ACARA PARTUMPOLON

ACARA PARTUMPOLON

JEFRY ANTRO PASARIBU

&

BIV. ROMAULI Br SIANTURI

Sabtu, 19 Desember 2015

Di HKBP PANDAN II

RESSORT TIGA LINGGA – DISTRIK VI DAIRI

 

I.                PANGARADEON (di bilut parhobasan): Parhalado, Pangoli & Oroan, Pandongani ni Pangoli & Oroan, Natoras ni Pangoli & Oroan (mewakili)

II.                IBADAH :

01.       Marende Huria BE No. 565 : 1 + 4                 “Las Rohangku lao mamuji”

Ø  Las rohangku lao mamuji Debata parholong i. Songon bunga na mangerbang di na binsar ari i. Arsak, dosa, haporsuhon mago dibaen asiMi. Las ni roha na manongtong lehon di au Tuhanki.

Ø  Rap ma hita mangendehon sangap di goarNa i. Tapangiar soaranta lao mamuji Tuhan i. Sun do holong ni rohaNa na so marnamontok i. I do pasadahon hita salelenglelengna i.

02.       VOTUM/INTROITUS

P:   Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Porbadia, Amen.

      Ida ma sai nolnol do mata ni Jahowa tu angka na manghabiari Ibana, angka na manghalungunhon asi ni rohaNa.

R:   Sai dihalungunhon rohanami do Jahowa. Ibana do panumpahi dohot lombulombunami. Ai mangasahon Ibana marlas ni roha do hami, marhaposan tu GoarNa na badia i do hami.

P:   Sai pasonggop ma asi ni rohaM tu hami, ale Jahowa, hombar tu panghalungunhononnami di Ho. HALELUYA

Martangiang ma hita: Ale Debata Amanami na di banua ginjang, mauliate dohot pujipujian ma disombahon rohanami na pungu on tu Ho, ala tongtong do diramoti Ho hami, lumobi ma anak dohot boru ni huriaM: Jepry Antro Pasaribu dohot Biv. Romauli Br Sianturi na naeng marpadan di adopanMu ditongatonga ni huriaM di tingki on. Nunga dos tahi nasida nadua naeng mardongan saripe, hombar tu ari na binuhul nasida. Na ro do nasida nuaeng tu huriaM, mangido asi ni rohaM, asa tulus sangkap nasida i dibagasan lomo ni rohaM, jala hombar tu ruhut parhuriaon Huria Kristen Batak Protestan.

R:  Paloas ma naposoM laho manulingkiti parsitutuon ni holong nasida, asa marojahan tu lomo ni rohaM pardongansaripeon nasida. TondiM Tondi Porbadia i ma na margogoihon nasida, asa sian nasa roha nasida mangalusi panangkasion ni naposoM.

P:   Tangihon ma tangiang pangidoannami on, ala ni Anak haholongan ni rohaM, Tuhan Jesus Kristus Tuhannami. Amen

03.       Marende Huria BE No 701 : 1 + 3                   “Tu Ho do au marpadan”

Ø  Tu Ho do au marpadan, O Jesus Tuhanki. Asa burju haposan au di adopanMi. Sai Ho ma mandongani au di ulaonki, ajari pargogoi ma au di dalanki.

Ø  PadanMu ale Jesus tu angka ruasMi, luhut do toguonMu tu hasangaponMi. Padanku pe O Jesus satia au tu Ho, sai pargogoi ma au, lao mangihuthon Ho.

04.       Manjaha Surat Parpadanan: (PANGOLI dohot OROAN):

(Pangoli):

Ahu na margoar: JEPRY ANTRO PASARIBU

Inganan & Tgl Lahir: 18 Juni 1987. Tardidi: 16 Agustus 1987. Manghatindanghon Haporseaon: 02 Januari 2011.

Anak ni Damang: M. Pasaribu. Tubu ni Dainang: S. Br. Munthe.

Sian Huta: Pandan Ri. Huria: HKBP Pandan Ri. Ressort:Juma Teguh.

DOHOT

(Oroan):

Ahu na margoar: Biv. ROMAULI Br SIANTURI

Inganan & Tgl Lahir: 03 Nopember 1988. Tardidi: 26 Pebruari 1989. Manghatindanghon Haporseaon: 27 Desember 2007.

Boru ni Damang: St. A. Sianturi. Tubu ni Dainang: L. Br. Manullang.

 Sian Huta: Pandan II. Huria: HKBP Pandan II. Ressort: Tiga Lingga.

