MANINGTINGHON TAON PARASINIROHAON NI TUHAN I EV: Lukas 4:14-21

SERMON PARAHALADO HKBP Resort Tigalingga , Kamis 21 Januari 2016

MANINGTINGHON TAON PARASINIROHAON NI TUHAN I

EV: Lukas 4:14-21

Patujolo

Taon Jobel ima Taon na mansai arga di Banso Israel, ala di taon i malua ma angka napogos sian boban na dokdok , malua sian hurungan angka na tarrante , Taon Jobel ima taon palimapuluhon . Laos dibagasan pangantusion na songoni ma nuaeng di pa andar Jesus Turpuk on , laho mangajari hita maningtinghon taon parasi ni  rohaon ni Tuhan i

Hatorangan

1.      Pandohan “Margogoihon Tondi i” patuduhon hasadaon ni Jesus  dohot Ama i naung patauhon Jesus mangula ulaon panghobasion, pangajarion, parjamitaon dohot patupa angka tanda halongangan, gabe tarpuji ma Debata alani pangajarion ni Jesus di angka parguruan. Hasasahat ni pangajarioni di rajumi songon pasupasu na sian Debata. Huaso pangajarion ni Jesus mambahen longan na torop i laos mandok mauliate nasida di Debata hatihai adong do 204 inganan parguruan di sandok luat Galilea. Haroroni Jesus tu Nasaret ima laho mangajari dohot marbarita nauli  dohot pasunggulhon asa lam nalnal di bangsoi sangkap hatuaon na sian Debata

2.      Manjaha hata ni Debata , Mangungkap Pustaha , Marbarita Nauli

Mulai ma Jesus, manjaha ulaon na somal do nian manjaha di halak Jahudi  alai panjahaon ni Jesus dison ndang na gabe di tontuhon manang sian ayat dia “dapot mataNa ma’ marlapatan ndang jolma mangatur ulaon dohot hadirion ni Jesus, Na jinaha ni Jesus na dapot mataNa i ma sian Jesaya 61:1-2 namangondolhon “Songgop do tu ahu Tondi ni Tuhan i” marlapatan doi Dilehon Debata Ama do hagogoon  tu Jesus laho patulushon sangkap hatuaon i sada hasadaon ni hadirion ni Jesus dohot Debata. “Dimiahi do ahu” patuduhon tu Mesias dohot Kristus  ( Yang di urapi ) molo dimiahi sasahalak marlapatan doi naeng diparade ibana manuhuk sada sada ulaon, Laos songoni ma nang Jesus dimiahi manuhuk sada ulaon i ma gabe sipalua di angka na porsea. Ulaon ni na miniahan i ima mamboan Barita na Uli tu angka napogos, angkka napogos nidok na dison ima angka na so mardihadiha na  manggadis sude artana alani panosak ni haporsuhon. Tu angka na mapitung asa marnida, boi doi ala di boan tubu manang alani parsahiton . Paluahon angka na ginosagosa, naginosagosa ima angka na tongon marungkil ala dang tuk gogona mangalo hagogoon ni portibion . Mamaritahon taon parasinirohaon ni Tuhan i , ima haluaon, taon pardamean, taon na gok lasniroha. Ndada ala gogo, pingkiran dohot usaho ni jolma, ala ni ima ganup na porsea di Jesus ingkon taruli di asini roha

3.      Alus na marimpola

“Nolnol ma dompak Ibana mata ni sude na di parguruan i” boasa “Nolnol”? dimulana ulaon na somal do panjahaon di hata ni Debata di parguruan, alai dung sidung Jesus manjaha longang ma nasida , ai tandi do Ibana sian na somal i , Huaso ni Jesus na manjahai mangalobi i huaso ni saluhut jolma naung hea patupahonsa, Hata “Songgop do tu ahu” langsung martudutudu tu diri ni Jesus. Ibana sandiri di hagogonop ni panurirangion i jala nunga songgop barita na uli alani haroroNa ( Marimpola ma Panjahaon i ) . “Sadarion do jumpang na tarsurat ondeng, dinabinegemunai” Marhite pandohanon sasintongna tung so adong be keraguan di hinasintong ni haroro ni Jesus na gabe jolma manobus jolma pardosa angka naporsea di Ibana

Sipahusorhusoron /Aplikasi tu Jamita

1.      Songgop do Tu hita Tondi ni Tuhan i, laho mambohali hita maningtinghon taon parasinirohaon, Tabaritahon ma Barita na uli tu saluhut halak, ai ido tugas ni halak Kristen si ihuthon Jesus, Rade sai manjahai Hata ni Debata na di Bibel i , unang salpu sada ari sian ngolunta dang manjaha hata ni Debata ( Pslm 119:105)

2.      Hita ma nuaeng na miniahan i , nunga di todo jala dipillit hita gabe Ula ulana antong tatuhuk ma ulaon na pinasahat ni Tuhan Jesus tu hita , ima Mangajari, Marjamita  dohot haradeon laho manuhuk silangi . Ingkon adong ma di hita  6M ,( Ndang 6 Milyar lapatan na )alai 1. Rade Marungkil, 2. Marjamita, 3. Mangajari, 4.  Marasiniroha, 5. Marbarita nauli, 6. Manuhuk Silang

3.      Alus na Marimpola ma alusta tu saluhut jolma. songon alus ni Tuhan Jesu tu Angka na torop, hata na pambahenan ta ingkon ma marimpola diganup nahumaliang

4.      Gabe Parasi ni Roha hamu Amamuna Parasi roha i, tabaritahon ma Barita na uli tu angka na tarhurung, tu namapitung dohot na ginosa gosa, gabe haluaon ma hita tu ganup jolma unang gabe sitambai hamagoanna. Paluahon na marutang unang manambai utangna . Ta padaoma paham Kapitalisme na marhuaso, na sai lalap mambahen jolma marpogos. Ingkon barani do hita mambahen sada sistim na mambahen boi malua napogosi sian hapogosonna, mambahen na mapitungi asa boi lam marnida  unang laos tatambai hagolapon ni parnidaanna, paluahon na tarhurung , padaoon ta ma sikap sikap na mamparhatoban jolma , ai rap na niasian do hita rap na panalua ni Tuhanta. Ima Barita Na uli na ingkon patolhason ta tu tonga tonga ni portibion. Amen

         Selamat Mar Sermon..........

Pdt Budianto Sianturi