PROGRAM KERJA DAN ANGGARAN HKBP RESSORT TIGALINGGA 2016

KEPUTUSAN RAPAT  KERJA

HKBP RESORT TIGA LINGGA

TAHUN 2016

 

Thema  : GABE RUMATANGGA SIOLOI JAHOWA JOSUA 24: 14-24

1.        Patujolo :

Ditotophon HKBP do taon 2016 on gabe taon Keluarga. 

Alani i HKBP sa-Ressort Tigalingga  parsidohot manghobasi diri laho pehehe pelayanan marhite kegiatan-kegiatan perayaan dihuria, Ressort, Regional maupun secara Nasional merayakan tahun Keluarga HKBP. 

Adong do 2 (dua) ulaon na balga siulaon ni HKBP di taon 2016 on, ima :

1. Pesta Tahun Keluarga jadwal tapaima sian  HKBP
2. Periodisasi di HKBP sian Tk Huria S/d pimpinan HKBP 

Na dibulan November 2015 tapaborhat do Pdt. Sathin P Hutahaean tu panghobasion naimbaru, jala tajanghon do Pdt. Budianto Sianturi marhobas di Ressort taon

01.       Parmingguon na magodang

a.     Parmasuk ni minggu. Parmasuk ni minggu ima jam 10.00 Wib.

b.     Song leader (pemandu ende)

1.     Di acara parmingguon siganup minggu ende diuluhon Song Leader/ sijaha Ende

2.     Angka petugas rap marguru dohot pianis andorang so ari minggu.

3.     Angka ende na maol diajari petugas Song Leader ma andorang so masuk minggu.

4.     Bahenonta ma Preambule ni acara parmingguon, dohot di Panopotion ni Dosa sijahahonon ni Paragenda  

c.     Vasilitas Musik Gereja (Orgen+Speaker) di Setiap Huria

1.      Pemantapan Vasilitas music Gereja  

2.      Jarak antara ni tangiang manopoti dosa dohot bagabaga, manghuling orgen angonangon (1/2 suara), ende na hombar tusi ima ende panopotion dosa. 

d.     Pardalan ni acara minggu

Dang gorahonon ni paragenda be di acara minggu partording ni acara, isarana: markoor ma …, marende ma hita sian no…, alai langsung ma mardalan acara i.

e.      Punguan Koor, Tapahembang ma angka Punguan Koor di ganup Huria

f.      mardomu taon 2016 tahun Keluarga di HKBP nunga tingkina sude huria na di ressort on pahinsathon  Ama. Tapingkiri ma nanaeng pahinsathon punguan ama ai nasida do malim di ruma tangga huhut panogunogu songon i nang di huria

 03.   Parmingguon Singkola minggu

3.1     Dihunjuk huria ma marhite rapot na gabe pianis pemandu music angka ende ni dakdanak singkola.

3.2     Patupaon  ma ditongatonga ni hurianta “Pembinaan/Sermon Guru Singkola Minggu”, jadwalna Ditontuhon ma muse  manang ari libur singkola.

3.3     Dipatupa Huria-ma marhite Guru Singkola Minggu kegiatan “Kebaktian Minggu Ceria”, tingkina di atur  ma manang 1 x 1 bulan

04.       Partangiangan Lingkungan

4.1     Tongtong ma patupaon ni huria Partangiangan Lingkungan.

4.2     Ganup do ruas mar-kewajiban manjanghonon partangiangan dibagasna.

4.3     Patupaon ni huria ma roster inganan ni partangiangan lingkungan.

Partangiangan Passion

Songon huria namarpanindangion naeng ma tong tong tapatupa partangiangan Passion di hurianta on tehnisna boi ma di sesuaikan tu kondisi.

Dipatupa dung simpul tingting dijaha passion I-IV,

Palimahon(V) dipatupa di di gareja bodari ni ari Kamis andorang so Jumat Agung, dihirim roha asa rata panaonon ni Tuhan Jesus di ngolu ni ruas i.

05.            Parhepengon ni Huria

5.1     Parhepengon ni huria ingkon do dilaporhon Bendahara Huria sahali sa-bulan manang salambatlambatna sahali tolu (3) bulan.

