KOORDINASI PANGULA NA GOK TINGKI HKBP RESSORT TIGALINGGA

KOORDINASI PANGULA NA GOK TINGKI HKBP RESSORT TIGALINGGA

  DI HKBP TIGALINGGA

KAMIS 8 JUNI 2017

KOORDINASI PARHALADO NA GOK TINGKI

“ DI HKBP RESS TIGALINGGA”

                    1. Pendahuluan.

Partohonan di HKBP

1. Pandita : Ima namanjalo Tohonan Hapanditaon Tohonan Hapanditaon sian HKBP Marhitehite Ephorus Hombar tu Agenda HKBP. Di Tohonan ni hapanditaon I do dihamham tohonan ni Kristus na tolui, ima panurirang, malim dohot raja. (AP Hal 121.Bindu 25 Poin I.I.1
2. Bibelvrow : Ima Parompuan namanjalo Tohonan  Bibelvrow sian HKBP Marhite Ephorus hombar tu Agenda HKBP (AP Hal 124 Bindu 25 Poin 3.3.1
3. Diakones : Ima Parompuan namanjalo Tohonan  Diakones sian HKBP Marhite Ephorus hombar tu Agenda HKBP (AP Hal 126 Bindu 25 Poin 4.4.1

 2. Pengertian Tohonan

Menurut Pdt. DR P.W.T. Simanjuntak (mantan Ephorus HKBP periode 1992 – 1998) kata “Tohonan” ditinjau dari perspektif orang batak bersumber dari dua suku kata yakni “toho” dan “an”. Kata “Toho” artinya tepat, sedangkan kata “an” artinya itu. Jika kedua kata itu digabungkan maka dapat di artikan sebagai berikut : “ lebih tepat si anu itu melakukannya ataupun membicarakannya dari pada si Anu ini”. Tohonan maksudnya adalah suatu pekerjaan khusus yang sangat penting yang tidak dapat dilaksanakan atau dilakukan oleh orang lain. Pengertian “Tohonan “itdak dapat disamakan dengan kata “ulaon” sebagai tugas yang tidak dapat diwakilkan dan dicabut. Berbeda dengan gereja – gereja lain yang mengartikan “tohonan” sebagai jabatan. Jabatan yang dapat di cabut dan berperiode. Dari pengertian di atas, seorang yang menerima “tohonan” adalah seseorang yang sangat tepat untuk suatu pekerjaan yang diembankan kepadanya

3        Poda Tohonan Menurut Agenda HKBP

1.                Poda Tohonan Pandita

PODA TOHONAN HAPANDITAON  HKBP

Parjolo

Ramotanmuna ma arta na sian Tuhan Jesus, songon na binahen ni parmahan mangaramoti na di  ibana, asa unang mago. Ai peakhononmuna do sogot rujiruji taringot tu angka na pinarmahanmuna di jolo ni Tuhan i. Na gabe sitiruon do hamu di jolo ni angka na pinasahat tu hamu. Dibahen i tangkas ma hatahon hamu tu nasida Hata ni Debata, na tarsurat di angka surat na di Padan na Robi dohot di angka surat na di Padan na Imbaru. Buat hamu ma sian Hata i poda, apoapo, sipaingot, apulapul dohot hata paminsangon, hombar tu angka na masa. Songon i do dibahen angka apostel, songon na nidok ni Apostel Petrus: Molo adong na marjamita, dihatahon ma hatana songon Hata ni Debata;  Molo adong  manang ise na marhobas hombar ma i tu gogo na nilehon ni Debata, asa dapotan hasangapon Debata marhitehite Tuhan Jesus Kristus di na saluhutna (1 Petrus 4:11). Sialoonmuna jala sitaluhononmuna ma nasa hatahata, na marsalisi tu Hata ni Debata. Marlambok ni roha ma hamu maminsangi angka na mangalo, anggiat dilehon Debata hamubaon ni roha, asa diboto nasida hasintongan (2 Timoteus 2:25). Antong, ramoti hamu ma dirimuna dohot na sapunguan i, manang tu dia hamu dipaojak Tondi Parbadia asa diparmahani hamu Huria ni Debata, na hinophopNa i marhitehite Tuhan Jesus Kristus (Ulaon 20:28). Ingkon baritahononmuna do hata sihaporseaan i, i ma na nilehon ni Debata padengganhon jolma tu Ibana, ai i do dalan tu hangoluan, dalan tu hamubaon ni roha dohot dalan pardamean ni jolma tu Debata.  Pardengganan na songon i ma paboaonmuna tu angka na pinasahat tu hamu. Antong singkat ni Kristus i do   hamu mangelekelek  jala   dohononmuna ma tu jolma i: Sai olo ma hamu padengganon tu Debata.

