PARTORDING NI ACARA MINGGU KELUARGA

PANGOJAKHONON BIV HOTMA IDA BR SIMANJUNTAK

MINGGU III DUNG TRINITATIS

 

PELANTIKAN PARHALADO RESORT

SEKRETARIS BENDAHARA RESORT

UTUSAN SINODE GODANG

UTUSAN SINODE DISTRIK

HKBP RESORT TIGALINGGA 2016-2020

 

TOPIK:

MANOPOTI DOSA TARULI BAGA BAGA

NIULUHON NI :

Pdt Budianto Sianturi STh

Pdt Lister MP Tambun STh

MINGGU,  12 JUNI  2016

I.        PARHOBASON:

                a. Rap sahundulan ma Ama, Ina dohot ianakhon.

       b. Parhalado marhobas jala martangiang borhat-borhat tu parmingguon.

II.      ACARA PARMINGGUON:

                             U = Uluan                                               R = Ruas                        

-----Musik angonangon patubegehon BE. 464:1:  Huboan ma diringku.   BL  313 ---

1.   JOUJOU TU PARMINGGUON

U:   Selamat ari Minggu ma di hamu !

          R:           Selamat ari Minggu.

              U:   Huria ni Tuhanta, nuaeng tahalashon do parsaoranta dibagasan sadari on, ima Pesta II Dung Trinitatis jala sadari on sahat ma hita tu Minggu Tahun Keluarga di bulan Juni 2016 di bagasan Tema: RUMATANGGA NA MANOPOTI DOSA  TARULI DI BAGABAGA. Huria ni Tuhanta, di suru Debata do hita laho manopoti Dosa : Songon si Daud na olo manopoti dosa dohot hahuranganna dipaingot Debata do hita asa olo maminsang angka donganta songon Panurirang Natan napaingothon Raja Daud asa unang lalap dihadosaonna i, dungi dapotan pasupasuma jala Taruli dibagabaga na sian Tuhanta , jala dibagasan sadarion Ojakhonon ni Hurianta ma angka NaposoNa mangula di Hurianta on , Asa pasupasuonMu ma ulaon nasida bahen hasanganpon dohot hamuliaon di GoarMu

           R:   Mangendehon BE.No. 569: 1 O Debata tung longang do rohangku   BL 569

1.       O Debata tung longang do rohangku, Molo hubereng na tinompaMi,

Saluhut bintang, hilap dohot ronggur, manghatindanghon hasangaponMi,

Marende au Tuhan mamuji Ho, O, Debata, sangap do Ho.

Marende au Tuhan mamuji Ho, O, Debata, sangap do Ho.

U:   Taparade ma rohanta laho mamuji Debata di siala denggan ni basaNa na mangalehon singkop na ringkot di parngoluanta marhite angka na tinompa ni Debata na asing na adong di humaliang hita. Dilehon do di hita mataniari, bulan dohot bintang na marsinondang ditingkina be. Dilehon do di hita sipanganon, aek dohot parabitan dalan ni Debata marmudu hita di ngolu siganup ari.

R:   Dipuji rohanami ma Ho Tuhan di siala saluhutna. Hujalo hami pe i ndang alani gogo nami sandiri dohot ndang ala haburjuaonnami alai tung sian asi ni rohaM sambing do.

           U:   Tapuji ma Debata di habangsaNa i, marende ma hita:

2.    MARENDE SIAN BE.No.648         Sangap di Debata Ama                        BL 648

1.    Sangap di Debata Ama, sangap di AnakNa i,

     Nang di Tondi Porbadia Debata na songkal i,

     Haleluya puji Tuhan salelenglelengna i.

----- Musik ----    (Jongjong di tingki mangendehon ayat 2 )

2.    Puji Raja Siparholong  Sipalua  jolma i

     Na patauhon hita bongot tu harajaonNa i,

     Haleluya puji Tuhan Raja na tarsilang i.