5.2     Laporan parhepengon ingkon di tempelhon ma di papan informasi ni huria.

5.3     Mangetong laporan parhepengon ni huria cukup ma Uluan ni Huria, Parhalado Parartaon dohot Bendahara, alai na boi do dohot sude Parhalado mamereng hinaringkotna.

5.4     Laporan parhepengon (mingguan, bulanan, tri-wulan, smester manang tahunan) ingkon ditandatangani Uluan ni Huria, Parhalado Parartaon dohot Bendahara Huria.

5.5     Ingkon tangkas do Bendahara Huria laho mangetong, manimpan (di Bank), dohot manggarar angka na marhaporluan tu pengeluaran ni huria (Kwitansi).

06.            Ha-Sintuaon

6.1     Pangantusion: Sintua ima na manjalo tohonan Sintua sian HKBP marhitehite Pandita Ressort hombar tu Agenda HKBP.

6.2     Syarat gabe Sintua:

01.  Ruas na mamelehon dirina gabe Sintua.

02.  Na ringgas marminggu dohot mandohoti parpadanan na badia.

03.  Na so hasurahan pangalahona.

04.  Na ummotikna marumur 25 taon.

05.  Hipas roha dohot pamatangna.

06.  Mamolus pendidikan na ummotikna Sekolah Lanjutan Pertama

6.3     Periodisasi

Mardomu tu Tahun Periodisasi sesuai dohot Petunjuk sian Pusat patupaonta ma Periodisasi di Hurianta sa Resort on

07.       Penabalan Sintua dohot Pengangkatan Calon Sintua

Di sangkapi hurianta do di bagasan taon on patupahon penabalan Sintua, dohot pengangkatan Calon Sintua. Baju Tohonan tu na penabalan dohot paradehon Buku Agenda tu angka Calon Sintua. Songon i do nang ala penabalan-ma Sintua dohot pengangkatan tu angka na Calon Sintua, tontu kewajiban ni huria do paradehon Buku Agenda dohot Baju Tohonan bahen pahean nasida manghobasi huria dohot ruas di angka ulaon na marragam i.

08.       Disiplin/Etika ha-parhaladoon

1.     Parsahatna ni parhalado tu bilut parhobasan saboiboina 1/2 jom andorang so masuk minggu.

2.     Ganup ma Sintua (Ama) mamangke pahean Jas manang saboiboina mamangke pahean kameja dohot mardasi jala Ina markabaya di tingki mamasuhi parmingguon.

3.     Dang boi sahalak parhalado mamangke pahean “batik” molo laho mamasuhi bilut parhobasan di tingki acara mingguon.

4.     Patupaon do di huria na sa-Ressort daftar hadir ni parhalado di siganup minggu. Haporluanna asa adong bahan evaluasi di ujung ni taon jala dipabotohon ma tu Pandita Ressort.

5.     Sipabotohonon ni parhalado tu Uluan ni Huria molo so boi mandohoti parmingguon alani angka ulaon na tung mansai ringkot situtu manang alani na marsahit.

6.     Kewajiban ni Sintua do ingkon mandohoti Sermon Ressort alai dipatujolo huria ma marsermon angka parjamita.

7.     Sahalak Sintua na so hea mandohoti Sermon Ressort dibagasan sataon, pasahaton ni Pandita Ressortma Surat Parmahanion sahat tu Surat Paminsangion.

8.     Boi do sahalak Calon Sintua mar-Agenda di parmingguon dohot dipartangiangan alai ndang boi nasida pasahat tangiang pasupasu.

9.     Siparsitutuhonon ni ganup parhalado do ingkon jumolo sian ruas laho pasahat pelean taon, asa dungkon ni i marhatauon laho paingothon ruas laho manggarar pelean taon.

09.       Haruason

1.     Hombar tu haputusan Data Base Online HKBP, patupaonta ma di ganup huria na sa-Ressort mandata angka ruas ni huria.

2.     Molo adong ruas naeng masuk tu huria sian HKBP alai ndang adong surat pinda huria nasida, jaloon do nasida gabe ruas alai goaron ma nasida “Ruas Parguru”, songon i do nang molo ro sian sekte manang huria na asing. Simatamataan ni parhalado do parsitutuon nasida jala molo dihangoluhon do parhuriaon i ditingtinghon ma muse nasida gabe “Ruas na Gok” jala laos di tingki i ma molo boi dipasahat Pelean Taonna.

