HKBP SUKABANGUN

ACARA MINGGU

(PESTA GOTILON)

HKBP SUKABANGUN- RESSORT TIGALINGGA

Minggu, 20 Maret 2016

                    Pdt Ressort: Pdt.B Sianturi(Hp.081361453200)-

 

“Pujipujian ma di Debata ai Ibana Raja Sigomgom Saluhut”

I.    JOUJOU MAMUJI DEBATA     (P=Paragenda  H=Huria)

P: Huria ni Tuhanta na marlas ni roha angka na marsaulihon denggan basa ni Debata, naeng pungkaonta ma parmingguonta mardongan las ni roha ala Ulaon Pesta Gotilon pinatupa ni hurianta HKBP Sukabangun  di minggunta sadarion, ima laho manghalashon huhut mandok mauliate di siala asi ni rohaNa naung sahat tu ganup hita be. Nunga sun hita manggotil sian gogo ni na taula be, songon halak na porsea hita, tutu tarajumi do i songon silehonlehon ni Debata na sumarihon hita. Alani tapaunduk ma rohanta di adopanNa, jala mardongan las ni roha dohot olopolop, tapasahat ma pamujionta tu Debata.

II.   IBADAH :

01.    Marende BE No. 565:1-3                “ Las rohangku lao mamuji ”

Ø Las rohangku lao mamuji Debata parholong i. Songon bungabunga na mangerbang di na binsar ari i. Arsak, dosa, haporsuhon mago dibaen asiMi. Las ni roha na manongtong lehon di au Tuhanhi.                                                            -Jongjong

Ø Rap ma hita mangendehon sangap di goarNa i. Tapangiar soaranta lao mamuji Tuhan i. Sun do holong ni rohaNa na so marnamontok i. I do pasadahon hita salelenglelengna i.

02.   VOTUM – INTROITUS ( AX.B.3 DVII.26 )                           

03.   Marende BE No. 587 : 1           “Ta endehon Lasniroha”

1.             Taendehon las ni roha pasangaphon Tuhan I,

Roha holong na mangonjar laho mangendehon I,Ganup ari ganup borngin unang lupa ho disi.Angka ende na ummuli si pasangap Tuhan I, Nang parhinaloan I baen pasangap Tuhan i.

04.    PATIK NI DEBATA : Rom 6:16-17

05.   Marende BE No. 273 : 1 + 4                “ Jesus Tuhanku Rajai ma au ”

1. Jesus Tuhanku rajai ma au on Asa mangihut tu Ho au tongtongTopot rohangku ingani ma i Unang be masuk na asing tusi Jesus pasonang rohangku tongtong Asa marguru tu Ho au tongtong

                     -jongjong

4.  Na marhaposan tu Jesus tahe Sai na martua ibana museNa marsigantung tu     Jesus tutu Jala marroha na bonar burju Sonang ibana di portbi on Sonang nang sogot di surgo tongon.

06.   MANOPOTI DOSA & BAGABAGA ( B.6 – C.8)                

07.   Marende BE No. 171 : 2-3          “ Tandai ma au ”

2.       Asi ma rohaM, taringot tu pangalahongku. Olo tutu, jotjot do na lilu dalanku.    Sesa dosangku, sude Debata.

3.       Sai tatap ma au, tambai ma haporseaonku. Togu ma au! Tu surgo papintorlangkangku. Ala AnakMu ma i, Debata

08.  EPISTEL   :       Pangungkapon 7:9-17

09.   Marende BE No. 202 : 1 + 5                “ Huhaholongi Ho gogongku ”

Ø Huhaholongi Ho gogongku, huhaholongi Ho tongtong. Marhitehite pambaenanhu, nang sian nasa rohangkon. Ai Ho do sumaondangi au, ro di na mate au. (jongjong)

Ø Mauliate ma rohangku, di Ho na manondangi au. Hupuji Ho ale Tuhanhu, dibaen na tinangkupMu au. Hisar do tondingki dibaen, hutanda Ho nuaeng.

10.    MANGHATINDANGHON HAPORSEAON                        (hundul)

11.     TINGTING

12.    TANGIANG PANGONDIANON

13.    Marende BE No. 757 : 1 . . .        “ Ise do na naeng martua ”   P.PELEAN IA-IB

v Ise do na naeng martua, ise do na naeng sangap, ise do na naeng sangap? Dipasangap ma Jahowa, dipasangap ma Jahowa. Asa tung tutu sangap, asa tung tutu sangap.

v Ise do na naeng mamora, ise do na naeng sonang, ise do na naeng sonang? Dihaposi ma Jahowa, dihaposi ma Jahowa. Asa tung tutu sonang, asa tung tutu sonang. ~~~ Orgen ~~~

v Ise na naeng tu surgo, ise do na naeng tusi, ise do na naeng tusi? Sai porsea ma ibana, sai porsea ma ibana. Di Tuhanta Jesus i, di Tuhanta Jesus i.

14.    JAMITA  :       Lukas 19:28-40

15.    Marende BE No. 848 : 1 . . . ”Dison adong Huboan”        P.PELEAN (tujolo Silua)

ü   Dison adong huboan Tuhan parbue ningolungku naso tardok nian

Sadiama argana Tuhan molo sai nirajuman sude denggan basaM

Jalo ma Tuhan, sai las ma rohaM

ü  Tanganku na metmet da, Tuhan, na so hea mansari dope auon Tuhan

Rohangku ma hulehon, Tuhan na boi pelehononku gabe las ni rohaM

Jalo ma Tuhan, sai las ma roham

        ------ Musik -----

ü  Huingot do Hatam da, Tuhan, ingkon sarihononhon anggim na metmetan;

Ampehon ma tanganMu Tuhan sangkan, itak na otik i unang suda nian

Jalo ma Tuhan, Sai las ma rohaM

ü  Dison adong huboan Tuhan parbue ningolungku naso tardok nian

Sadiama argana Tuhan molo sai nirajuman sude denggan basaM

16.    Pandidion :

1.     Marende BE No. 147 : 1 (Di tingki na marende Jongjong ma natoras ni nanaeng Tardidi)

            Jesus hami ro dison Mangihuthon na nidokMu

          Ro do posoposo on Ala na pinatikkonMu

Ingkon do tu Ho boanon Lao manjalo  Parpadanan                   

17.    Marende BE No. 467 : 4     “Asi ni rohaM hupuji”                                       (jongjong)

Ø Sai papulik rohanami gabe pangoloi di Ho. Asa marsahala hami lao manghatindanghon Ho. IngananMu rohanami tondiMi manggohi i. Pangke dohot ngolunami gabe ulaulaMi.

18.     Tangiang : Pelean – Pesta Gotilon (Agenda) - Ale Amanami – Panutup/Pasupasu

19.     Amen – Amen – Amen

“ Eme Sitamba Tua Parlinggoman ni Siborok Debata do Silehon Tua Horas be ma Hita Saluhutna Diparorot ” “ Asa tu Sanggar ma Amporik tu Lubang ma Satua Asa Sinur ma Pinahan Gabe ma na Taula “ “ Sahatsahat ni Solu sahat marluga tu Pangururan, ASI MA ROHA ni TUHAN, Sai sahat ma hita Leleng Mangolu, sahat tu Panggabean jala sahat nang tu Parhorasan”