PAMASUMASUON dr Patar Marbungaran Pasaribu Dengan dr Desi Rebeca Belavonta Siregar

ACARA PAMASUMASUON

              Dr Patar Marbungaran Pasaribu & dr Desi Rebecca Belavonta Siregar

Di HKBP TIGALINGGA – DISTRIK VI DAIRI

sABTU 30 Januari  2016

 

I.        PANGARADEON (di bilut parhobasan): Parhalado, Pangoli & Oroan, Pandongani ni Pangoli & Oroan, Natoras ni Pangoli & Oroan (mewakili)

II.      Prosesi sian Bilut Parhobasan Menuju Greja

III.   IBADAH :

01.    Marende BE No 754 : 1 + 3                        “Gok las ni roha do au”

Ø  Gok las ni roha do au dingolungkon, dingolungkon, dingolungkon. Gok las ni roha do au dingolungkon, tongtong dingolungkon. (Reff) Mauliate, gok las ni roha, maringan holongMi Tuhan di au. Mauliate, gok las ni roha, maringan holongMi Tuhan di au.

Ø  Gok do holong ni Jesus dingolungkon, dingolungkon, dingolungkon. Gok do holong ni Jesus dingolungkon, tongtong dingolungkon. (Reff) Mauliate . . . . . du ! ( Jongjong )

02.    VOTUM/INTROITUS

Pdt:                Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia, na tumompa langit dohot tano on.

R:    Amen!

Pdt:                Martua ma ganup na manghabiari Jahowa, na marparange di angka dalanNa! Sai panganonna do na niula ni tanganmu, martua ma ho jala sonang.

R:    Tudoshon hau anggur na marparbue do ianggo jolmam dibagasan bilut ni jabum. Tudoshon tunas ni hau Jetun do angka anakmu humaliang mejam.

Pdt:                Ida ma, sai songon i do tongon dapotan pasupasu baoa na manghabiari Jahowa. Soripada na marhuaso, tung ise ma jumpangan i? Hape andul do ummarga martimbanghon mutiha.

R:    Pos do roha ni harajaanna di nasida, di sinamot pe ndang tagamon hurangan nasida. Denggan do uhum nasida tu ibana, ndang dung anggo na jat saleleng mangolu ibana.

Pdt:                Sipaotooto do anggo rupa hasoloan ni roha, jala alogo sambing do haulion, soripada na manghabiari Jahowa i do sipujion. Haleluya

        Martangiang ma hita: Ale Tuhan Debata Amanami na di banua ginjang. Ho do na mangaturhon pardongan saripeon i. Diida Ho do dongannami on; si dr Patar Marbungaran Pasaribu  dohot si dr Desi Rebeca Belavonta Siregar na marsangkap naeng marbagas. Jala na ro do nasida mangido pasupasuM. Antong sai tatap ma nasida dibagasan asi ni rohaM, pasupasu jala ramoti ma nasida marhitehite panghaholongiM. Rajai ma nasida marhitehite Tondi Parbadia, asa mamungka jala marujung pardongansaripeon nasida i. Tangihon ma tangiangnami on alani asi dohot holong ni rohaM. Amen!   ( Hundul )

03.    KOOR (:      1. Sektor III HKBP Tigalingga                     2. Ina HKBP Hutanagodang Muara

04.    Marende BE No 149 : 1                               “Ho tongtong ihuthononhu”                      (BL.182)

Ø  Ho tongtong ihuthononhu, Jesus sipangolu au. Tung na so tadinghononhu, Ho na paluahon au. Sian sasude dosangku dohot sian uhum i. Na tongtong habiaranhu ala pardosaonhi.

05.    JAMITA

06.    Marende BE No 123 : 3               “Ale dongan na saroha”               (Pengantin rot u Altar)  -BL. 180-

Ø  Sai pasada ale Tuhan angka na porsea i. Asa masihaholongan songon na pinatikMi. Dibagasan hasintongan, i do pinangidoMi. Sai padomu angka dongan na tutu sinondangMi.

07.    Ruhut dohot Padan Pardongansaripeon:

Pdt:  Hamu ale angka na pinarhamaol ni Debata, ditahi rohamuna do nuaeng naeng marbagas, alai ndang tama halak Kristen marbagas songon sipelebegu. Antong tangihon hamu ma jolo Hata ni Debata taringot tu ruhut ni pardongansaripeon i. Dung ditompa Debata jolma i, didok Ibana ma: Ndang denggan sasada baoa i punjung, Hubahen ma di ibana sada boruboru pangurupi di ibana bahen angkupna. Angkup ni i didok Tuhan Jesus: Ganup na paulakhon naniolina ia so ala ni na marmainan, na palangkuphonsa do! Pangalangkup do nang na mambuat na sirang i. Antong na pinadomu ni Debata, ndang jadi sirangon ni jolma.

          Songon on do didok Debata tu baoa: Hamu angka baoa, haholongi hamu ma pardihutamuna be songon Kristus na manghaholongi huria i, jala na mangalehon diriNa humophopsa. Unang muruk hamu dompak nasida, ingkon marroha hamu mandongani nasida, sangap bahen hamu nasida songon dongan panean di hangoluan na so ra suda.

Dungi songon on do didok Hata ni Debata tu angka boruboru: Dioloi angka parompuan ma baoana be songon pangoloina di Tuhan i! Ai baoa i do ulu ni pardihutana songon Kristus ulu ni huria i. Ingkon bontor, porman, toman, mardongan halambohon dohot hademahon ni tondi parange ni boruboru i. I ma na arga di jolo ni Debata dohot di jolo ni jolma.