3.        VOTUM – INTROITUS

U  :    Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on. Amen. Songon on ninna Tuhan Jahowa: Ianggo halak partigor i mangolu do binahen ni parsihohotna marhaporseaon; alai anggo di halak parjahat ndang adong hasonangan. Haleluya.

R  :    Mangendehon:  Haleluya, haleluya, haleluya.

U  :    Martangiang ma hita:  Ale Tuhan Debata jala Amanami! Sai urupi ma hami, asa unang mandele hami, uju ro hapogoson tu hami, jala unang magopo hubahen hami silehonlehonMu na denggan i, uju ro pasupasuM tu hami. Ramoti hami, asa unang marpos ni roha hami tu arta na di hasiangan on. Lehon di hami haporseaon asa dohot hami parjambar di siteanon ni angka na porsea di Ho marhitehite Tuhan Jesus Kristus, Tuhannami. Amen.                                                                      (Hundul)

4.      MARENDE BE No..444: 1          BONA NI NGOLUNGKU           BL.404

   1. Bona ni ngolungku Ho do i, halalas ni roha Tuhan i

                Sian Ho do nasa gogongki , mual ni na denggan Ho do  i

5.      PATIK:    U=Uluan              R=Ruas             S=Sude

           U: Tangihon hamu ma Patik ni Debata ima na tarsurat  di Markus 16: 15:  Jadi ninna ma mandok nasida: Laho ma hamu tu liat portibi on; jamitahon hamu ma barita na uli i tu nasa na tinompa. Antong rap mangido gogo ma hita tu Tuhan Debata laho mangulahon patikNa i.

       U/R: Ale Tuhan Debata, sai pargogoi ma hami mangulahon na hombar tu patikMi.

               Amen!

6.     Marende sian B.E No. 683: 2-3      DI ADOPANMU JESUS,   BL. 683

2. DiadopanMu Jesus, marsomba au huhut  tungki

    Lao manopoti dosangki, diadopanMu Jesus.

3. DiadopanMu Jesus, tarsolsolbagi rohangkon

   Mubama au tu jolo on, diadopanMu Jesus

  7.  Renungan Situasional

     U = Hamu angka dongan, torop do halak naso boi mamuji Debata didok ala ni godang ni parungkilon na di adopi di ngolu siganup ari. Mago ma las ni roha sian ngolu nasida jala sitaonon tong do ndang marhaujungan gariada tahe lam tamba do parsorion i. Molo songoni do hape tumagon ma unang ma tatadingkon parpunguanta laho mamuji dohot pasangap Debata asa unang mago las ni roha i sian ngolunta.

     R  = Mauliate ma di Tuhan i ala dipahot jala dipargogoi Tuhan i dope hami laho pasahat pujian tu Debata di tonga ni ragam ni parungkilon. Ale Tuhan pahot ma i di hami.  

  U   = Hamu angka dongan, torop do halak na tumatangis jala mago las ni roha sian ngolu nasida ala bencana alam isara ni banjir,tanah longsor, pencemaran aek, udara, tano na parohon  angka sahit na imbaru, dohot halisungsung na mangagohon hosa dohot arta ni torop halak. Aha do sibonsiri ni i ? Hape taboto jala tahaporsea i do paboa sude na tinompa ni Debata sun denggan.

   R  = Ale Tuhan, hami na tinompaM sumurung sian sude angka na tinompa na asing do na gabe sibonsiri ni na masa i. Ndang huargahon hami angka na tinompa na asing.

   U  = Hamu angka dongan, ganup ma keluarga marsihohot mangargahon sude na tinompa ni Debata asa sude na marhosa pasahat pujian tu Debata. Dalanta laho patuduhon parsihohotontai marhite endenta.

8. MARENDE SIAN BE No. 443: 1-2        DUNG TUHAN JESUS        BL. 393

1.   Dung Tuhan Jesus nampuna au songgop dameNa biar hu lao,

      Taripar gogo ngoluna i nasa dosangku naung sae doi

      Tabaritahon holongNai didia  Tuhan tudoshon i,

      Tuk manumpahi tarlobida? Sasada Jesus  Pinujima.

