HKBP SIBENGKURUNG

PARTORDING NI ACARA

MINGGU KANTATE

(ENDEHON HAMU MA DI JAHOWA SADA ENDE NA IMBARU )

HKBP SIBENGKURUNG   RESORT TIGALINGGA

 

PESTA GOTILON,  MANJANGKON  SINTUA DOHOT PABORHATHON SINTUA PENSIUN

TOPIK:

       HAMUBAON MAMBOAN JOLMA TU HANGOLUAN

MINGGU 24 APRIL 2016

I.  Parmingguon:

01.  Prosesi: Dung martangiang Parhalado di Konsistori mardalan ma prosesi. Dung masuk prosesi tu Gareja, jongjong ma sude ruas ni Huria laos dipalu ma giring-giring. Dung hundul saluhutna martangiang ma hita dibagasan rohanta be.

02.  Joujou tu Parsaoran Nabadia:

L:         Hamuna angka dongan sahaporseaon! Sadari on Minggu Kantate , tapatupa do Pesta GOTILON di Hurianta dalanta manghamauliatehon denggan basa ni Debata marhite patumonaan ni na taula pasahathon Tohonan Hasintuaon tu donganta naung tapillit sian tonga-tonganta. Songon i dohot pasahathon pensiun sian hasintuaon tu Parhalado ni Hurianta HKBP Sibengkurung  on ala naung gok umurnasida 65 taon hombar tu Aturan Peraturan ni Hurianta HKBP. Sai diurupi jala dipargogoi Debata ma hita pasangaphon Ibana marhite parmingguonta sadari on. Dipahot Tuhanta i ma di hita hadameon, holong nang las ni roha pe. Antong! Tapahohom ma rohanta manombahon pujipujianta tu Debata Pardenggan basa i. Taendehon ma: “Endehon ende na imbaru”

        S:    Mangendehon No. 362: 1 + 3 “Endehon ende na imbaru”

     1.     Endehon ende na imbaru Di  Debata Jahowa i

    Ai sasadasa dipatubu Saluhut halongangan i

    Sai ditaluhon siamunna Do sasude musuna i

    Patar dibaen hatigoranna Di jolo ni parbegu i.

        .........Jongjong ma hita saluhutna…………

     3.       Marsuraksurak ma hamuna Na manginganhon  tano on

    Pangiar  ma soaramuna Mamuji  Debata tongtong

    Marolopolop ma luhutna Mardongan arbap, ogung pe

02.  Votum–Introitu(L=Liturgis;H= huria=S;Sude )

L:         Marhitehite Goar ni Debata Ama, AnakNa Tuhan Jesus Kristus, dohot Tondi   Porbadia, na tumompa langit dohot tano on. Amen. Endehon ma di Jahowa sada ende na imbaru ro be ma hamu mamuji Ibana, maruli hamaloon ni roha na sumurung do sude angka na mangulahonsa; hot do baritana i ro di salelenglelengna. Taendehon Haleluya

                S:           Mangendehon: Haleluya – Haleluya - Haleluya.

L:         Martangiang ma hita: Ale Tuhan Debata, Pargogo na so hatudosan, na tumompa langit dohot tano dohot nasa isina. Hinorhon ni asi ni rohaM do umbahen tarbahen hami marpungu, marlas ni roha di tonga-tonga ni HuriaM sadari on manghalashon pangaramotionMu di hami di Pesta Gotilon, Pasahathon Tohonan Sintua di HuriaM, dohot pensiun sian hasintuaon dongannami naung mangula na saleleleng on di huriaM HKBP Sibengkurung on. Hupangido hami ma tu Ho: Sai lehon ma tu huriaM. TondiM na badia i dohot hamaloon sian Ho  asa lam rarat jala lam ganda harajaonMu di tongatonga ni portibi on. marhite AnakMu Jesus Kristus Tuhannami

        S:        Amen.  Hundul ma hita saluhutna.

04. Marende  No. 116: 2  “Ditompa Ho do au“

       2.     Tuhan Sihophop au, sai buri tondingkon. Marhite mudarMi torusi ngolungkon. Pinuji ma goarMu, arga ma pangkophopMu. Dibaen pangalahongku, nang nasa ulaonku. O Jesus Sipalua au tu Ho ma au patau.

                05 .   Patik: 1 Timoteus 3: 1 – 2.

