TUMPAK LIAT PARHALADO HKBP RESORT TIGALINGGA ( OKULI )

TUMPAK LIAT PARHALADO

  HKBP RESORT TIGALINGGA

( OKULI )

=================================================

HKBP TIGALINGGA, HKBP BATU GUN-GUN, HKBP BERTUNGEN JULU, HKBP BULUH RINTANG, HKBP BATU ANGGAN, HKBP KEDEBEREK, HKBP LAU PANGGUH, HKBP SIBENGKURUNG, HKBP TANJUNG BERINGIN, HKBP SUKABANGUN, HKBP KUTA BULUH, HKBP PANDAN II

BINDU I

1.    Punguan on di goari Tumpak Liat Parhalado TLP Okuli HKBP Ressort Tigalingga Distrik VI Dairi

2.    Punguan on mamungka di ari Rabu 6 Desember 2017 na diputushon marhite Rapot Ressort HKBP Ressort Tigalingga ima di ari 6 Desember 2017

BINDU II

1.    Ia Dasor ni Parpunguan on ima dos ni roha ni sude parhalado sa Ressort songon na tarsurat di Galatia 6:2, Filipi 2:2, Kol 3:14, 1 Kor 13:13 laos di pahombar tu Lapatanni Okuli, Sai tong mangaranapi do matangku tu Jahowa

2.    Parpunguanon martujuan laho ;

1.    Pauliulihon dohot pahothon haulion dohot hasadaon di tongatonga ni angka parhalado sa Ressort Tigalingga Distrik VI Dairi

2.    Patuduhon sisada roha, sada panghilalan, dilasniroha manang arsak ni roha

BINDU III

1.    Rumang ni angka sihobasan dohot si ulaon ni Tumpak Liat Parhalado ( Okuli ) Sa Ressort Tigalingga ima ulaon las ni roha nang arsak ni roha

BINDU IV

1.    Anggota  ni Punguan Tumpak Liat Parhalado ( Okuli ) Ressort Tigalingga on ima , sude parhalado ( Sintua) Calon Sintua ( Learning) Dohot sude Pangula na gok Tingki Sa Ressort Tigalingga

2.    Mansohot do anggota molo masa : Monding, Pindah, pangsiun dohot hona RPP/Uhum Huria

BINDU V

a.    Monding

1.    Molo Anggota ni Punguan TLP Okuli na monding , ganup anggota ni Punguan TLP Okuli Manggarar godangna Rp. 30.000

2.    Molo Istri/Suami ni anggota ni Punguan TLP Okuli na monding, ganup anggota manggarar ma Rp 20.000

3.    Molo natoras ni punguan ( Kandung & Simatua) monding dipasahat ma Papan Bunga manang Krans Bunga

b.    Pangoli anak dohot Pamuli Boru

Molo adong anggota ni Punguan na pangolin anak manang pamuli boru, manggarar ma ganup anggota Godangna Rp 10.000 ( Dohot Catatan  adong ma undangan tu Pengurus TLP Okuli )

c.    Pensiun

Molo Pensiun anggota ni TLP Okuli, Manggarar ma ganup anggota Rp 30.000

d.     Pindah

Molo Pinda anggota ni TLP Okuli, alani angka Tugas naimbaru manggarar ma anggota Rp 25.000

a.     Pangula na gok Pinda Pelayanan

b.    Parhalado ( Sintua ) Pinda Huta, Tugas

BINDU VI

Kewajiban

1.    Ganup anggota manggarar kewajiban na songon naung tinontuhon di Bindu V Hombar tu angka namasa dung jolo adong boaboa resmi sian pangurus naung ditontuhon Ressort

BINDU VII

Pengurus

1.    Pangurus ni TLP Okuli on ima, Sude Parhalado Ressort, Sude Uluan ni Huria, Sude Bendahara Ni Huria

2.    Dipillit ma Badan Pengurus Harian na ima , Ketua, Sekretaris dohot Bendahara, nasida ma gabe pelaksana ni TLP Okuli on

3.    Periodena 2 Tahun

BINDU VIII

SANKSI

1.    Anggota na mansohot sian haparhaladoon, alani sangsi/Uhuman sian Huria ndang mardalan TLP Okuli tu nasida

2.    Anggota na so unduk pasahat kewajiban hombar tu naung tinontuhon ni AD/ART, Molo adong ulaon namasa sampe 3 hali ndang dipasahat kewajibanna nang pe naung disosoi/dipaingot pengurus, ndang parsidohot be nasida di punguan TLP Okuli, Jala ndang adong sipasahaton ni punguan be tu nasida

3.    Pangurus hombar tu natarsurat di Bindu VII, Marsiurupan ma papunguhon angka kewajiban ni anggota ganup Huria

BINDU IX

PERALIHAN

Molo tung adong na hurang singkop di Buku Panduan TLP Okuli  Ressort Tigalingga on hombar tu ringkotna boi ma ditinjau kembali marhite Rapat Pengurus, Rapot ni Parhalado Ressort dohot Rapot Ressort na tinolopan ni Pandita Ressort

BINDU X

PANUTUP

Songoni ma Hatontuan ni TLP Okuli HKBP Ressort Tigalingga on pinatupa ima nalaho sipaihutihuton ni ganup parhalado dalan laho pauliulihon ngolu namasiurupan di angka ulaon arsak nang lasniroha. Marsangap ma Tuhanta marhite angka panghobasionta di tongatonga ni Huria I, laam tu sadana parsaoranta di tonga tonga ni HKBP Ressort Tigalingga

 Ditetapkan di Tigalingga 6 Desember 2017

Pandita HKBP Ressort Tigalingga

Pdt Budianto Sianturi