(Pangoli dohot Oroan rap manjahahon):

Mangundukhon parpadanannami songon na tarsurat di toru on:

(1)    Nunga tangkas sian nasa rohanami naeng mardongan saripe.

(2)  Ingkon masihaholongan hami songon parsaripeon ni halak Kristen na tutu.

(3)  Ndang jadi sirang parsaripeonnami ia so sinirang ni hamatean, jala ingkon saroha hami mangihuthon aturan/ruhut hakristenon ni HKBP.

(4)  Torang do parhuriaonnami jala ndang adong parbogasonnami tu na asing, molo tung adong pangambat di parbogasonnami, ingkon jolo patureonnami do i, asa tarpangido hami pasupasu laho paujunghon bogas i.

05.       Manandatangani Surat Parpadanan :

06.       Manangkasi Surat Parpadanan:   (1) Tingting    (2) Ari & inganan Pamasumasuon

07.       KOOR :             1. ____                        2. ____

08.       Marende Huria BE No. 30 : 1 + 4                   “Jesus lehon hatorangan”                   (BL.135)

v  Jesus lehon hatorangan, hapistaran mangantusi hataMi. Lehon mata na marnida dohot roha na umboto dalanMi. Asa tongtong maradophon bohiMi mardalan hami. Asa digomgomi TondiMi ma hami.

v  Sai tangihon ale Tuhan molo martangiang hami be tu Ho. Pasupasu marlobian, lehononMu tu na ro manopot Ho. Sai dongani nama hami asa hot di parpadanan. Mian hami sahat ro tu hasonangan.

09.       JAMITA :

10.       Marende Huria BE No. 435 : 1 – 3      “Marolopolop tondingki” (P.PELEAN)  (BL.294)

Ø  Marolopolop tondingki ai naung ditobus Jesus i. Hamu sude begema i sai las rohangku mandok i. (Reff:) Sonang ni tingki i dung jumpang Jesus Tuhanki! TondiNa mangajari au, tarbaen marlas ni roha au. Sonang ni tingki i, dung jumpang Jesus Tuhanki.

Ø  Dihaol holongNa rohangki, tung na so boi be mago i. MataNa do manatap au, pinggolNa tumangihon au. (Reff:) Sonang ni tingki i..…du!         ~~~musik/intro~~~

Ø  Tu Jesus sahat ngolungki saleleng ni lelengna i. Rap dohot au endehonma, endengku na imbaru da. (Reff:) Sonang ni tingki i…..du!

11.       Tangiang: Pelean – Ale Amanami – Panutup/Pasupasu

12.       Amen – Amen – Amen

==========================================================================

Parhalado HKBP Pandan II

Pasahathon :

“ SELAMAT AKAN MENEMPUH HIDUP BARU

MENUJU PERNIKAHAN “

Immanuel

ACARA PARTANGIANGAN SEKTOR & passion HKBP Tigalingga (di Bagas ni Kel. Sektor – HKBP Tigalingga )

              ACARA PARTANGIANGAN SEKTOR & passion  HKBP Tigalingga

(di Bagas ni Kel.        Sektor         –   HKBP Tigalingga )

 

01.     Marende Huria BE No. 575 : 1            “Puji ma Debata na Songkal”

02.     VOTUM – Introitus

U:            Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Parbadia. Amen Tabereng ma induk ni haporseaoni jala na paujunghonsa, i ma Jesus na manaonhon parsilangon i, singkat ni lasniroha tohapNa i hian so dietong i hailaon, gabe hundul disiamun ni habangsa ni Debata; Paingotingot hamu ma Ibana, na pataontaon paraloan sisongoni  dompak Ibana sian angka sipardosa , asa unang marnaloja hamu, unang mandele tondimuna!     Haleluya ! Martangiang ma hita: Ale Tuhan Debata na di Banua ginjang! Asi ma rohaM di hami halak na galeon, Di ida Ho , na gogo do musunami, sai talu do hami di bahen, alani hagaleonnami. Dibahen i hupangido hami tu Ho : Sai pargogoi jala pamonang ma hami maralohon musu i marhitehite pananonon ni Anak haholongan ni roham Tuhan Jesus Kristus Amen.