               L:  Hamuna angka dongan sahaporseaon! Tatangihon jala tahangoluhon ma Patik ni Debata di minggunta sadari on, i ma na marpardomuan tu ulaon ni Sintua na tarsurat di 1 Tim 3: 1 - 2, na mandok: “Hata haposan do on: Ulaon na denggan do pinangido ni na mangalului hasintuaon. Dibahen i, unang ma adong dapot sisurahan di sintua: Harajaan ni sada boruboru ma ibana, marpangontik, marroha, marhapantunon, na las roha martamue, na malo mangajari.Olat ni do sahatna Antong rap mangido gogo ma hita  tu Debata laho mangulahon Patik nai.

        S:   Ale Tuhan Debata, sai pargogoi ma hami mangulahon na hombar tu patikMi.    Amen.

                06.KOOR:

         07.  Marende No. 736: 1 - 2 “Tandai ma au” Jesus Haposanku

     1.             Jesus haposanku unang ma pasombu,

Au di hapunjungan di na so mardongan.

Ho tongtong donganku dipardalananku,

Jesus haposanku unang au pasombu.

Ho tongtong donganku di pardalananku,

Jesus haposanku unang au pasombu.

2.          Ho sambing Rajagku Ho do oloanku,

NaposoM do ahu di harajaonMu.

Sonang ma rohangku, dung tangkas di ahu

Ho sambing Rajangku jala oloanku.

Sonang ma rohangku, dung tangkas di ahu

Ho sambing Rajangku jala oloanku.

        08.  Manopoti Dosa dohot manjangkon baga-baga ni Debata:

                  L:      Hamuna angka dongan nahinaholongan ni Tuhan Jesus Raja ni Huria i. Najongjong do hita nuaeng di adopan ni Debata na mamereng torus tu bagasan rohanta be. Ala ni tapaunduk jala tapaserep ma rohanta laho manopoti dosanta. Martangiang ma hita: Ale Tuhan Debata, Amanami na di banua ginjang, Pargogo na so hatudosan, Pardenggan basa do Ho, jala ro di saleleng-lelengna do asi ni rohaM. Sai marpamuati ma rohaM di hajahaton-nami, jala sai unang be ingot angka dosanami. Ai jotjot do hami mardosa maradophon Ho, jala jotjot do husungguli hami rimasMu marhite sian pangalaosionnami di hataM nabadia i. Ale Tuhan Jahowa, sai unang paingotingot pangalaosionnami, unang alang asi ni rohaM. Sai urupi ma hami, Ho ale Tuhan Debata  hatuaon-nami, palua hami jala sesa dosanami, marhite anakMu Jesus Kristus Tuhannami.

       H:    (Martangiang dibagasan roha + 2 Minut (Diiringi orgel dohot Song Leader mangendehon No. 162: 1 + 7 (Satonga soara)

                1.     O Debata mansai balga huhut dokdok dosangku. Na so adong di tano on, na   tau haporusanku.

              7.  Tu asiMi ma rohangki, sai sesa ma dosangku. Tu lambungMi ma tondingki, dung tos muse hosangku.  

        L:    Hamuna angka dongan! Nunga tapangidohon tu Debata hasesaan ni dosanta. Nuaeng pe, tajangkon jala tahangoluhon ma bagabaga ni Debata taringot tu hasesaan ni dosanta: “Songon on do  Hata ni Jahowa: Unang ho mabiar, ai Ahu do siluluhon ho, nunga pola Hujou goarmu, Ahu nampuna ho”. Hasangapon ma di Debata na di banua ginjang.

                S:    Amen. Hundul ma hita saluhutna

         09. Marende No. 446: 2 - 3 “Huboan ma diringku”

      Ho sipalua ahu, sun hinagogoMi HataM do huhaposi,

Na so boi muba i. Pagalak…..d.u.

       Ias do au diburi Ho, ale Tuhanki,

Naeng dohot parulanku hombar tu hataMi, Pagalak…d.u.

        10. Epistel: Jesaya 1:10-20

       11. KOOR:

        12. Marende No. 471: 2 – 3 “Hupillit Jesus donganki”  Bl. 318   

                    2. Arga di tobus tondingki, na mate do Ibana. Ngolungku hubaen upa nii, lao mangoloi hataNa. Di Ho ngolungku ro di ajalhu Jesus di Ho au mate mangolu. Di Ho ngolungku ro di ajalhu. Jesus di Ho au mate mangolu. ....Jongjong ma hita saluhutna......