------- JONGJONG -------

2.    Di ho ngolungku, lasrohangki jumolo Jesus siluaM i.

  PangiringonMu tolongMu i mangalo dosa nang rohangki.

      Tabaritahon...........................

9.       MANOPOTI DOSA

     U:  Tatopoti ma dosanta tu Debata  martangiang ma hita: 

               Ale Amanami jala Debatanami, na di Banua ginjang, Pargogo na so hatudosan! Pardengganbasa do Ho, jala ro di salelenglelengna do asi ni rohaM. Sai marpamuati ma rohaM di hajahatonnami, jala sai unang be ingot angka dosanami; ai jotjot do hami mardosa maradophon Ho, jala jotjot do husungguli hami rimasMu marhite sian pangalaosionnami, di hataM.

   Sude Mengendehon BE No.686: 1 “Ramun Do Au” BL.686

                ^♫♪♫ Ramun do au di joloMi, gok dosangki urasi au,

               O, Jesus, birubiru i, dison do au patau ma au.

           U : Jotjot do ndang huargahon hami angka na tinompaM na adong di humaliang hami jala panghorhonna mamboan arsak dohot sitaonon marhite na masa aek magodang, masursur angka dolok dohot masa angka sahit naimbaru. Ale Tuhan asi ma rohaM di hami.

     Sude Mengendehon BE No.686: 1 “Ramun Do Au” BL.686

                ^♫♪♫ Ramun do au di joloMi, gok dosangki urasi au,

               O, Jesus, birubiru i, dison do au patau ma au.

         U:   Ale Tuhan Jahowa, sai unang paingotingot pangalaosionnami, unang alang asi ni rohaM, sai urupi ma hami, Ho ale Tuhan Debata hatuaonnami, palua hami, jala sesa dosanami, ala ni AnakMu, Tuhan Jesus Kristus, Tuhannami. Amen.

( … tingki na hohom…:  Musik mangendehon  BE. 675: 1)

     U: Bagabaga ni Debata taringot tu hasesaan ni dosa. Ro ma hamu, asa mangolu tondimuna, ninna Tuhan Jahowa. Tung sura rara dosamuna songon abit bunga dapdap, bontar do bahenonku songon itak; nang pe rara songon abit hasumba, gabe songon hapas do muse. Hasangapon ma di Debata na di ginjang !

   U/R: Amen.                                               (HUNDUL)

10.   Koor:  HKBP UJUNG PARIRA RESORT PARPULUNGAN NA ULI

11.   Marende Huria BE.  No. 694 : 2 “Jesus Ho Nampuna Au-2”  BL. 694

                        ^♫♪♫ Sai rajai ma matangki, manangkasi dalanMi,

                    Sai patinggil pinggolhi, tumangihon hataMi, tumangihon hataMi

12.    EPISTEL:

     U        :           Hata ni Debata na gabe turpuk di minggunta sadari on ima na tarsurat di 1 Galatia 2:15-21, tajahama marsingkat soring:  Halak Jahudi hian do hami, ndada pardosa sian angka parbegu

R: Alai on do huboto hami , Sian Haporseaon di Jesus Kristus sambing do daapotan hapintoron jolma, ndada sian ulaon patik. Dibahen i, nang hami gabe porsea di Kristus i ndada sian ulaon patik; Ai ndang dapotan hapintoron nasa na mardaging anggo sian ulaon patik.

 U:   Alai molo pardosa tardapot nang hami na naneng pintor marhitehite  Kristus nda gabe sitambai dosa do Kristus disi? Dao ma anggo

R: Ai Hupajongjong do diringku pangalaosi molo hupauli muse naung hu loha i

H: Ai nunga mate ahu di patik i hinorhon ni patik i asa mangolu ahu di Debata Raphon Kristus i do ahu tarsilang

U: Ndada ahu be namangolu i nuaeng; Kristus do mangolu dibagasan ahu. Ia mangolu pe ahu nuaeng dibagasan daging, mangolu marhite haporseaon di Anak ni Debata na manghaholongi ahu jala namangalehon diriNa humonghop ahu.

