PROGRAM KERJA HKBP TIGA LINGGA TAHUN 2016

                                              PROGRAM KERJA

HKBP TIGA LINGGA

TAHUN 2016

 

01.     Pengantar

02.     Parmingguon na magodang

a.     Parmasuk ni minggu. Parmasuk ni minggu ima jam 10.00 Wib.

b.    Song leader (pemandu ende)

1.     Di acara parmingguon siganup minggu ende diuluhon Song Leader.

2.     Angka petugas rap marguru dohot pianis andorang so ari minggu.

3.     Angka ende na maol diajari petugas Song Leader ma andorang so masuk minggu.

4.     Bahenonta ma Preambule ni acara parmingguon, dohot di Panopotion ni Dosa sijahahonon ni Paragenda  

c.     Vasilitas Musik Gereja (Orgen+Speaker)

1.      Pemantapan Vasilitas music Gereja  

2.      Jarak antara ni tangiang manopoti dosa dohot bagabaga, manghuling orgen angonangon (1/2 suara), ende na hombar tusi ima ende panopotion dosa. 

d.    Pardalan ni acara minggu

Dang gorahonon ni paragenda be di acara minggu partording ni acara, isarana: markoor ma …, marende ma hita sian no…, alai langsung ma mardalan acara i.

e.     Penambahan Punguan Koor

1.      Punguan Koor Lansia (umur 65 taon tu ginjang).

2.      Punguan Koor Remaja (Pemantapan).

02.   Parmingguon Singkola minggu

2.1    Dihunjuk huria do marhite rapot na gabe pianis pemandu music angka ende ni dakdanak singkola. (Joshua Sibarani Dkk)

2.2    Patupaon  ma ditongatonga ni hurianta “Pembinaan/Sermon Guru Singkola Minggu”, jadwalna sahali sabulan ditingki ari minggu manang ari libur singkola.

2.3    Dipatupa Huria-ma marhite Guru Singkola Minggu kegiatan “Kebaktian Minggu Ceria”, tingkina di ganup  ari minggu jam 15.00  Wib botarina.

03. Parmingguon Remaja (Pembenahan)

04.     Partangiangan Lingkungan

4.1    Tongtong ma patupaon ni huria Partangiangan Lingkungan.

4.2    Ganup do ruas mar-kewajiban manjanghonon partangiangan dibagasna.

4.3    Patupaon ni huria ma roster inganan ni partangiangan lingkungan.

05.      Sosialisasi Panitia Bangunan mengacu Aturan Peraturan (AP) HKBP       

1       Mangihuthon Aturan Peraturan HKBP Panitia Bangunan dang masuk tu Bagan Organisasi HKBP.

2       Panitia Bangunan dipillit marhite Rapot Huria manang Rapot Parhalado Partohonan ditongatonga ni huria molo dung ditontuhon na adong na laho sibangunon.

3       Panitia Bangunan na dipillit dung sidung na dibangun dibubarhon ma muse, lapatanna dang permanen nasida songon Panitia Bangunan.

4       Na boi do tong ditontuhon Periode ni Panitia Bangunan i mangihuthon hinaringkot ni sibangunon ditongatonga ni huria i.

5       Panitia Bangunan mangulahon ulaonna mangihuthon haputusan ni Rapot Huria dohot Rapot ni Parhalado Partohonan nidohotan ni Panitia Bangunan.

6       Panitia Bangunan ingkon do pasahathon laporan pertanggungjawaban pangulaon dohot keuangan tu huria jala ditolopi Uluan ni Huria dohot Parhalado Parartaon.

7       Panitia Bangunan na adong ditongatonga ni huria dung diperiodehon na boi do nasida tarpillit mangihuthon Rapot ni Huria manang Parhalado Partohonan.

8       Panitia Bangunan na adong di huria dipillit ma saboiboi na sian ruas ni huria.

9       Molo so adong Panitia Bangunan ditongatonga ni huria, tongtong do adong pos parhepengon tu Bangunan, alai Bendahara Huria ma na maniopsa.

10     Molo rumang ni sibangunon ditongatonga ni huria bangunan na metmet isara ni pature jendela na sega, sumangkapi ulaula inventaris dna, Parhalado Parartaon ma na mangulahonsa dung adong panolopion ni Uluan ni Huria/Parhalado Partohonan.

11     Laho mangetong Parhepengon ni Bangunan, ingkon do pamotoi Uluan ni Huria, Parhalado Parartaon dohot Bendahara Huria.    

12 Sipalasroha ni Panitia Bangunan sian Kas ni Bangunan ma dipaharuar mangihuthon Rapot ni Parhalado Partohonan dohot Panitia Bangunan di akhir tahun.

06.          Parhepengon ni Huria

6.1      Parhepengon ni huria ingkon do dilaporhon Bendahara Huria sahali sa-bulan manang salambatlambatna sahali tolu (3) bulan.