03.     Manjaha Hata ni Debata: ( Epistel ) Jesaya 43: 16-21

04.     Marende No 152 : 1  “ Jesus na Mamorsan”

05       Manjaha Passion I...Jadi diarahon Jesus ma .......du...sahat tu nasidung

06       Marende No 26 : 2-3  “ Dame nimmu ale Jesus”

07        Jamita :  Josua  5: 9-12

08        Marende No 206 : 4  “ Nadison do au Tuhanhu”

09        Tangiang sian Na Ro

10        Marende No 267 :1   “O Tuhan Sulingkit ma ahu”

11        Tangiang sian Parjabu

12        Marende No 753 : 1---  “Dipardalanan Jesus di Jolongku” ( P . Pelean )

13        Tangiang Pelean + Pasu-pasu+ Amen-amen

Jamita Partangiangan Josua 5:1-9

          SERMON PARHALADO HKBP TIGALINGGA SABTU 27 FEBRUARI 2016

Epistel : Josua 5:9-12

“Natinompa naimbaru dibagasan Jesus Kristus”

Natinompa na imbaru na marlapatan do i mangolu di bagasan sada hangoluan na imbaru.ngolu na imbaru i ma marasing sian ngolu naung salpu.Ngolu na imbaru ndada boidapotta molo sian hadirionta sandiri,ndang sejenis renungan mistik manang pardalanan ni tondi ala pengaruh obat bius.Alai sabalikna do i,ia ngolu naimbaru manang na tinompa na imbaru i ma ulaon ni Debata do i na tangkas taida jala na manontong ,ai sian hangoluan na imbaru na binoan ni Debata daionta ma haimbaruon ni ngolu dohot habadiaon

Hangoluan na imbaru sisongon i ma na tinawarhon ni Debata tu bangso Israel marhite si Josua diturpukta on.Ninna Jahowa ma tu si Josua: Sadari on Ahu manggulangi haurahon Misir sian hamu,gabe targoar ma inganan i Gilgal rasirasa sadari on (ay.9).Gilgal gabe sada monumen peringatan diholong dohot asi ni roha ni Debata tu jolma i laho manesa manang manalpuhon angka dosa sian nasida.Laos di Gilgal ma bangso ni Debata marulaon Paskah,i ma songon parningotan haluaon na pitupa ni Debata tu bangso Israel naung dapotan haluaon sian parhatobanon di Misir, jala laos disi ma nasida manganhon roti na so niigaran.Ndada Manna be dipangan bangso i songon na sai laon dipangannasida, alai nunga gogo  ni tano i i ma tano Kanaan dipangan nasida.Haluaon na binoan ni Debata tu bangso Israel i ma haluaon na memampukan jala na mangalehon gogo tu bangso i laho mandalani ngolu na imbaru.

Sasintongna molo tapamanat do bindu 5 on, mulai sian ayat sada, tung halongangan do na pinatupa ni Debata laho pajongjong haimbaruon dohot ngolu na imbaru tu bangso i. Disi tangkas do tajaha naung gabe giang do ateate nia alo ni bangso Israel jala laos so diingananna be do rohanasida dibaen biar ni rohanasida ala naung diarsik ni Jahowa aek Jordan maradophon Israel. Sude do ra ahli perang setuju mandok, i ma tingki na denggan di bangso i mambahen penyerbuan tu alo nasida tongon di biar ni roha ni musuna, Alai aha ma na masa,ndada dipatupa bangso i penyerangan, gariada marsaro do nasida di Gilgal hombar tu tona ni Debata. Ndada holan i, disuru Debata dope asa bahenon ni si Josua raut sian batu dung i sunaton ma halak Israel paduahalihon, termasuk ma sude prajurit.Tontu ganup halak marnida i pasti do dohononna “on ma parenta na so siat tu roha dohot tu pingkiran”.Sasintongna penyerbuan nama tahion,hape ingkon sunaton do paduahalihon halak Israe, nda gabe gale do prajurit tempur ni Israel i songon i?