3.     Sipaingoton ni huria do marhite parhalado angka angka ruas ni huria na so hea marminggu mamolus taon tu taon.

4.     Sipasahaton ni huria ma tu angka ruas na so hea marminggu “Surat Parmahanion”. Molo tong do ndang diharingkothon surat parmahanion i, dipasahatma muse “Surat Paminsangion”, rodi na hona Ruhut Parmahanion Paminsangion (RPP). Laos songon i do nang ruas na olo marminggu tu huria na lain di luar ni HKBP.

5.     Ndang ditolopi huria hombar tu RPP HKBP ruas na sai marminggu tu huria na asing,

6.     Angka Ruas ni Huria na Hona RPP Denggan ma diparmahani parhalado, jala molo dung dapot tingkina jala marhatauon nasida jangkonon ma nasida mulak tu Huria di Parmingguon

10.       Marguru Malua

a.     Pamasaonma dihurianta marsiajar marguru malua sa-Ressort Tiga Lingga tu angka na naeng manghatindanghon haporseaon.

b.     Jadwal marguru malua di tingki ari libur singkola dohot di tingki ari minggu. Dohot diparguruon ni Remaja Naposobulung

c.     Ndang pintor tolopan ni parhalado sahalak ianakhon na naeng manghatindanghon haporseaon, ianggo so jolo adong panimbangion khusus sian Pandita Ressort. 

11.       Pelean Taon

a.     Sude do angka ripe ruas ni huria mar-kewajiban laho pasahathon pelean taon so mardia imbar.

b.     Angka ruas na “baru hot ripe” parsidohot do pasahathon pelean taon tung pe so tarpasahat nasida gok songon na niaturhon ni huria.

c.      Ia “batas minimal” pelean taon sigararon ruas na hot ripe ima Rp …, na mabalu dohot na baru hot ripe Rp ..,.

d.     Sistim pembayaran pelean taon na boi do di angsur (bulanan) alai boi do sekaligus.

e.     Diparade huria ma kartu pembayaran pelean taon.

f.       Siparmahanon do angka ruas ni huria na menunggak pelean taonna. Sipasahaton ni huria ma tu na menunggak Pelean Taon-na “Surat Parmahanion”, dungkon ni i muse mangihut ma “Surat Paminsangion” molo ndang diharingkothon na boi do dipasahat huria “Ruhut Parmahanion dohot Paminsangion”.

g.     Ganup do Sintua Lingkungan ingkon adong maniop “buku data pembayaran pelean taon” sian lingkunganna be.

12.       Gugu/Pelean Bangunan

a.     Pamasa on ma ni huria ma Gugu/Pelean Bangunan hombar tu haporluan ni bangunan.

b.     Taringot tu godang ni Gugu/Pelean Bangunan i, Rapot ni Parhalado Partohonanma rap dohot Panitia Bangunan na tarpillit laho manontuhon sadia batas minimal tu na hot ripe dohot tu na mabalu.

c.      Parade on ni Panitia Bangunanma Kartu Gugu/Pelean Bangunan jala sistim pembayaranna boi sahali manggarar alai boi do nang diangsur.

13.       Pengadaan Kalender HKBP

a.     Laho pahinsathon roha panghaholongion ni ruas maradophon hurianta HKBP, usahahonon ni huria ma pasahat Kalender HKBP tu ruas songon ganti ni kado akhir tahun sian huria.

b.     Taringot tu dana na marpardomuan tusi na boi do dipatupa papungu dana spontanitas dungkon haruar minggu, jala boi do langsung sian kas ni huria.

