TATA IBADAH PESTA PUNCAK TAHUN PENDIDIKAN DAN PEMBERDAYAAN 2017 HKBP SE RESSORT TIGALINGA DISTRIK VI DAIRI

TATA IBADAH PESTA PUNCAK TAHUN PENDIDIKAN DAN PEMBERDAYAAN 2017

HKBP SE RESSORT TIGALINGA

DISTRIK VI DAIRI

 

Suasana ibadah  

  

TONDI PARBADIA PAIMBARUHON  ROHA

ROH KUDUS MEMPERBAHARUI HATI

SENIN 05 JUNI 2017

       Joujou tu Parsombaon          (U : Uluan; R : Ruas; S : Sude)

  1.   Marende BE. No. 102:1-3 “O Tondi Parbadia i Bongoti BL. 206 Es=Do

1.      O Tondi Parbadia i bongoti rohanami be, ro sipatiur roha.

O sondang sain surgo i sondangi rohanami be, tu halalas ni roha.

Asa masa patupahon pinodahon ni hataMu,

Sai tu hami ma rohaMu.

       2.             Ho do silehon roha i di nasa na porsea i, tumpahi rohanami.

Patogu rohanami be, pasar hataM tu sasude, sai tong dongani hami.

On pe, sude parrohaon, hatuaon lehononMu, sipujion do goarMu.

…………………… Musik …………………………………..Jongjong…………………

3.      Sai pargogoi ma hami on mangihutihut hataMon di pardalanannami.

Haporseaonnami pe tambai tung masa aha pe na bernit taononnami.

Tatap, tatap sude hami, rohanami pasonanghon;

Hajolmaon hamonanghon.

                  2.       Votum – Introitus

     

              U:          Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Porbadia na tumompa langit dohot tano on. Amen. Sian Sion, situan ni hinadenggan, marsinondang Debata Sai na ro do Debata, jala ndang tagamon hohom Ibana; ai songon on do didok Jahowa: UsehononKu ma aek tu angka na mauas dohot angka sunge tu na mahiang.

                   R:                    Haleluya! Di Tuhan Debatanta i do hatuaon dohot hasangapon dohot hamuliaon dohot hagogoon.

              U:          UsehononKu ma tutu TondingKu tu pinomparmuna nuaeng iala pasupasungKu tu pinomparmu sogot. Jahowa do Debata, jela Ibana manondangi hita. Tambathon hamu ma angka pelean pesta i sahat ro di angka tanduk ni langgatan. Haleluya!

                   R:              (Mangendehon:) Haleluya, haleluya, haleluya.

U:            Martangiang ma hita: Ale Tuhan Jesus! Hudok hami mauliate tu Ho sian nasa rohanami, ala dipaojak Ho HuriaM di tano on, jala ala dohot hami dijou Ho tusi. Sai suru ma Tondi Parbadia tu rohanami, asa tung huparhatopot hami Ho hangoluannami, asa lohot tu Ho hami marhitehite haporseaon na sintong, jala asa tongtong huhalashon hami pasangaphon GoarMu, na tarpuji ro di saleleng ni lelengna. Amen.

 3.  Marende No. 104: 3+8 Bongoti ma rohangku BL.155 F=Do

3.        Ndang dung marhatigoran pardosa au hian.

Ndang dung marhasonangan na mate au hian.

Di pandidion i dibonom Ho dosangku

Tu mudar ni Tuhanhu, ias au ala nii.

          8.            Pagirgir rohanami mangalo dosa i.

              Tambai ma gogonami di pangunjunan i.

Dongani hami on mangalo musunami,

Sai unang olo hami saor tu portibi on

4.  Patik ni Debata

U:          Patik ni Debata tu hita di Pesta Paduahon Ari Parningotan Haroro ni Tondi Parbadia sadari onPatik Paopathon dohot lapatanna: Patik Paopathon: Ingot hamu ma pabadiahon ari minggu i! Di na onom ari ma ula hamu nasa siulaonmu; alai anggo ari papituhon i, ari paradianan ni Jahowa Debatam do i. Ndang jadi ho mangula anggo di na sadari i, manang anakmu pe manang borum manang naposom lahilahi, manang naposom boruboru, ro di pinahanmu, ro di pangisi ni huta ni halak pe na mangebati hutam. Ai di na onom ari do ditompa Debata langit  dohot   tano    dohot laut dohot nasa isina, dung i maradian do Ibana di ari papituhon i. Dibahen i do umbahen na dipasupasu Debata Jahowa ari paradiananNa i jala diparbadia i. Dia do lapatan ni i?

H:                   On do: Ingkon dihabiari rohanta Debata jala ingkon holong rohanta di Ibana, asa unang tois rohanta di ajar na sian Hata ni Debata, ingkon badia do Hata ni Debata di rohanta jala ingkon ringgas rohanta tumangihon dohot mangguruhon.

          U :          I do sahatna. Antong rap ma hita mangido gogo tu Debata laho mangulahon patikNa i.