Mangaramoti arta na sian Tuhan Jesus, songon na binahen ni parmahan Mangaramoti dorbiana, asa unang mago. Mamodai, mangapoi, paingothon, mangapuli dohot maminsang marhite Hata ni Debata Ai singkat ni Kristus do hamu (1 Petr. 4:11; 2 Tim. 2:25; 2 Kor. 5:20)

Paduahon

Songon tangkas ni pamodaionmuna di angka na olo tu hadaulaton tu Debata, ingkon songon i ma tangkas paminsangonmuna di angka na so olo tu hangoluan, asa unang adong na mago, ala so ada sipaingot,  jala unang marsapata nasida tu hamu. Ingot hamu ma na tarsurat i: Ia ho ale anak ni jolma! Nunga Hupabangkit ho gabe siparmahan ni halak Israel, ingkon tangihononmu Hata na ruar sian pamanganHu. SingkatHu ma ho, palumbahon nasida. Molo Hudok tu angka pardosa na tu hamatean nama ho, gabe so dipalumba ho ibana, ndang diapuli ho ibana, asa dipauba rohana, asa mangolu, na mate do tutu pardosa i ala ni dosana, alai sian tanganmu do tungguonHu mudarna. Alai molo dipalumba ho pardosa i, hape ndang dipauba rohana dohot pambahenanna, mate ma ibana tutu di bagasan dosana, alai malua do ianggo tondim.

Mamodai dohot maminsang angka na so olo tu hangoluan asa unang adong na mago alani dosa (Hes. 33:7-9)

Patoluhon

Alai ndada holan ulaon ondeng na pinasahat tu Pandita. Ai di na laho manadingkon tano on Tuhan Jesus, jumolo do dipadiri ulaon na badia na dua ragam i.  Na mangan parpadanan na badia do na saragam. Na saragam nari, i ma pandidion na badia, na tinonahonNa i di na laho manaek Ibana tu banua ginjang. Asa radotanmuna ma ulaon na badia na dua ragam i; songon parhobas di bagas ni Debata ma hamu mangulahonsa. Tangkas ma pamanat hamu angka dongan i, asa holan angka na tau, angka na tumanda dosana, angka na mangarsakhon pambahenanna jala na olo paubahon rohana manjonohi panganon na badia i. Ambatonmuna do angka na jungkat, angka na lomo roha di dosa, asa unang dijonohi na badia i. Ingot hamu ma: Dipasahat Tuhan Jesus do anak hinsu ni banua ginjang tu HuriaNa i, asa dipabali angka na so olo paubahon rohana, ai ninna do: Hulehon pe tu ho anak hinsu ni harajaon na di angka banua ginjang i. Nasa na niihotanmi di tano on, na tarihot do i dohot di angka banua ginjang, jala molo adong diharhari ho di tano on, harhar do i nang di angka banua ginjang. Didok Tuhan Jesus dope: Jalo hamu ma Tondi Parbadia! Molo disesa hamu dosa ni manang ise, naung sesa ma  i, molo dipahot hamu dosa ni manang ise naung hot do i .

Mangaradoti dohot mangulahon Ulaon na Badia, naung dipadiri Tuhan Jesus laho paluahon halak na olo paubahon rohana (Mat. 16:19; 26:20-30)

Paopathon

Angkup ni i, radot ma hamu patureturehon angka dakdanak, maniru pambahen ni Tuhan Jesus. Ai didok Tuhan Jesus sahali: Loas hamu ma angka dakdanak i ro tu Ahu, unang orai hamu nasida, ai di angka sisongon i do harajaon ni Debata.  Dibahen i ajarhon hamu ma pamusatan ni Hata ni Debata (Katekhismus) dohot jamita tu angka dakdanak. Podai hamu ma nasida, asa diboto hadaulaton tu Debata dohot hapantunon tu jolma.  Ambati hamu ma nasa na tau mangago dakdanak, ai parmahan do hamu, songon naung nidok ni Tuhan Jesus: Parmahani ma angka anak ni birubirungKu

Radot Patureturehon angka dakdanak maniru pambahenan ni Tuhan Jesus (Mark. 10:14). Mamodai asa diboto hadaulaton tu Debata dohot hapattunon tu jolma      (Yoh. 21:15c)