 R:   Ndang hubolonghon asi ni roha ni Debata , ai aut adong hatigoran marhite sian patik i, magopo ma hamamate ni Kristus.

U:    I ma sahatna. Martua do angka na tumangihon Hata ni Debata jala naumpeopsa. Amen

13.       MARENDE SIAN B.E No. 681: 1, 2       ALE AMANG ASI ROHAM         BL 681

1. Ale Amang asi rohaM di au pardosa on, unduk do rohangkon nuaeng

     Marsomba di joloM , Unang jujur unang jujur angka dosangki

    Sai salpuhon sai salpuhon sian rohaMi.

------- JONGJONG -------

2. Amang sai pargooi ma au dihasiangan on, TondiM pasaor tu tondingkon

    Pamalum rohangkon, Sai usehon sai usehon TondiMi tu au

    Asa Monang maralohon parungkilon au.

14.       MANGHATINDANGHON HAPORSEAON

U  : Tahatindanghon ma haporseaonta i songon panghatindanghonon ni donganta sahaporseaon di sandok portibi on, rap ma hita mandok.

R  : Ahu porsea ...      (Hundul)

15.       TINGTING: St B Sihite

16.       KOOR : Gabungan HKBP Tigalingga “ Bagas Uhirhon” Niuluhon ni  Biv Br Simbolon

17.       Tangiang  Pangondianon: Parhalado HKBP Ujung Parira

18.       MARENDE BE No. 754: 1 –-        GOK LAS NI ROHA DO AU       BL 754

1.       Gok las ni roha do au di ngolungkon,

Di ngolungkon di ngolungkon gok las ni roha

         Do au dingolungkon tongtong di rohangkon

         Reff: Mauliate gok las ni roha maringan holongMi

                 Tuhan di au mauliate gok las ni roha Maringan holongMi Tuhan di au.

2.       Mardame jala sonang do ngolungkon, dirohangkon,

Dirohangkon. Mardame jala sonang do ngolungkon. Tongtong dirohangkon.

Reff. Mauliate ………

---------- Musik ----------

3.       Gok do holong ni Jesus di ngolungkon, di ngolungkon,

         Di ngolungkon. Gok do holong ni Jesus di ngolungkon,Tongtong di rohangkon.

         Reff.: Mauliate ………

19.          JAMITA  :  2 Samuel 12:1-16  Pdt Lister MP Tambun STh ( Ress Parp Nauli)

20.          MARENDE Sian BE No.712: 1---TOGU AU ALE JAHOWA (Papungu Pelean Ia+Ib)

1.         Togu au ale Jahowa didalan na rodop on. Ho do na tongtong satia togu au na gale on Sagu-sagu hangoluan sai pabosur tondingkon, Sai pabosur tondingkon.

-------- Musik --------

2.    Ro ma ho aek hangoluan na pahisar tondingki Sai dijolo ma ho Tuhan dohot tiang apiMi Sipartogi na gumogo ho ma lombu-lombungki, Ho ma lombulombungki.

-------- Musik --------

3.       Ditopi ni aek Jordan ndang mabiar huriaM Ale Tuhan Siparmonang boan au tu            Kanaan Pujionku ma goarMu salelenglelengna i, Salelenglelengna i.

21.    Acara Manghatindanghon Haporseaon

Marende No 149 : 1 Ho tongtong ihuthononku Jesus sipangolu au tung na so tadinghononku ho na paluahon au Sian sasude dosangku dohot sian uhumi  Na tongtong habiaranku ala pardosaon ki

       22. ACARA MANGOJAKHON BIBELVROW

        Marende No : 729 : 1 Laho ma hamu

1.    Laho ma hamu tu liat portibion Ninna Jesus Kristus Tuhan i ninna Jesus Kristus Tuhan i.Baritahon ma Barita Na Uli i tu saluhut na tinompa i, tu saluhut na tinompa i. Asa marlas ni roha ma langit nang dohot hajanghajang i.