              S :                      Ale Tuhan Debata, sai pargogoi ma hami mangulahon na hombar tu PatikMi. Amen.

 5.  Marende  BE No. 390:1-2 Nunga sae dosam BL.259 As=do

1.         Nunga sae dosam ulaning, malum ho?

Naung diauhon ho mudarNa i?

Ai ias do ho, na saksak bajumi, na diauhon ho mudarNa i?

Ias ho, malum ho, dibaen mudar ni Tuhanta i.

Ai naung saksak bajum songon hapas i,

Ai ias ho dibaen mudar i.

………………….Jongjong………………………..

  2.      Naung solhot ho jongjong tu parsilang i?

Nunga niuras ni mudarNa i?

Sauduran ho dohot Tuhanta i, ai ias ho dibaen mudar i?

Ias ho, malum ho, dibaen mudar ni Tuhanta i.

Ai naung saksak bajum songon hapas i,

Ai ias ho dibaen mudar i.

      6.                 Manopoti Dos

           U:          Tatopoti ma dosanta! Ale Tuhan Debata, na badia jala na bonar. Parasi jala Partalup ni Roha jala na basar do Ho! Sai marpangulahi ma rohaM mida hami. Dibahen i sai sesa ma sude dosanami! Ndang adong na hupangasahon hami dungkon ni asi ni rohaM; hatigoran na pinatupa ni AnakMu do na hupangasahon hami tu joloM. Dibahen i pasonang jala apuli ma hami angka na hinophop ni Tuhan Jesus Kristus, Tuhannami. Amen.

(organ angonangon mangendehon BE. No.183 BL 105)

U:           Tabege ma hata bagabaga tariongot tu hasesaan ni dosa. Molo tung adong manang ise na mardosa, adong do pangondianta di Ama i, i ma Tuhan Jesus Kristus na tigor roha i. Jala Ibana do pardengganan taringot tu dosanta, alai ndada holan taringot tu dosanta, dohot do taringot tu dosa ni saluhut portibi on. Hasangapon ma di Debata na di ginjang.

              R :                  Amen.                       

7.   Paduan Suara Sekolah Minggu O Dakdanak Somba Debatanta Oleh : Cindy Sinaga

8.   Marende SDJ. No. 641: 1-2  O Tondi Parbadia i  F=Do

1.     O Tondi Porbadia i, sigohi parluhutan.

Marolopolop dolok i marhasak nang galumbang.

Saluhut na tinompa i, gok be las ni rohaNa i,

Marsurak Haleluya.

2.      O Tondi Porbadia i pabangkit panurirang.

Papatar asi holongMi tu angka na hansitan.

Sumurut do na holom i, tubu ma panghirimon i,

Endehon Haleluya.

 9.   Manjaha Turpuk Epistel 1 Korint 2: 12-16

U:   Tajaha ma turpuk Epistel di Pesta Paskah Paduahon on sian 1 Korint 2: 12-16: Alai ndang hujalo hami tondi portibi on; Tondi na sian Debata do, asa dapot botoonnami na binasabasahon ni Debata tu hami.

R:      Jala i do huhatahon hami, ndada di bagasan hata habisuhon ni jolma na targuruhon, tung na pinodahon ni Tondi do, laho manimbangi angka partondion mangihuthon ruhut ni tondi.

U:   Ndang tarjalo jolma hian na sian Tondi ni Debata, ai haotoon do i di rohana; ndang tartandasa i, ai partondion do mandodo i.

R:      Alai saluhutna i didodo partondi; alai ndang tardodo manang ise anggo ibana.

U:   Ai ise ma naung tumanda roha ni Debata, asa ajaranna Ibana? Alai roha ni Kristus i do anggo di hami. I ma sahatna. Martua do na tumangihon Hata ni Debata jala na umpeopsa.

R:      Amen

11. Marende BE. 106: 2-3 Ale Tuhan Amanami BL.176 F=Do

1.         Ndang adong hangoluanhu anggo so ro TondiMi.

Maringanan di rohangku, jala ndang margogo i.

Patupahon hataMi, pasangaphon goarMi;

Sai tongtong holom rohangku

Molo so patiuronMu.

………….Jongjong…………

2.        Tung beha ma tandaonhu Ho o Jesus Tuhanhi?

Tung beha ma tolopanhu Ho do hangoluanhi?

Molo so ro TondiMi manondangi rohangki?

I pe suru ma Ibana, asa saor tu au hataNa.

                   

        12. Manghatindanghon Haporseaon

                L:         Rap ma hita manghatindanghon haporseaonta i songon panghatindanghonon ni donganta sahaporseaon di sandok portibi on, rap ma hita mandok.

                    H:             Ahu porsea ...                                                        (Hundul)

        13. Koor:

        14. Boaboa dohot Tangiang Pangondianon

         15. Marende No. 640: 1...  Haholongon sian ginjang A=Do (Pelean 1a +1b)

1.         Haholongon sian ginjang, las ni roha na hot i.

Tumpal ni asi ni roha sai bongoti rohangki.