Palimahon

Ramoti hamu ma saluhut pangisi ni Huria i, angka na mabalu, angka ama, ina, dolidoli dohot anak boru, maniru pambahen ni Apostel Paulus.  Ai ninna do tu halak Epesus: Dibahen i jaga ma hamu, ingot hamu ma na so mansohot ahu saleleng ni tolu taon arian dohot borngin, paingothon ganup hamu huhut mariluilu.  Tangiangkon hamu ma saluhut na pinasahat tu hamu, asa diramoti Tuhan Jesus nasida jala dipasupasu marhitehite Tondi Parbadia

Ramoti jala jaga hamu saluhut pangisi ni Huria i, angka namabalu, angka ama, angka ina, angka dolidoli dohot anak boru, maniru pambahenan ni Apostel Paulus (Ul. 20:32)

Paonomhon

Angkup ni i, sai ture ma parangemuna, asa tau tiruan hamu di angka na pinarmahanmuna i, tiruan di hata, di pangalaho, di haporseaon dohot di holong ni roha. Ingot hamu ma na nidok ni Hata ni Debata: Ingkon unang marhaurahon sintua i, harajaan ni sada boruboru, unang parmabuk, na marroha, na ture marparange, na las roha di tamue, pangajari, unang sisobur tuak, unang pangalinsingi, unang parpangomoan na so tama, alai ingkon partalup ni roha do, na so parbada, na so impolan di perak, na denggan mangarajai donganna sabagas, parianakhon sioloi ajar di bagasan nasa hatomanon. Ai molo adong manang ise, na so malo manggomgomi isi ni bagasna tung beha ma tarpaturesa Huria ni Debata.

Marparange na ture asa gabe tiruan tu angka napinarmahan:

unang marhaurahon, harajaan ni sada boruboru, unang parmabuk, na marroha, na ture marparange, na las roha di tamue, pangajari, unang sisobur tuak, unang pangalinsingi, unang parpangomoan na so tama, ingkon partalup ni roha do, na so parbada, na so impolan di perak, denggan mangarajai donganna sabagas, parianakhon sioloi ajar di bagasan nasa hatomanon, (1 Tim. 3:2-4)

Papituhon

Ingkon ture bahenonmuna saluhut aturan ni ulaonmuna i mangihuthon patik ni indukmuna. Sahata ma hamu dohot angka dongan Pandita: Di pangalaho ni pangoloion tu Debata, unang pulikpulik marpingkiran, unang marsalisi hata dohot roha, unang masigasipan, asa saut di hamu na pinangido ni Tuhan Jesus sian AmaNa di na nidokNa i: Sai tongtong ma di GoarMu nasida na nilehonMi tu Ahu, asa sada nasida songon Hita.

Ingkon ture bahenon saluhut aturan ni ulaon mangihuthon patik ni induk, Sahata ma hamu dohot angka dongan Pandita: Di pangalaho ni pangoloion tu Debata. Asa saluhut sada dibagasan Tuhan i (Yoh. 17:21)

2.      Poda Tohonan Bibelvrow

1. Dongan ni Pandita do hamu manogunogu jala mamatamatahon ruas ni Huria na masuk tu Huria Kristen Batak Protestant. Hamu do dongan ni Pandita laho manjamitahon Hata hangoluan na tarsurat di Padan na Robi dohot di Padan na Imbaru di tongatonga ni Huria sipasahaton tu hamu be.

2. Ala Parjamita di Huria hamu bahenonmuna ma nasa gogomuna marmahani birubiru ni Tuhanta, i ma angka ruas ni Huria na balga nang na metmet, na poso dohot na matua, na marsahit dohot na hisar, na jengkel dohot na burju. Apulanmuna ma angka na marsak, tungkolanmuna angka na mabalu dohot angka na tading maetek.

3. Laos songon i apoanmuna halak sipelebegu dohot angka parugamo na asing pe na manimbil sian Hata ni Debata dohot sian HuriaNa, asa dohot nasida marsaulihon na pinatupa ni Tuhan Jesus, ojahan ni haporseaonta i.

4. Ala Parjamita ina hamu di Huria Kristen Batak Protestant, tumangkas pasahaton tu hamu panghobasion di tongatonga ni angka Ina, Namarbaju dohot angka Dakdanak.

5. Angkup ni parbinotoan di Hata ni Debata, siajarhonon jala sipodahononmuna tu nasida, siradotanmuna do panghobasion na ampit tu nasida.