                 3.  Rohangku baen ingananMi patiur ma langkangku. Huhatindanghon ma disi. Ho Jesus Palitongku. Di Ho ngolungku.......!

        13.  Manghatindanghon Haporseaon:

      L:   Tahatindanghon ma haporseaonta i songon panghatindanghonon ni donganta sahaporseaon di sandok portibi on. Rap ma hita mandok:

   S:      Ahu porsea..........du...... Hundul ma hita saluhutna

        14. TINGTING (WARTA JEMAAT):

        15. Marende No. 470: 1.... “Jesus Ho namapuna” (Pel IA– IB)

1.             Jesus Ho nampuna au  Dohot na adong  di au

Gogo dohot hosangki sahat ma tu tanganMi

2.             Sai rajai ma matangki manangkasi dalanMi

Sai patinggil pinggolhi tumangihon hataMi

3.             Dohot tanganki tahe naeng manjama na ture  :

Dohot pat sai naeng tongtong mandalani dalanMo

        16. Jamita :Ulaon 11:1-18                               

        17. Marende No. 437: 1, ..... “Tung namuba rohangku”  (Pel II)

1. Tung na muba do rohangku dibaen Tuhanki, dung Jesus ma ringan di au. Nunga Sonang au on,  tung dame rohangki, dung Jesus ma ringan di au.

Dung Jesus maringan di au, dung Jesus marinagan di au, tung sonang do au, dung tuJesus au lao, dung Jesus marinagan di au.

Au na lilu hian dapot sambulongki.Dung Jesus maringan di au. Nunga sae dosangki dibaen mudarNa I,Dung Jesus maringan di au. Dung Jesus………………..

HaroroNa hutagam, ndang uhum tahe,Dung Jesus maringan di au. Dohot au ma partohap di sangap muse. Dung Jesus maringan di au. Dung Jesus…….

      18. PESTA GOTILON

PESTA GOTILON (Pandita)  Hamu ruas ni huria na nihaholongan ni Tuhanta Jesus Kristus! Di las ni rohanta na mar-PESTA GOTILON hurianta sadarion, tama do auhononta hata ni Debata na mandok:  Saluhutna silehonlehon na denggan, nasa ulibasa na mauliutus, ima na ro sian ginjang. Dilehon do di hita parbueni tano, parbueni suansuanan dohot parbueni angka ulaonta. Saluhutna i nunga tajalo sian Jahowa. Antong ndatama ma hita mandok maulite tu Debata Alai marhuaso do Debata, mangusehon saluhut asiasi tu hamu, asa sandok tuk situtu di hamu jala marlobilobi hamu, laho patupahon saluhut ulaon na denggan.   :   Mandok mauliate ma hita tu Tuhan I, ai pardengganbasa do Ibana jala ro disaleleng ni leleng do asi ni rohaNa. Dibagasan las ni rohanta sadarion marhite Pesta Gotilon na pinatupa ni hurianta, dalanta do I laho mangokuhon, ia saluhut silehonlehon na denggan jala na maulitus na ro sian ginjang. Antong ro be ma hita tu joloNa… tapasahat ma parbue ni na taula,

01.    Marende BE No. 848 : 1 . . . ”Dison adong Huboan” (tujolo pasahat Silua)

ü   Dison adong huboan Tuhan parbue ningolungku naso tardok nian

Sadiama argana Tuhan molo sai nirajuman sude denggan basaM

Jalo ma Tuhan, sai las ma rohaM

ü  Tanganku na metmet da, Tuhan, na so hea mansari dope auon Tuhan

Rohangku ma hulehon, Tuhan na boi pelehononku gabe las ni rohaM

Jalo ma Tuhan, sai las ma roham

            ------ Musik -----

ü  Huingot do Hatam da, Tuhan, ingkon sarihononhon anggim na metmetan;

Ampehon ma tanganMu Tuhan sangkan, itak na otik i unang suda nian

Jalo ma Tuhan, Sai las ma rohaM ------ Musik -----

ü  Dison adong huboan Tuhan parbue ningolungku naso tardok nian

Sadiama argana Tuhan molo sai nirajuman sude denggan basaM

Jalo ma Tuhan, sai las ma rohaM

            III. ACARA PASAHATHON TOHONAN SINTUA:

       19.      Marende No. 156: 4 “Jahowa Tuhanki”

(Tingki marende hita, Jongjong ma angka Sintua nanaeng manjalo Tohonan mangadop langgatan dipudina ma keluarga)

Sai tatap ma dison, O Jesus siseanMu. Najongjong di joloM, mangido lehononMu. Tu ganup tondiMi, nang huasona pe. Manogu bangsoMi, nang mangajari pe.