Marolopolop angka ladang i ro di hau na di harangan i.

Martopaptopap sunge i marhasakhasak tao nang laut i.

Marolopolop ma portibion nang sudena pangisina i. Amen

       1.      Pendeta Resort:

Hamu angka dongan ruas dohot Parhalado huria ni Tuhanta na di HKBP Tigalingga on, di ari on, laos paojakon do Inanta Bibelvrow na imbaru. Mardomu tusi tabege ma jolo Surat Keputusan ni Pimpinan HKBP taringot tu penempatan nasida.

       2.       Manjaha Surat Keputusan:

            (Dijahahon Parhalado Resort St Justan Silaban)

        3.      Pendeta Resort:

Hamu Biv Hotma Ida Br Simanjuntak , nunga dibege hamu Surat Keputusan ni Pimpinan HKBP taringot tu penempatan muna gabe Bibelvrow di HKBP Tigalingga on. Antong tabege ma ulaon ni Bibelvrow  HKBP hombar tu Agenda HKBP XVII Hal 44  dohot  Aturan dan Peraturan HKBP 2002 Dung Amandemen II Bindu 6 halaman 39 – 40:  (Nanijahahon ni Pandita HKBP Resort Parpulungan Nauli Pdt Lister Tambun STh).

1. Dongan ni Pandita do hamu manogunogu jala mamatamatahon ruas ni Huria na masuk tu Huria Kristen Batak Protestant. Hamu do dongan ni Pandita laho manjamitahon Hata hangoluan na tarsurat di Padan na Robi dohot di Padan na Imbaru di tongatonga ni Huria sipasahaton tu hamu be.

2. Ala Parjamita di Huria hamu bahenonmuna ma nasa gogomuna marmahani birubiru ni Tuhanta, i ma angka ruas ni Huria na balga nang na metmet, na poso dohot na matua, na marsahit dohot na hisar, na jengkel dohot na burju. Apulanmuna ma angka na marsak, tungkolanmuna angka na mabalu dohot angka na tading maetek.

3. Laos songon i apoanmuna halak sipelebegu dohot angka parugamo na asing pe na manimbil sian Hata ni Debata dohot sian HuriaNa, asa dohot nasida marsaulihon na pinatupa ni Tuhan Jesus, ojahan ni haporseaonta i.

4. Ala Parjamita ina hamu di Huria Kristen Batak Protestant, tumangkas pasahaton tu hamu panghobasion di tongatonga ni angka Ina, Namarbaju dohot angka Dakdanak.

5. Angkup ni parbinotoan di Hata ni Debata, siajarhonon jala sipodahononmuna tu nasida, siradotanmuna do panghobasion na ampit tu nasida.

6. Asa saut angka na nidok ondeng ingkon marparange na denggan ma hamu di jolo ni Debata nang di jolo ni jolma. Tau tiruan ma hamu di angka na pinasahat ni Debata tu hamu. Sandok hata naung pinasahat tu hamu, radoti hamu ma sian nasa rohamuna hombar tu Hata ni Debata na mamolin i.

       4.      Domu tu Surat Keputusan muna Ulahonon muna angka Turgas on ( Dijahahon St R Rajagukuguk )

a. Martanggungjawab tu Uluan Huria

b. Mangulahon administrasi huria na denggan jala na taratur songon naung  diaturhon Pedoman Penatalayanan HKBP marhite na patupahon :

(1) Buku Bolon

(2) Buku Panuraton dakdanak na sorang

(3) Buku Panuraton Na Tardidi Poso poso dohot Na Magodang

(4) Buku Panuratan Na Manghatindangkon Haporseaon

(5) Buku Panuratan Na Martumpol Dohot Na Marbagas

(6) Buku Panuratan Ruas Na Ro

(7) Buku Panuratan Ruas Na Pinda

(8) Buku Panuratan Ruas Na Monding

(9) Buku Panuratan Ruas Na Hona ruhut Parmahanion dohot Paminsangon ,dohot na jinangkon mulak