6.2      Laporan parhepengon ingkon di tempelhon ma di papan informasi ni huria.

6.3      Mangetong laporan parhepengon ni huria cukup ma Uluan ni Huria, Parhalado Parartaon dohot Bendahara, alai na boi do dohot sude Parhalado mamereng hinaringkotna.

6.4      Laporan parhepengon (mingguan, bulanan, tri-wulan, smester manang tahunan) ingkon ditandatangani Uluan ni Huria, Parhalado Parartaon dohot Bendahara Huria.

6.5      Ingkon tangkas do Bendahara Huria laho mangetong, manimpan (di Bank), dohot manggarar angka na marhaporluan tu pengeluaran ni huria (Kwitansi).

07.          Ha-Sintuaon

7.1      Pangantusion: Sintua ima na manjalo tohonan Sintua sian HKBP marhitehite Pandita Ressort hombar tu Agenda HKBP.

7.2     Syarat gabe Sintua:

01. Ruas na mamelehon dirina gabe Sintua.

02. Na ringgas marminggu dohot mandohoti parpadanan na badia.

03. Na so hasurahan pangalahona.

04. Na ummotikna marumur 25 taon.

05. Hipas roha dohot pamatangna.

06. Mamolus pendidikan na ummotikna Sekolah Lanjutan Pertama.

7.3   Periodisasi

Mardomu tu Tahun Periodisasi sesuai dohot Petunjuk sian Pusat patupaonta ma Periodisasi di Hurianta on bulan Maret

08.     Penabalan Sintua dohot Pengangkatan Calon Sintua

Di sangkapi hurianta do di bagasan taon on patupahon penabalan Sintua, dohot pengangkatan Calon Sintua. Baju Tohonan tu na penabalan dohot paradehon Buku Agenda tu angka Calon Sintua. Songon i do nang ala penabalan-ma Sintua dohot pengangkatan tu angka na Calon Sintua, tontu kewajiban ni huria do paradehon Buku Agenda dohot Baju Tohonan bahen pahean nasida manghobasi huria dohot ruas di angka ulaon na marragam i.

A.      Calon Sintua na tartabal:

NO	G     O     A     R	LINGKUNGAN
01	CSt. Pasaribu	Sektor IV

         

B.    Calon Sintua:

NO	G     O     A     R	LINGKUNGAN
01
02
03
04
05
06
07
08
09
10

1.     Siparsitutuhonon ni ganup parhalado do ingkon jumolo sian ruas laho pasahat pelean taon, asa dungkon ni i marhatauon laho paingothon ruas laho manggarar pelean taon.

09.     Haruason

1.     Hombar tu haputusan ni rapot Ressort, patupaonta ma di ganup huria na sa-Ressort mandata angka ruas ni huria.

2.     Molo adong ruas naeng masuk tu huria sian HKBP alai ndang adong surat pinda huria nasida, jaloon do nasida gabe ruas alai goaron ma nasida “Ruas Parguru”, songon i do nang molo ro sian sekte manang huria na asing. Simatamataan ni parhalado do parsitutuon nasida jala molo dihangoluhon do parhuriaon i ditingtinghon ma muse nasida gabe “Ruas na Gok” jala laos di tingki i ma molo boi dipasahat Pelean Taonna.

3.     Sipaingoton ni huria do marhite parhalado angka angka ruas ni huria na so hea marminggu mamolus taon tu taon.

4.     Sipasahaton ni huria ma tu angka ruas na so hea marminggu “Surat Parmahanion”. Molo tong do ndang diharingkothon surat parmahanion i, dipasahatma muse “Surat Paminsangion”, rodi na hona Ruhut Parmahanion Paminsangion (RPP). Laos songon i do nang ruas na olo marminggu tu huria na lain di luar ni HKBP.

5.     Ndang ditolopi huria hombar tu RPP HKBP ruas na marminggu tu huria na asing

6.     Angka Ruas ni Huria na Hona RPP Denggan ma diparmahani parhalado, jala molo dung dapot tingkina jala marhatauon nasida jangkonon ma nasida mulak tu Huria di Parmingguo

10.      Marguru Malua

a.     Pamasaonma dihurianta marsiajar marguru malua sa-Ressoart Tiga Lingga tu angka na naeng manghatindanghon haporseaon.

b.     Jadwal marguru malua di tingki ari libur singkola dohot di tingki ari minggu. Dohot diparguruon ni Remaja Naposobulung

c.     Ndang pintor tolopan ni parhalado sahalak ianakhon na naeng manghatindanghon haporseaon, ianggo so jolo adong panimbangion khusus sian Pandita Ressort. 