20.  Manjaha ulaon ni Tohonan Sintua:

Pdt:  Hamu angka dongan sahuria! Sadari on patupaon ni Hurianta do marhite naposoNa pasahathon Tohonan hasintuaon tu 1 halak nanaeng Parhalado di Hurianta HKBP Sibengkurung on, St. Anton Siregar. Nunga jongjong nuaeng nasida dison na itapillit bahen Sintua di tongatonganta. Naeng pangidoonnasida ma pasupasu sian Tuhanta i, asa margogo nasida mangulahon ulaonnasida. Antong! Tabege ma jolo pangarimpunan ni ulaon ni Sintua:

    1.     Pangula ni Huria do nasida mamatamatahon dongan angka na pinasahat tu nasida dohot mangaramoti parangenasida. Molo diboto nasida, na hurang ture parange ni manang ise, ingkon pinsangonnasida i, manang paboaonnasida tu Guru dohot tu Pandita, asa dipature.

     2.     Mandasdas donganta tu Parmingguan dohot manangkasi alana umbahen na so ro.

     3.     Mandasdas anakboru singkola, asa ondop ro.

     4.     Maningkir angka na marsahit jala paturehon na ringkot tu nasida dohot na tarpatupasa, alai na rumingkot, pasingothon Hata ni Debata tu nasida dohot tumanginghonsa.

     5.     Mangapuli angka na marsak, paturehon angka na dangol dohot na pogos.

     6.     Mangapuli angka sipelebegu, angka parugamo na asing dohot angka na lilu, asa dohot marsaulihon hangoluan na pinatupa ni Tuhan Jesus.

     7.     Mangurupi paturehon angka guguan dohot ulaon na ringkot tu Harajaon ni Debata.

2. Pandita Resort Pasahathon Tohonan Sintua: On pe, hamu na hinaholongan, naeng tangkas botoonnami burju ni rohamuna mangaradoti ulaon hasintuaon i. Dibahen i alusi hamu ma na husungkunhon on:

     1.     Na olo do hamu mamarangehon parange na tama di jolo ni Debata dohot di jolo ni jolma?

      2.     Na olo do hamu manjalo ulaon hasintuaon songon naung dipajojor ondeng tu hamu?

     3.     Na olo do hamu mangaradoti sude sian nasa roha dohot sian nasa gogomuna hombar tu Hata ni Debata?Molo naung sada rohamuna mangoloi jala marpadanhon sudena i di jolo ni Debata dohoT di jolo ni donganta sahuria on, dok hamu ma alusmuna.

             3. Sintua na naeng manjalo Tohonan mangalusi:

                        Na olo do ahu. Sai dipargogoi Debata ma ahu mangulahon saluhutna i.

        4. Pasahathon Pasupasu:         

         Pdt: Antong! Masijalangan ma hita, paboa hot ni padanmuna i jala paboa na olo do hamu mangula ulaon ni Debata rap dohot hami. “Sai diparrohai Tuhan Debata, Ama ni Tuhanta Jesus Kristus ma hamu, marhitehite Tondi Parbadia manghaburjuhon siulaonmuna, na pinasahat tu hamu sadari on, asa marsangap Debata di tongatonga ni HuriaNa i”. Amen.

5.  Sintua na naeng manjalo Tohonan marsinggang laho manjalo pasupasu:      (Pandita Resort Pasahathon Pasu-pasu)

      6.  Pandita Resort Pasahathon tu Huria, Sintua na manjalo Tohonan:     

             Pdt:    Hamuna dongan sahuria di HKBP Sibengkurung on  on, jangkon hamu manasida dibagasan dame. Sude ma hita on manggogo tumangianghon nasida, asa manjadi ulaonnasida i, huhut manghorhon hasangapon ni Tuhanta Jesus Kristus Raja ni Huria i.

         7. Panjangkonon ni Huria:

         Hujangkon hami ma tutu nasida gabe Parhalado di Huria ni Tuhanta dibagasan holong dohot dame na sian Tuhanta i.

      8.  Martangiang:

                  Pdt:      Ale Tuhan Debata Amanami na di banua ginjang! Mauliate ma rohanami tu Ho ala ni asi ni rohaM di angka dongannami on. Sai tambai ma tu rohanasida angka silehonlehon ni Tondi Parbadia, asa lam marroha jala margogo nasida mangaradoti Tohonan na sahat tu nasida sadari on. Asi ma rohaM dohot di sude ruas ni HuriaM on, asa lam hot haporseaonnasida be, jala lam ture parange nasida mangihuthon Ho. Sungguli ma rohanami asa masihaholongan, unang adong sipinsangon di hami, asa lam rarat harajaonMu, jala marmulia goarMu nabadia i. Amen.