(10) Buku Tingting

 (11) Notulen Rapat Huria dohot Rapot Parhalado Ni Huria..

c. Molo di komputer do diulahon na sinangkap di poin (b) na diginjang i, ingkon dibahen do salinanna na tarsurat jala  ditandatangani Uluan Huria dohot Sekretaris Huria.

d. Paradehon Konsep ni surat , mangagendahon dohot manimpan surat na masuk, mangagendahon surat na haruar jalan manimpan partinggalna,dohot petikan ni surat haputusan.

e. Paradehon inganan, bahan dohot ulaula na diharingkothon di Rapot Huria Rapot Parhalado Huria, dohot Rapot Hadomuan ni Dewan Dohot Seksi.

f. Mangatur pangulaon ni pangurupi di gereja ( koster, tata usaha, kebersihan, dapur,kemanan , kurir dohot na asing)

g. Mambahen konsep ni Tingting Huria dohot mangagendahon dung jolo ditolopi Uluan Huria.

h. Mangaramoti jala martanggung jawab taringot tu sude arsip ni Huria.

                   i. Mangaradoti dohot paimbaruhon marujuuju data base huria.

        5.      Pendeta Resort:

Hamu , Biv Hotma Ida Br Simanjuntak nunga dibege hamu Aturan ni Huria taringot tu ulaon muna Antong na manungkun ma ahu nuaeng  tu hamu, di jolo ni angka dongan na marpungu di son dohot  di jolo ni Tuhan Jesus  Kristus, Raja jala nampuna Huria i : Na olo do hamu paojakon Gabe Bibelvrow HKBP  Tigalingga Ressort Tigalingga on? Na olo do hamu mamelehon dirimuna mangaradoti angka ulaon i hombar tu na diaturhon di HKBP ? Dok hamu ma alus muna.

       6.      Biv Hotma Ida Br Simanjuntak

 Na olo do ahu, sai didongani Asi Ni Roha ni Debata ma ahu patupahon saluhutna i

       7.      Pendeta Resort (Huhut Masijalangan):

Marhitehite  Goar Ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia, ahu atas goar ni Praeses HKBP Distrik VI Dairi di Minggu III Dung Trinitatis sadari on tanggal 12 Juni  2016, hu paojak ma hamu, gabe Bibelvrow HKBP Tigalingga Resort Tigalingga Didongani jala di pargogoi ma hamu mangulahon ulaon i, bahen sangap di goarNa. Didongani jala di pargogoi Tuhanta ma nang amanta  mangurupi hamu (laos dijalang) Amen!

      8.      Pasahathon Tu Huria (Bibelvrow dohot Amanta mangadophon Huria)

      9.    Pendeta Resort:

Hamu angka dongan Ruas dohot Parhalado Huria ni Tuhanta na di Huria on, nunga hupaojak Hami Biv Hotma Ida Br Simanjuntak  mangula di Huria on, hupasahat hami ma nasida tu Huria on, jangkon hamu ma nasida di bagasan tangiang huhut urupi hamu asa manjadi ulaon nasida jala marlas ni roha dohot keluarga nasida di Huria  on.

Huria:

Di bagasan roha mauliate tu Debata Ama dohot Tuhan Jesus Kristus Raja ni Huria i dohot Tondi Parbadia hujangkon hami ma hamu Inanami Biv Hotma Ida Br Simanjuntak rap dohot keluarga mangula di Huriaon  on, sai di pargogoi jala diurupi Tuhanta ma hamu gabe pasupasu tu hurianta.

