ACARA PABORHATHON NA MONDING SIAN GAREJA

ACARA PABORHATHON NA MONDING SIAN GEREJA

01.       Pangaradeon

      a.   Sude Parhalodo paimahon peti jenazah di jolo ni Gareja, laos udut ma manjalo peti jenazah i sian keluarga, dung i diboan ma tu Gareja. Di tingki na mamboan peti jenazah I, mangkuling ma giring – giring.

      b.   Dung sahat peti jenazah dohot keluarga, hundul ma di inganan naung tinontuhon ni parhalado, mangkuling ma musik mengendehon BE. No. 334:1 (BL. 186). Laos martangiang na hohom, manangianghon sude sisolhot na tininggalhon ni naung jumolo monding i, dohot ngoluna sandiri.

02. Joujou Parsombaon tu Debata

      U   :  Hamu angka dongan sahaporseaon na marpungu do hita sadari on di bagas joro on, parborhathon bangke ni Inanta na itahaholongi on, tu inganan parsatongkinan i. Di bagasan habot ni roha do hita saluhutna, lumobi ma keluarga dohot sisolhot na tininggalhon ni donganta on. Ala ni i martangiang ma hita tu Tuhanta, asa Tuhanta na mangapuli sude sisolhot dohot angka pinomparnasida. Asa margogo nasida jala marbenget ni roha manaon sitaonon na songgop tu nasida dohot tu hurianta di bagasan tingki on. Alai tahe ndada holan na laho marhabot ni roha hita nuaeng, huhut do hita mandok mauliate tu Debata, siala saluhut panghobasion ni donganta naung jumolo monding on, saleleng ngoluna songon tanda ni pangoloina tu Debata di ulaon naung jinalona. Nunga dipatuduhon ibana i marhite angka ulaonna di portibi on dohot di Huria ni Tuhan i. Taingot ma Hata ni Tuhanta na mandok:  Songoni ma uloshononhon abit na saksak tu na monang i. Na so tupa be sesaonHu goarna sian buku hangoluan i. hatindanghononHu ma goarna di jolo ni damang nang angka surusuruan (Pangk. 3 : 5). Antong songon tanda ni holong ni rohanta tu sude keluarga dohot tangiangta tu Debata, marende ma hita!

      H   :  Marende BE. No. 353:1+2             

v  Di surgo hasonangan i Inganan na dumenggan I, Tusi naeng laho muli au Asa rap dohot Jesus au.

v  Tutu godang dope adong Marningot au di tano on, Sai tostosanku nama i Lao mandapothon surgo i.

03. Mandok hata sian hasuhuton laho pasahathon tu huria

04. Marende BE. No. 525: 1

v  Na laho ma au tu na sonang di ginjang. Disurgo tutu sai na sonang ma au. O, ho donganki, na gok dosa, gok arsak Sai dohot ma ho, sai tu surgo ma lao. Sai ro dohot ho, dohot ho, dohot ho, Sai dohot ma ho, sai tu surgo ma lao

05. Mandok Hata

      a.   Manjaha Riwayat Hidup Singkat Parhuriaon

      b.   Utusan sian ruas/seksi

      c.   Utusan sian Parhalado HKBP Batugungun Ressort Tigalingga      

06. Koor

07.       Marende BE. No. 266: 1-2                 “Tu banua ginjang do”          BL. 151

Tu banua ginjang do pardalanta i, Na dihalungunhon ho, tulus ma disi.

Anggo dison mubauba do sude, so sadia na ture di tano on.

Tu banua ginjang i sai tabereng be. Molo ngot manogot i, nang bodari pe.

Olo, tongtong martangiang ho gogo, ia naeng maruli ho di Jesus i.

08. Agenda Paborhathon tu Udean.

U   :  Marhitehite Goar ni Debata Ama, dohot Goar ni Anakna Tuhan Jesus Kristus, dohot Goar ni Tondi Porbadia, na tumompa langit dohot tano on, Amen. Alai naeng ma tangkas botoanmuna ale angka dongan, taringot tu angka naung monding i, asa unang marsak hamu songon angka na leban, na so marpangkirimon i  (1 Tes. 4:13).

K   :  Mauliate ma di Debata, na patongan asi ni rohaNa tu ngolu ni natorasnami on, marhitehite hamamate dohot haheheon ni Tuhan Jesus Kristus.

H   :  Ai molo porsea hita naung mate Jesus Kristus dohot hehe, sandok togihonon ni Debata do rap Jesus Kristus nang angka naung monding marhitehite Ibana.

U   :  Didok hata ni Debata, “Nunga tarbondut hamatean tu bagasan hamonangan. Ai dosa i sorop ni hamatean, jala patik i do gogo ni dosa.”

H   :  Alai mauliate ma di Debata, naung mangalehon hamonangan tu hita, marhitehite Tuhan Jesus Kristus.

U   :  Martangiang ma hita! Ale Amanami na di banua ginjang, mangasahon holong ni rohaM, huhut marningot panghophopon ni AnakMu Tuhan Jesus Kristus, ro do hami na marsak sadari on, ala naung jumolo marujung ngolu ni dongannami on.

H   :  Sai bereng jala tatap ma hami saluhutna, sude ianakhonna, na tininggalhon ni dongannami on. TondiM, Tondi Porbadia i ma mandongani, mangapuli, dohot margogoihon nasida, asa tung tangkas pos ni rohanasida, asa unang marsak jala mandele nasida songon angka na leban na so marpangkirimon i.

U   :  Sai paingot ma hami mamilangi angka ariarinami, asa dapotan roha na bisuk hami, anggiat tarsunggul hami mamingkiri ujung ni langkanami sian tano on. Taiti ma rohanami dompak Ho, asa marhaporseaon jala marsigantung tu Ho hami saleleng di tano on, asa unang mabiar hami molo ro hamatean i, jala tarbahen hami muse mandapothon Ho, di bagasan hatiuron dohot las ni roha.

H   :  Amen!

09. Jamita : 2 Timoteus 4 : 7

10. Marende BE. No. 335:1+4                       “Loa au, asa lao”       BL. 50

v  Loas au, asa lao tu Jesusku tu na dao. Ai malungun do rohangku mandapothon Debatangku. Asa di lambungNa au. Asa di lambungNa au.

v  Sonang ni tondingki, molo sahat ho tusi. O Jahowa Debatangku, ndang dodoan ni rohangku. Las ni roha I disi. Las ni roha i disi.

11. Pasupasu laho manutup Batang

12. Marende BE. No. 835:1+3                      

v  Nunga lao, nunga lao dongan deba tu na dao, Mandapothon Debatanta, dialapi suruanNa, Tu banua ginjang i.Tu banua ginjang i.

v  Tua ni, tua ni, saluhutna na porsea, di Jesus Kristus Tuhanta, hangoluan salelengna. do pinaradeNa i. (2x)

“Nunga hupasidung paraloan na denggan i, nunga hupaujung parlojongonhi.

Ramot hubahen haporseaon i”

2 Tim. 4 : 7