14.     Pembangunan

                Tong ma talanjuthon Program Pembangunan di ganup Huria Nang di Ressort

1. HKBP Tigalingga : Pembangunan Plavon, Atap dan Pengeramikan Lantai
2. HKBP Batugungun : Perampungan Rumah Dinas Huria
3. HKBP Tanjung Beringin ;
4. HKBP Bertungen Julu : Menara, Plseter +Cat Keliling Greja, Bilut Parhobasan
5. HKBP Pandan II : Menara, Organ, Bangku dan Pengecatan
6. HKBP Kedeberek : Rumah Dinas Huria,
7. HKBP Kutabuluh :
8. HKBP Lau Pangguh:
9. HKBP Batu Anggan: Pengadaan Jubah , Bilut Parhobasan, Pengecatan
10. HKBP Bulu Rintang : Organ, Microvon
11. HKBP Sibengkurung : Sound Sistem, Bilut Parhobasan
12. HKBP Sukabangun

15.     Ulos Hatuaon

Molo tarbahen patupaonta ma pasahat Ulos/Tungkot Hatuaon tu angka ruas naung marumur 70 Taon manang  manang 80 taon tu Ginjang ( Psalmen 90:10) Sahali Panjaloon doi

Angka Si ingoton Jala si ulahononhon

Tu Parhalado na mangaramoti Pangalua dipasahat ma hamauliateonna argani 1 Klg Boras

Taringot tu Ruas na so hea Marminggu

Patupaon ni Resort ma Surat Parmahanion sipasahaton tu nasida, patandahon na si sada parmahanion do hita sa Resort on

Taringot tu Sosial Parhalado Saresort na Pensiun , Molo pensiun sahalak sintua , pasahaton ni sude sintua sa Resort  ma Rp 10.000 Per kepala tu nasida dohot Sian Kas Resort Rp 100.000  ( Di Kutip Per St RP 10.000)

Taringot tu Sosial Parhalado molo marujung ngolu , Molo marujung ngolu sada sintua, manang keluarga ( Ama , ina ) Pasahaton ni Parhalado  sa Resort ma per Kepala 10.000  di tamba sian Kas Resort Rp 100.000

Taringot tu Pangoli Oroan na Sahali Tartingting I & II, Jaloon nasida ma surat cuti sian instansi- parkarejoan nasida , molo di toru ni 4 ari do nasida dung Tartingting Praeses ma namangalehon Dinspensasi ( RPP Hal 38-39)

Molo Na Marbagas

Mansai Denggan Molo tarpatupa ni Huria, pasahathon Bibel manang Alkitab tu Pangoli/Oroan i

16.     Pesta Pesta Huria /Kegiatan

-          Pesta Gotilon,  Tapatibu ma mambahen Pesta Gotilon di Ganup Huria      

-          Pesta Pembangunan, Tapahombar ma tu  angka  Sibangunon di Ganup Huria

-          Pesta  Tahun Keluarga/Pesta Parheheon Ama Sa Resort Bulan Juni , Kegiatan , CCA, BDBE, Festival Koor ( Sibentukon ma Panitia )

-          Pesta Amplop Resort di Bulan April

-          Pesta Parheheon Ina  Sa Resort Di Paskah pa II hon  Sasaran : Pengadaan Laptop Dan Printer,  Inventaris Resort, Kegiatan : CCA, BDBE, Festival Koor Dna

-          Parpunguan Remaja Sa Resort di Tontuhon ma muse arina

17.     Natal.

-          Angka Perayaan Natal di Hurianta tapahembang ma

-          Natal Keluarga dumenggan ma di 26 Desember bodarina

-          Natal Parhalado Keluarga Sa Resort, Ditontuhon ma muse tingkina

ADM – Registrasi 2015

No	Uraian	Pandita	Uluan/ Gr. Huria	Sintua Hapotan	Huria Bangunan	Blanko	Total
1	Tardidi Jadwal	100.000	30.000	20.000	20.000	30.000	200.000
2	Tardidi Khusus	150.000	50.000	40.000	40.000	30.000	300.000
3	Malua Jadwal	150.000	50.000	40.000	40.000	30.000	300.000
4	Malua Khusus	175.000	50.000	40.000	40.000	30.000	335.000
5	Malua Manompang	200.000	100.000	100.000	100.000	30.000	530.000
6	Martumpol –Marbagas	200.000	130.000	130.000	70.000	30.000	560.000
7	Holan Martumpol	50.000	120.000	60.000	60.000	-	290.000
8	Holan Marbagas	200.000	80.000	50.000	50.000	30.000	410.000
9	Mangalua (Boru Muli)	-	-	-	150.000	-	150.000
10	Nasa Surat	50.000	50.000	20.000	-	-	120.000