Alai asing pingkiran ni jolma sian pingkiran ni Debata, justru na denggan do parenta ni Debata i tu bangso Israel. Ringkot do marsaro bangso i di Gilgal, ai disi naeng paradeon manang persiaphonon ni Debata do nasida masuk tu tano Kanaan.Dia ma persiapan na pinatupa ni Debata di Gilgal  na taida marhite turpuk on, Parjolo i ma paimbaruhon padan ni Debata dohot bangsoNa marhite parsunaton (ay.3).Parsunaton na paduahalihon i ma hataridaan ni padan naung pinaimbaru ni Debata maradophon bangsoNa Israel , ingkon bolongkononnasida ma harorangonnasida, dosanasida na sailaon maradophon Debata ; Paduahon,mangajari nasida asa tongtong marpangunsandean tu Debata.Ai didaerah ni musu do nasida marsaro jala prajurit pe ndang boi marporang ala disunat. Disi ma ringkot ni haporseaon na tutu tu Debata laho mangoloi hataNa, pingkiran nasida do nanaeng ulahononna manang na hata ni Debata do. Dihagaleon nasida i tontu Debata ma sipangasahononna ndada dirina sandiri, Patoluhon , manggulang hauahon ni bangsoi , na ni ula nasida na jololo , Paopathon Marningot padan dohot pambahenan ni Debata tu bangsoi. Marhite na marulaon Paskah nasida asa di ingot nasida padan haluaon na pinatuppa ni Debata tu nasida. Tung mansai denggan do tingki na niuarihon ni Debata tu ganup hita. Tutu sipata ingkon songon bangso Israel do hita na marsaro manang paimahon tingki na binuhul ni Debata di Gilgal. Na boi di pingkiranta hira naung tagolom do peluang emas di ngolunta, naeng ma pintor taulahon ma na di rohanta i, hape na boi masa do didok Debata ndang tingkina dope, ingkon tongtong do hita marsiajar, parade diri dihaporseaon andorang so tadai angka pasupasu manang padan ni Debata tu ganup hita. Dumenggan do hita mardalan ditingki dohot pandohan ni Debata sian mardalan mangihuthon pingkiranta sandiri.

Na gok asi ni roha dohot holong ni roha do Debata dipardalanan ni ngolunta songon naaung pinatupaNa tu bangso Israel. Jala tangkas do diauhon par psalm dingoluna marhite na nidokna “Jadi hupabotohon ma tu Ho dosangku jala ndang huhungkupi salangku; ningku do: Topotanku ma angka pangalaosingku tu Jahowa, jadi marpamuati do rohaM di utang ni dosangki ( Psalm 32:5). Ganup halak namanopoti angka dosa dohot hasalaanna jala mulak tu dalan ni Debata disi do dipaimbaru Debata status ni hangoluanta, gabe marhangoluan na imbaru ma hita. Songon i do namasa taringot tu “anak na mago i” Disolsolo ibana do dirina na mandok :Ndang tama be ahu goaron anakmu; bahen ma ahu songon anak gajianmu sada! Amang na mardosa do ahu tu banua ginjang nang dompak ho; ndang tama be ahu goaron anakmu! Alai ninna amai ma mandok naposona ; haru, boan hamu ma ulos na dumenggan, salini hamu ma ibana; tintin ma lehon hamu tu tanganna dohot sipatu tu patna (Luk 15:19;21-22) . Tung mansai luar biasa do pambahenan ni Amanai tu ianakhonnai, mulak jala sadar anaknai gabe dapotan ngolu na imbaru, songoni do holong ni roha ni Debata tu hita dibagasan Kristus Jesus.

Laos songoni do nang na ni dokni Ap Paulus “Asa molo dibagasan Kristus halak na tinompa naimbaru ma i, Nunga salpu pangangalaho na robi gabe naimbaru. Sudenai sian Debata do; ai Ibana do padengganhon hita tu dirina marhite Kristus, jala dilehon do tu hami tohonan pardengganan i. Ai dibagasan Kristus do Debata, gabe dipadenggan do portibion tu dirina ai ndang dijujur tu nasida dosanasida, jala dipajongjong do di tongatonganami hata pardengganan i” ( 2 Kor 5:17-19). Hinorhon  ni holong ni roha ni Tuhan Jesus Kristus, ganup halak dapotan tingki na imbaru laho mangisi ngoluna gabe parhobas ni Tuhanta, ndada sebatas holan siboan dame alai siboan holong tu sandok portibion. Ido Barita nauli na binoan ni hata ni Debata na tarida di turpukta on, pengampunan na pinatupa ni Debata tu bangso Israel gabe pardengganan do i di nasida. Laos pengampunan ni Debata marhite Tuhan Jesus Kristus pe i do pardengganan na ummuli na naeng sihangoluhonon ta. Haluaon na binoan ni Jesus i gabe ngolu naimbaru doi di hita, na memulihkan dohot patoguhon hita laho marparsaoran dohot Debata. Pingkiran nang rohanta pe nunga imbaru laho mamboan barita las ni roha tu dongan dohot laho memampuhon hita manesa  dosa ni dongan. Antong marroha na imbaru ma hita, ai nunga mangolu dibagasan Tuhan Jesus ngolunta be. Amen  Dienet sian Buku Jamita Partangiangan na Ginurithon ni Pdt Jefri Sihombing STh