11.     Pelean Taon

a.     Sude do angka ripe ruas ni huria mar-kewajiban laho pasahathon pelean taon so mardia imbar.

b.     Angka ruas na “baru hot ripe” parsidohot do pasahathon pelean taon tung pe so tarpasahat nasida gok songon na niaturhon ni huria.

c.     Ia “batas minimal” pelean taon sigararon ruas na hot ripe ima Rp 300.000, na mabalu dohot na baru hot ripe Rp

d.     Sistim pembayaran pelean taon na boi do di angsur (bulanan) alai boi do sekaligus.

e.     Diparade huria ma kartu pembayaran pelean taon.

f.      Siparmahanon do angka ruas ni huria na menunggak pelean taonna. Sipasahaton ni huria ma tu na menunggak Pelean Taon-na “Surat Parmahanion”, dungkon ni i muse mangihut ma “Surat Paminsangion” molo ndang diharingkothon na boi do dipasahat huria “Ruhut Parmahanion dohot Paminsangion”.

g.     Ganup do Sintua Lingkungan ingkon adong maniop “buku data pembayaran pelean taon” sian lingkunganna be.

12.     Acara minggu/Tingting

a.     Sipamasaon-ma di hurianta acara minggu na marstensilan (mar-Photo Copy), laos disi ma tarsurat nomor ni ende, tingting na marragam dohot parhepengon. Molo tarbahen dohot angka namarulang tahun dibagasan Minggui

b.     Sude na marpardomuan tu hal sitingtinghonon di parmingguon sian ruas asa boi di edit dohot diphoto copy, batas ni parsahat ni laporan tu Uluan ni Huria ima olat ni ari Sabtu jam 12.00 Wib. Molo dung lobi sian batas naung ditontuhon i dipasahat gabe tu minggu na mangihut ma muse ditingtinghon.

13.     PROGRAM PEMBANGUNAN

01.         Atap, plavon dohot Keramik Lantai Gereja, alani tabentuk ma Panitia Renovasi Pembangunan ni Hurianta tu 2016

14.     Gugu/Pelean Bangunan

a.     Pamasa on ma ni huria ma Gugu/Pelean Bangunan hombar tu haporluan ni bangunan.

b.     Taringot tu godang ni Gugu/Pelean Bangunan i, Rapot ni Parhalado Partohonanma rap dohot Panitia Bangunan na tarpillit laho manontuhon sadia batas minimal tu na hot ripe dohot tu na mabalu.

c.     Parade on ni Panitia Bangunanma Kartu Gugu/Pelean Bangunan jala sistim pembayaranna boi sahali manggarar alai boi do nang diangsur.

15.     Tano Juma ni Huria

Uluan ni Huria dohot Parhalado na full timer ma mangusahai hombar tu naung dihasomalhon nasailaon. Molo dung sidung Panen hasil ni jagung sinuaeng

16.     Pengadaan Kalender HKBP

a.     Laho pahinsathon roha panghaholongion ni ruas maradophon hurianta HKBP, usahahonon ni huria ma pasahat Kalender HKBP tu ruas songon ganti ni kado akhir tahun sian huria.

b.     Taringot tu dana na marpardomuan tusi na boi do dipatupa papungu dana spontanitas dungkon haruar minggu, jala boi do langsung sian kas ni huria.

17.   Ulos Hatuaon

Molo tarbahen patupaonta ma pasahat Ulos/Tungkot Hatuaon tu angka ruas naung marumur 70  manang 80 taon tu Ginjang ( Psalmen 90:10)

18.   Pesta Pesta Huria

-          Pesta Gotilon,      21  Februari   2016

-          Pesta Pembangunan……………

-          Pesta Lilin  Desember

-          Pesta Resort bulan Juni

-          Pesta Parheheon Ina Saresort di Paskah pa II hon

19.   Natal.

-          Angka Perayaan Natal di Hurianta tapahembang ma

-          Natal Keluarga dumenggan ma ra di Tgl 23 Desember

-          Natal Ama – Ina ( Gabungan )

-          Natal Sektor ( Digabungma 2 Sektor sahali Marnatal

-          Natal Singkola Minggu 1 Hali ( Di Patibu ma masuk )

20.   Anggaran Terlampir

21.     Panutup.

Songon i ma jolo konsep program kerja na boi pinasahat. Nirajuman tung mansai godang dope na ingkon sipatupaonta nian ditongatonga ni huria i marhite program kerja, asa lam tu majuna huhut lam tu dengganna tu joloan on.

Sai dipasupasu Tuhanta ma ganup Parhalado ni hurianta manghobasi na ringkot di Tuhan i, jala dipasupasu ma nang naniula dohot na sinangkapan ni ganup ruas bahen las ni roha huhut gabe pujipujian di Tuhanta. Mauliate!

Tiga Lingga, 07 Feb 2016

Uluan Ni Huria

HKBP Tiga Lingga

(Pdt. Budianto Sianturi)

Catatan 

­­­­­__________________________________________________________________________________________________________ _______________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________