6. Asa saut angka na nidok ondeng ingkon marparange na denggan ma hamu di jolo ni Debata nang di jolo ni jolma. Tau tiruan ma hamu di angka na pinasahat ni Debata tu hamu. Sandok hata naung pinasahat tu hamu, radoti hamu ma sian nasa rohamuna hombar tu Hata ni Debata na mamolin i.

            3.  Poda Tohonan Diakones

1.         Pangula ni Huria do hamu mangaradoti  angka ulaon parasinirohaon ditongatonga ni Huria dohot di masyarakat.

2.         Ragam do angka ulaon parasinirohaon na pinungka ni Huria, songon dalan manjamitahon asi dohot holong ni roha ni Debata:

- Pangubation dohot sumarihon angka na ringkot di na marsahit.

- Patureturehon angka na mardangol.

- Patureturehon angka na tading maetek.

- Mangurupi angka na pogos dohot angka na di bagasan hasusaan.

- Manungkoli angka na mabalu dohot angka na matua. - Mangurupi angka na suda gogo.

3.         Siapulanmuna do angka na marsak, sitoranganmuna do roha ni angka na marsitaonon, situngkolanmuna do haporseson dohot pangkirimon ni angka na naeng mandele.

4.         Ulahononmuna do panogunoguon asa diboto halak manjagahon hahipason ni pamatangna, asa diboto jala diparangehon parange na denggan.

5.         Manang di dia pe pajumpang hamu dohot halak na ringkot manigor urupan, hobas ma mangurupi hombar tu na tarpatupa hamu, so mamereng upa.

6.         Gabe parasi ni roha ma hamu songon Amamuna Parasiroha i, asa pangula na ringgas hamu jala na hinsa.

Bahasa Indonesia :

Nasihat Tugas Pelayanan Diakones :

1.         Saudara adalah  pelayan Jemaat untuk mengerjakan pelayanan diakonia di t  engah-tengah Jemaat dan masyarakat.

2.         Pemberitaan, pengasihan Allah dilakukan oleh Jemaat dalam bentuk pelayanan diakonia yang beranekaragam :

-   Pengobatan dan pengadaan kebutuhan orang sakit,

-   Pemeliharaan dan perawatan yatim piatu,

-   Membantu orang miskin yang menderita,

-   Memberi dukungan bagi para janda dan orang-orang yang tua,

-   Melayani orang jompo.

3.         Hendaklah kamu menghibur orng berduk, memberi semangat kepada orang yang tidak percaya, meneguhkan iman dan pengharapan mereka yang diancam keputus asaan.

4.         Hendaklah kamu memberi bimbingan dalam bidang kesehatan dan budi pekerti yang baik.

5.         Hendaklah kamu siap setiap waktu memberi bantuan yang diperlukan tanpa mengharapkan balas jasa.

6.         Hendaklah kamu murah hati, sama seperti Bapakmu murah hati supaya kamu menjadi pelayan yang baik.”

ANGKA ULAON

Pandita Ressort : Songon Partohonan Pandita Mangulahon songon na tarsurat di Agenda

Ulaonna

1. Manguluhon Resort rap dohot Parhalado Resort
2. Manguluhon Huria Sabungan ni Ressort i rap dohot parhalado Partohonan
3. Manguluhon Rapot Resort, Rapot Parhalado Resort, dohot rapot na marrumang tirket Resortna
4. Mamingkiri nasa naringkot na tau pangoluhon dohot pahehehon Huria dohot Parhalado na di Resort i
5. Maniroi Huria angka namasuk tu Resort I, laho manggohi tanggung jawabna
6. Patulushon haputusan ni SG, Rapat MPS, Rapat MPSD dohot Rapot Resort
7. Mangaramoti dohot maniroi parhepengon dohot arta ni Huria na masuk tu Ressort i
8. Patupahon evaluasi dohot mangalehon laporan pangulaon, statistic dohot keuangan Ressort tu Rapot Ressort dohot Praeses

Bibelvrow : Songon Bibelvrow mangulahon songon na tarsurat di Agenda, saguru tu parsuruon di Bisoloit na sian HKBP. Molo gabe sekretaris angka on ma Ulaon na hombar tu AP

a. Martanggungjawab tu Uluan Huria

b. Mangulahon administrasi huria na denggan jala na taratur songon naung  diaturhon Pedoman Penatalayanan HKBP marhite na patupahon :