        21.  Marende No. 140: 3 - 4 “Girgir ma hamu”

         (Ditingki marende hita hundul ma Sintua naung manjalo Tohonan, laos ro ma tu jolo Sintua nanaeng pensiun).

               3. Radoti burju hataNa sude, sai monang hamu baenonNa muse. Ibana do Raja na tong monang i, torop pe aloNa sumurut do i.

          4. Asi ma rohaM, ale Debata. Pasaut ma HataM, tumpahi na ma. Sude naniula ni naposoMi, Sai baen ma martua sude jolma pe.

                     B. ACARA PENSIUN SIAN HASINTUAON:

22. PABORHATHON Sintua na Pensiun:  

  Pdt: Hamuna angka dongan na sahuria! Sadarion patupaonta do pasahathon Surat Keputusan tu Sintua na pensiun sian haparhaladoon di Hurianta HKBP Sibengkurung on ala naung gok umur nasida 65 taon hombar tu Aturan-Peraturan ni Hurianta HKBP. Hamuna Sintuanami: St BINAR SIMARMATA Sadari on patupaon ni Hurianta ma tutu pensiun sian hasintuaon tu hamuna. Dihilala rohanami do burju dohot ringgas ni rohamuna mangula tohonan hasintuaon i di Huria HKBP Sibengkurung on. Diramoti jala dipasu-pasu Debata ma hamu di ari-ari ni ngolumuna, jala dipasupasu Tuhanta ma nang ulaon panghobasion-muna di Huria on manghorhon hasangapon dohot pujipujian di goar ni Debata Parasi roha i. Nuaeng, tabege ma jolo dijahahon Bestur Resort Surat Ketetapan Pensiun sian hasintuaonmuna sadari on.

           23.  Bestur Resort Manjaha Surat Ketetapan Pensiun Sintua:

         24.  Pandita Resort Pasahathon hata mauliate:

         Pdt:      Nunga dibege hamu taringot tu Surat Ketetapan Pensiunmuna sian hasintuaon di HKBP Sibengkurung on. Antong, hamauliatehon hamu ma tu Tuhanta Pardenggan basa i sian na sa rohamuna.  

         25.  Sintua na pensiun manghamauliatehon:

         Tama situtu do hami mandok mauliate tongtong tu Debata siala hamu ale angka dongan, songon na patut, ai na ganda situtu do haporseaonmuna, laos tamba holong ni roha ni ganup hamu sama hamu (1 Tess 1: 3). Amen

26. Pasahat Kenang-  kenangan, cendra mata sian Huria dohot Sian Ressort).

        27.  Mandok Hata (Kesan dohot Pesan) Sintua na Pensiun:

28.  Marningot ulaon panghobasion ni Parhalado naung pensiun:

        Pdt:    Huria ni Tuhanta, nunga saut tapatupa pensiun sian hasintuaon nuaeng donganta dison. Tama do ojak tu rohanta Hata ni Debata na mandok: “Huelek-elek ma hamu, ale angka dongan, tanda hamu ma angka na manghalojahon hamu, angka na manguluhon hamu marhitehite Tuhan i, ro di angka na paingothon hamu. Sangap situtu ma rajumi hamu nasida mardongan holong ni roha ala ni ulaonnasida; Sai mardame ma hamu sama hamu”. Ingot hamu ma angka na manguluhon hamu, na paboahon Hata ni Debata tu hamu, ujung ni pardalanan nasida ma bereng hamu, jala tiru hamu ma haporseaonnasida” (1 Tess 5: 12 – 13; Heber 13: 7).

 H:    I ma tutu! Huingot jala huhangoluhon hami ma Hata ni Debata na niajarhon nasida, manghorhon las ni roha, patoguhon holong ni roha dohot pahothon panghirimon di hami mangulahon lomo ni roha ni Tuhan i. Amen. 

2              29.  Marende No. 137: 4 “Raphon Tuhan Jesus i”  BL. 164

(Ditingki marende hita mulak ma Sintua na pensiun tu hundulanna, laos  jongjong ma hita saluhutna).

Tuhan, nang tu jolo on tatap hajolmaon. Sai pararat ma tongtong  hata haluaon. Tu na so tumanda Ho dohot Tuhan Jesus. Asa sasudena ro mandapothon Kristus.

30 . Tangiang Pelean- Ale Amanami- Pasupasu – Amen –Amen -Amen

SELAMAT MELAYANI St ANTON SIREGAR SELAMAT PENSIUN St BINAR SIMARMATA