Jesus na gok asi roha dohot haholongon i,

Baen malua, baen martua hami na tahutan i.

2.        Lehon tondi haholongon tu parroha na bojok.

Bagabaga hadameon sahat baen tu hami on.

Jesus Alpha nang Omega bona na haporseaon.

Sai padao ma angka dosa, sai palua hami on.

………….Musik…………

3.        Sipalua na sun gogo lehon tu au ngoluMi.

Ro ma Ho sai marsihohot mangingani joroMi.

Asa Ho husomba hami raphon pardisurgo i.

Rap mamuji, mangoloi Ho di hasangaponMi.

4.        Sai pasingkop tinompaMu, lam pita baen hami on.

Haluaon na sumurung lehon ma tu hami on.

Boan hami tu na uli di banua ginjang i.

Paima Ho pujionnami salelenglelengna i.

           16. Jamita Psalmen 51: 12-15

           17. Marende No. 105: 1… Ro ma Tondi Parbadia BL 86 G=Do (Pelean tu Diakoni Pusat) 

                 

1.         Ro ma Tondi Porbadia Debatangku situtu.

Rohanami ma paria mangoloi hataM burju.

Sai sondangi ma tongtong rohanami na holom.

2.        Lehon ma di rohanami hapistaran na sintong.

Asa tung huboto hami marparange di joloM.

Sian haliluon pe sai palua hami be.

………….Musik…………

3.        Patuduhon ma di hami dalan hangoluan i.

Paimbaru rohanami sai padao ma dosa i.

Pargogoi ma hami be tu na denggan sasude.

4.        Pabotohon ma tu hami na hinatindanghonMi.

Anak ni Debata hami na marhaojahan

Di mudar niusehon ni Anak ni Debata i.

………….Musik…………

5.        Molo marsitaonon hami jala marniae disi.

Unang ale Tuhannami padaoonMu bohiMi.

Lehon apulapulMi tu bagasan rohangki.

6.      Di na jumpang ajalnami pabotohon ma torang.

Denggan ni basaM tu hami asa hami saut monang.

Lao manjalo tumpal i na so olo malos be.

    18. TANGIANG PELEAN–PANGUJUNGI-ALE AMANAMI

   

              U:     Tatangianghon ma peleanta. Ale Debata Amanami na di banuaginjang, Ho do haroroan ni saluhut silehonlehon na denggan dohot nasa uli basa na mauliutus. Hupasahat hami sian na nilehonMi tu hami, peleannami tu Ho. Sai jalo ma i gabe uap na hushus di JoloM. Pasupasu ma i jala ramoti asa huparhaseang hami pelean on, patimbulhon harajaonMu di tongatonga ni HuriaM  dohot  di portibi on. Buhai  ma rohanami marhitehite  tondiM, asa lam hutanda hami godang ni silehonlehonMi tu hami, asa lam girgir hami mandok mauliate tu Ho, marhitehite Jesus Kristus Tuhannami Amen.

                 H:               (mangendehon) SDJ. No. 848: 1

                        Dison adong huboan Tuhan parbue ni ngolungku na so tardok nian. Sadia ma argana Tuhan molo sai nirajuman sude denggan basaM? Jalo ma Tuhan, sai las ma roham.

               U:   Dung tajalo tondi Parbadia Pangondian i. Nuaeng marpadan ma hita di jolo ni Tuhan i laho mangundukhon na patut sibahenonta songon tanda ni pangoloion dohot haradeonta manghatindanghon dohot mamaritahon haheheonNa i. Tanda ni haporseaonta di hamonanganNa i, taulahon hataNa:

                 H :             “Alealengku ma hamuna, molo diula hamu na hupatikkon i tu hamu”.

        U:   Manghatindanghon Ibana, i do parbue ni haporseaon dohot haradeon manjangkon Kristus. Panindangionta di Ibana, pataridahononta marhite parange na denggan. Antong borhat ma hita mamarangehon Hata i, tapasahat ma sondang hatiuron i tu tongatonga ni portibi on.

     H :           (mangendehon) : SDJ. No. 720: 1

                        Naeng marsinondang ngolungku diigil Jesus i, manang didia pe ahu tongtong huingot i. Tiur marsinondang i do niigil ni Jesus tongtong marsinondang panondang do au tutu.

           U :       Ale Amanami na di banua ginjang, Sai pinarbadia ma GoarMu, sai ro ma harajaonMu, sai saut ma lomo ni rohaM di banua tonga on songon na  di  banua  ginjang. Lehon  ma  di  hami  sadarion  hangoluan siapari. Sesa ma dosanami songon panesanami di dosa ni dongan na mardosa tu hami. Unang hami togihon  tu pangunjunan palua ma hami sian pangago.

               H:          (mangendehon): Ai Ho do nampuna harajaon dohot hagogoon ro di hasangapon. Saleleng ni lelengna. Amen.

              U :      Dipasupasu jala diramoti Tuhan Debata ma ho ………

Hkbpressorttigalingga.blogspot.com.pdt.budiantosianturi