(1) Buku Bolon

(2) Buku Panuraton dakdanak na sorang

(3) Buku Panuraton Na Tardidi Poso poso dohot Na Magodang

(4) Buku Panuratan Na Manghatindangkon Haporseaon

(5) Buku Panuratan Na Martumpol Dohot Na Marbagas

(6) Buku Panuratan Ruas Na Ro

(7) Buku Panuratan Ruas Na Pinda

(8) Buku Panuratan Ruas Na Monding

(9) Buku Panuratan Ruas Na Hona ruhut Parmahanion dohot Paminsangon ,dohot na jinangkon mulak

(10) Buku Tingting

 (11) Notulen Rapat Huria dohot Rapot Parhalado Ni Huria..

c. Molo di komputer do diulahon na sinangkap di poin (b) na diginjang i, ingkon dibahen do salinanna na tarsurat jala  ditandatangani Uluan Huria dohot Sekretaris Huria.

d. Paradehon Konsep ni surat , mangagendahon dohot manimpan surat na masuk, mangagendahon surat na haruar jalan manimpan partinggalna,dohot petikan ni surat haputusan.

e. Paradehon inganan, bahan dohot ulaula na diharingkothon di Rapot Huria Rapot Parhalado Huria, dohot Rapot Hadomuan ni Dewan Dohot Seksi.

f. Mangatur pangulaon ni pangurupi di gereja ( koster, tata usaha, kebersihan, dapur,kemanan , kurir dohot na asing)

g. Mambahen konsep ni Tingting Huria dohot mangagendahon dung jolo ditolopi Uluan Huria.

h. Mangaramoti jala martanggung jawab taringot tu sude arsip ni Huria.

      Diakones : Songon Diakones mangulahon songon na tarsurat di Agenda, saguru tu parsuruon di Bisoloit na sian HKBP. Molo gabe Uluan angka on ma Ulaon na hombar tu AP

a.       1. Manguluhon Huria Marsadasada, sumangkapi dohot pasauthon angka ulaon panghobasion hombar tu sitolu panjouon ni Huria b.       2. Manguluhon Parhalado na gok tingki hombar tu parsagi ni ulaonna be c.      3.  Manguluhon Rapot ni Huria, Rapot Parhalado Partohonan dohot rapot pamilliton ni angka pengurus ni Dewan, Seksi dohot Panitia Pembangunan d.     4.  Patulushon na pinutushon ni Sinode Godang, Rapot Majelis Pekerja Sinode, Sinode Distrik, Rapot Resort, Rapot Parhalado Resort, Rapot Huria dohot Rapot Parhalado Partohonan e.     5.   Mangaramoti, manogunogu dohot pahinsathon mutu ni panghobasion di parartaon dohot Administrasi Huria i f.     6.   ManjaloLaporan pertanggungjawaban ni ganup Dewan g.     7  Pasahathon Laporan taringot tu pangulaon, Statistik dohot keuangan ni Huria tu Pandita Resort dohot tu Rapot Huria

a.       1. Memimpin Jemaat setempat, merencanakan dan melaksanakan pekerjaan-pekerjaan pelayanan sesuai dengan tri tugas panggilan Greja b.     2.  Memimpin Pelayan penuh waktu sesuai dengan bidang tugasnya masingmasing c.       3. Memimpin Rapat Jemaat , Rapat Pelayan, Rapat Pelayan Tahbisan dan rapat pemilihan pengurus –Dewan, Seksi , Panitia Pembangunan d.      4. Melaksanakan Keputusan Sinode Agung, Rapat Majelis Pekerja Sinode, Rapat Majelis Pekerja Sinode Distrik, Rapat Resort, Rapat Jemaat, dan Rapat Pelayan Tahbisan e.     5.   Mengawasi membimbing dan meningkatkan mutu pelayanan dibidang penatalayanan dan Administrasi Jemaat f.     6.   Menerima Laporan Pertanggungjawaban setiap Dewan g.    7.   Menyampaikan Laporan Pelayanan, dan keuangan jemaat kepada Pendeta Resort, dan Rapat Jemaat

     

SIJAMOTHONON NI ANGKA PANGULA NA GOK TINGKI

1. Parhahamaranggion
2. Sisada Ulaon nang Panghobasion
3. Parsaoran na denggan
4. Masiurupan
5. Masianjuan
6. Sapanghilalan
7. Hobas tu nasa ulaon na denggan ( Bulus mulaulaon)