalado

~ Ama

Ø Sonang ni bornginna i, uju ro Jesus i. Sonang modom do halak sude holan dua na dungo dope. Mangingani AnakNa Jesus Tuhanta i.

Ø Denggan ni bornginna i, uju ro Jesus i. Tu parmahan di Betlehem i, dipaboa na di surgo i; nunga ro Sipangolu, Jesus Tuhanta i.

Ø Godang ni tua disi din a ro Jesus i. Tung malua pardosa muse, sian hamagoanna sude. Ala ro Sipangolu, Jesus Tuhanta i.                                                        ~hundul

22.    LITURGI VI: PANGARANTO

(1) 2 Kor 5:17. (2) Gal 5:22-23. (3) Rom 10:4. (4) 1 Kor 6:20. (5) Rom 8:17. (6) Mat 28:17-18. (7) Mat 28-19-20. (8) Pangk 2:7+10c

23.    Vocal: Solo, Duet, Trio & Group

24.    Marende BE No 56 : 1- 3  “Ulina i di borngin na badia ”                       

Ø Ulina i di borngin na badia, humirdophirdop do bintang disi. Di borngin i do tubu Sipalua, dipanggagatan di Betlehem i. Portibi on dangol gok haholomon marnida sondang ni Tuhanta i. (Reff;) Ulina i marende do suruan. Di borngin i do tubu Kristus i. Di borngin i do tubu Kristus i.

25.    JAMITA :           LUKAS 2 : 1 - 14

26.    Marende BE No 605 : 1 . . .          “Las ma rohaM ”                    (P.PELEAN~Kolekte)

Ø Las ma roham Tuhanta ro, gumomgom sasude. Ungkap roham, jangkon Rajam, marende ma sude, marende ma sude, marende, marende ma sude.  

Ø Tano nang laut, harangan i, nang awangawang i. Hauma i, nang sunge i, olophon Raja i, olophon Raja i, olophon, olophon Raja i.                     ~~~Orgen~~~

Ø Bura binaen ni dosa i marujung ma disi. Ai nunga ro, Mesias i, mamboan dame i, mamboan dame i, mamboan, mamboan dame i.

27.  Tangiang : Pelean ~ Ale Amanami ~ Panutup/pasupasu

28.  Amen ~ Amen ~ Amen

 ==============================================================

Pandita Ressort & Parhalado HKBP TIGA LINGGA

pasahathon:

SELAMAT  NATAL

25-26 Desember 2015

&

TAHUN BARU

01 Januari 2016