Antong, songon angka na marparangehon Hata ni Debata ma hamu! Sumolukhon parasinirohaon dohot habasaron dohot haserepon ni roha ma hamu. Masipauneunean ma hamu dohot masiasiasian! Saluhut riting ni roha, muruk, rimas, panonggahion dohot panginsahion i, dao ma i sian hamu. Alai di ginjang ni saluhutna i masihaholongan ma hamu, ai i do rahutrahut ni na sun denggan. Dungi dame na sian Debata, i ma mangarajai dibagasan rohamuna. Jala saluhut na binahenmuna marhitehite hata manang pambahenan, tongtong marhitehite Goar ni Tuhan Jesus, asa Ibana mangarajai rohamuna dohot ulaonmuna.

Antong nunga dibege hamu Hata ni Debata taringot tu ruhut ni pardongan saripeon i.

Na manungkun ma ahu nuaeng jumolo di ho, ale pangoli si dr Patar Marbungaran Pasaribu  Olo do ho manghajongjonghon di jolo ni Debata, na umboto saluhut, dohot di jolo ni angka dongan na pungu dison, na dipangido roham do si dr Desi Rebeca Belavonta Siregar na niriritmon gabe donganmu saripe? Olo do ho manghaholongi ibana sian nasa roham dohot mangulahon sian nasa gogom, huhut marparangehon parange na badia rap dohot ibana? Na olo do ho manganjuanju dohot hagaleonna, tung sura humurang parangena, jala na so tupa paulahonmu manang tadinghononmu ibana paima disirang hamatean hamu sogot?

Molo naung sada roham mangoloi saluhutna i, dok ma: OLO !

(PANGOLI) :          OLO !

Na manungkun ma ahu dohot di ho, ale inang si dr Desi Rebeca Belavonta Siregar niririt ni si dr Patar Marbungaran Pasaribu Bahen donganmu saripe: Na olo do ho manghajongjonghon di jolo ni Debata na umboto saluhut, dohot di jolo ni dongan na pungu dison. Na dipangido roham do si dr Patar Marbungaran Pasaribu on gabe sinondukmu? Olo do ho manghaholongi ibana sian nasa roham dohot marpangalaho na ture maradophon ibana dohot marparangehon parange na badia, paboa halak Kristen ho; jala na so tupa mahilolong ho manang tadinghononmu ibana, paima disirang hamatean hamu sogot?

Molo naung sada roham mangoloi saluhutna i, dok ma: OLO !

(OROAN) :            OLO !

Antong masilehonan tangan siamun ma hamu paboa hot ni padanmuna:

Pdt:  Naposo ni Debata do ahu, na mamboan hataNa tu hamu: Marhitehite Goar ni Debata Ama, Anak dohot Tondi Porbadia do ahu mandok, “NA PINADOMU NI DEBATA NDANG JADI SIRANGON NI JOLMA”.

08.    (Molo adong acara tukar tintin/cincin):

Pangoli mandok: Ale inang.......... naung gabe donganku saripe: “Hupasahat ma tintin on songon parningotan di holong ni rohangku tu ho. Sai dipargogoi Tuhan i ma ahu laho manghaholongi ho, di las ni roha dohot di hasusaan, sahat ro di ujung ni ngolungku”. Amen

Oroan mandok: Ale amang ........... naung gabe sinondukhu: “Hupasahat ma tintin on songon parningotan di holong ni rohangku tu ho. Sai dipargogoi Tuhan i ma ahu laho manghaholongi ho, di las ni roha dohot di hasusaan, sahat ro di ujung ni ngolungku”. Amen

09.    Pasahathon Akte Pamasumasuon/ Cendra Mata sian  Huria

10.    KOOR   1. Ina Ester                                                  2. Ama Agave

11.    Marende BE No 159 : 1 – 2 + 4    “Martua dongan angka na sabagas”  (P.PELEAN)   -BL.201-

Ø  Martua dongan angka na sabagas, na mardonganhon Tuhan Jesus i. Na mangoloi Ibana mansai ringgas, na so marholang tangiangna i. Tongtong holong rohana di Ibana, manungkun lomo ni rohaNa i. Huhut tongtong marguru tu hataNa, dibaen sandok pangalahona i.

Ø  Martua baoa dohot inaina, sisada roha mida Jesus i. Na rap marholong roha di Tuhanna, marsaulihon hatuaon i. Na sahat sian asi ni rohaNa, tu halak na porsea sasude. I do dibaen nasida haposanna, manang beha parsorionna pe. ~~~Orgen~~~

Ø  Martua na saripe pangajari, di anakhonna asa tong burju. Na so marpansohotan ganup ari, tumangianghon angka i tutu. Tu Tuhan Jesus asa sai Ibana, mamasumasu sasudena i. Huhut dilehon asi ni rohaNa, manogihonsa tu lambungNa i.---(Jongjong)

Ø  Martua dongan angka na sajabu, palas ni roha dibagasan Ho. O Jesus na ringkot mamasumasu, angka na holong roha i di Ho. Martua ma tutu sude nasida, nang di na songgop hasusaan pe. Ai sai diapul Ho roha nasida, paima ditogu Ho tu jabuMi.      

12.    TANGIANG: Pelean –Ale Amanami – Pasupasu/Penutup !

13.    Amen – Amen – Amen !

IV.   Photo Bersama: Penganten & Pandita

V.      Hata Huhuasi Sian : Hasuhuton Paranak

VI.   Hata  Huhuasi sian Hasuhuton Parboru

Marende No 141 :  Sai Tiur ma Langkamuna   du....../Musik.......   Huhut Masijalangan