ADM – Registrasi /2016

No	Uraian	Pandita	Uluan/ Gr. Huria	Sintua Hapotan	Huria Bangunan	Blanko	Total
1	Tardidi Jadwal	45%	-	-	-	20.000	175.000
2	Tardidi Khusus	45%	-	-	-	20.000	250.000
3	Malua Jadwal	45%	-	-	-	20.000	250.000
4	Malua Khusus	-	-	-	-	20.000	300.000
5	Malua Manompang	-	-	-	-	20.000	500.000
6	Martumpol –Marbagas	-	-	-	-	20.000	500.000
7	Holan Martumpol	-	-	-	-	-	300.000
8	Holan Marbagas	-	-	-	-	20.000	400.000
9	Mangalua (Boru Muli)	Dipasahatma Hamauliateonna tu Huria					-

Catt : Diatur Uluan Ni Huria Ma Parbagi Ni Hamauliateon I  tu ganup angka pos-pos na adong di ginjang ondeng

Anggaran HKBP Resort Tigalingga Tahun 2016

No	Peneriamaan	Tunggakan 2015	Target 2016	Jumlah (Rp)
1	HKBP Tigalingga	18.750.000	50.000.000	68.750.000
2	HKBP Batu Gungun		11.000.000	11.000.000
3	HKBP Tj. Beringin		7.000.000	7.000.000
4	HKBP Sibengkurung	1.500.000	5.500.000	7.000.000
5	HKBP Kedeberek		5.500.000	5.500.000
6	HKBP Bertungen		5.000.000	5.000.000
7	HKBP Lau Pangguh	2.000.000	3.000.000	5.000.000
8	HKBP Pandan II		2.200.000	2.200.000
9	HKBP Kuta Buluh		2.500.000	2.500.000
10	HKBP B. Rintang		2.000.000	2.000.000
11	HKBP Batu Anggan		1.750.000	1.750.000
12	HKBP Suka Bangun	950.000	1.600.000	2.250.000
13	Pelean Amplop Tu Res		5.000.000	5.000.000
14	Pesta Resort		4.120.000	4.120.000
	Jumlah	23.200.000	106.170.000	129.370.640

No	Pengeluaran	Jumlah (Rp)
1	Balanjo Pandita Resort 2 x Rp. 2.625.658 x 14 (5.251.316)	73.518.424
2	Balanjo Pandita Resort Bulan Desember 2015	5.251.316
3	Tunjangan Kesehatan 12 Bulan x Rp. 150.000	1.800.000
4	Dana Pensiun 12 Bulan x Rp. 103.325	1.239.900
5	Biaya Telepon	1.000.000
6	Bantuan tu Partamueon	1.750.000
7	Yuran Distrik	4.200.000
8	Sinode Distrik / Rapot Distrik	5.000.000
9	Transport Sermon dan Konven Pendeta tu Distrik	2.000.000
10.	Biaya Sinode Godang	4.000.000
11	ADM Resort	2.000.000
12	Raport Parhalado Resort 3 x	2.000.000
13	Bantuan Transport Bestur Resort / Sipalasroha	3.500.000
14	Bantuan Transport Sekbend / Sipalasroha	3.000.000
15	Verifikasi Distrik	1.500.000
16	Inventaris Resort	2.000.000
17	Perawatan Mobil Resort dan Pajak / BBN	8.000.000
18	Biaya tu Ulaon Hatopan Distrik dohot pusat	3.000.000
19	Parongkosan Barang Pindah Pdt. Resort	2.250.000
20	Tagam-tagam	2.361.000
	Jumlah	129.370.640

18.       Panutup.

Songon i ma jolo  program kerja na boi pinasahat. Di Rajumi Parrapot do tung mansai godang dope na ingkon sipatupaonta nian ditongatonga ni huria i marhite program kerja, asa lam tu majuna huhut lam tu dengganna tu joloan on.

Sai dipasupasu Tuhanta ma ganup Parhalado ni hurianta manghobasi na ringkot di Tuhan i, jala dipasupasu ma nang naniula dohot na sinangkapan ni ganup ruas bahen las ni roha huhut gabe pujipujian di Tuhanta. Mauliate!

Tiga Lingga, 14 Jan 2016

Pendeta HKBP Resort

 Tiga Lingga

(Pdt. Budianto Sianturi)