10.   Pendeta Resort:

11.   Martangiang ma hita: Ale Tuhan Debata Amanami marhitehite Tuhan Jesus Kristus Raja jala nampuna huria i. Mauliate rohanami tu Ho jala pujionnami do goarMu, ai ndang dipaloas Ho huriaMi so marparmahan. Alai dipabangkit Ho do naposoM Biv Hotma Ida Br Simanjuntak gabe Bibelvrow di HKBP Tigalingga  Ressort  Tigalingga on. Asi ma rohaM lehon ma TondiM na badia I margogoihon nasida, parsahalai, parbisuhi ma nasida, asa polin dibaritahon nasida hataMi. Lehon hahipason, hatoguon dohot hiras ni roha mangaradoti sude ulaon di Huria on. Tumpahi ma saluhut na ni ula nasida., jala sai patubuma hataM na binaritahon nasida asa marparbue di ngolunami, paboa siseanMu hami. Pasupasu jala pargogoi dohot Amanami, pangurupi na nilehonMi tu naposoMon, Hupangido hami tangiang nami on tu Ho marhitehite AnakMu Tuhan Jesus Kristus Tuhannami, Amen.

V.                           1     12. MANDOK HATA

                1.      Hata patujolo sian  Biv Hotma Ida Br Simanjuntak

                 2.      Kata Sambutan:

a.  Mewak                                                        Mewakili Ruas HKBP Ujung Parira                            :

b. Mewaki                                                        Mewakili Ruas/Parhalado HKBP Tigalingga               

                                23. PELANTIKAN PARHALADO RESORT / SEKBEND/ USG/USD

1. Marende BE. No. 727: 1-  hupillit asa marparbue  (Di Tingki Marende Ro ma sude      Parhalado Resort Sekbend USG, USD tu Jolo ni Langgatan )                                                     

             Songon on didok Tuhanta Jesus : Ahu do na mamillit hamu

Asa                      asa lao hamu na marparbue jala mian parbuemuna i, Hupadiri asa lao marparbue; jala mian parbuemuna i. Hita na pinillit ni Tuhanta, ingot ma hata ni Tuhan i  Parbuehonna ma nasa na denggan, na hombar tu patik ni Tuhan i ,Na tarjou do hita paimbaru diri, dibagasan Kristus Tuhanta i.Tasolsoli ma nasa dosanta tapauba ma rohanta, tapelehon ma nasa dirinta, baen pelean na mangolu na badia di Tuhanta na hinalomohon ni Debata. Amen

2 .   Pandita Resort : Huria ni Tuhanta, nuaeng sahat ma hita tu acara Pelantikan Parhalado Resort / Sekretaris Bendahara Resort, Utusan Sinode Godang, Utusan Sinode Distrik    ,HKBP   Ressort Tigalingga 2016-2020 Antong tabege ma jolo angka Ulaon nasida  Mangihuthon Aturan Peraturan Ni Hurianta  Bindu 7 Poin 2 Hal 64-65 ( Dijahahon St  E Anakampun) ,

v  Ulaon ni Parhalado Resort

1. Mandongani Pandita Resort Manguluhon Resort i
2. Pahehehon dohot patupahon ulaon hadomuan ni angka Dewan dohot angka seksi di angka Huria na di Resort i
3. Patulushon haputusan ni Sinode Godang, Rapot Majelis Pekerja Sinode Sinode Distrik, Majelis Pekerja Sinode Distrik dohot Rapot Resort

v  Ulaon ni  Sekretaris Bendahara Resort ( Dijahahon St G Simamora)

1. Martanggungjawab tu Pandita Resort
2. Mangaradoti administrasi Resort na atur jala denggan naung di atur ni Pedoman penatalayanan HKBP namanghamham

1.       Buku panuratan ni partohonan na gok tingki dohot na so gok tingki sa Resort

2.       Buku Panuratan ni Guru Singkola Minggu  dohot Pendamping Remaja sa Resort

3.       Buku Panuratan ni Sekretaris, Bendahara, Parhalado Parartaon, Dewan, Seksi, Panitia Pembangunan, Komisi, Dohot Badan Audit Sa Resort

4.       Buku Panuratan ni ruas ni Huria Sa Resort

5.       Buku Panuratan angka haputusan ni Rapot Resort dohot Parhalado Resort

6.       Buku Notulen ni Rapot Resort dohot Rapot Parhalado Resort

7.       Buku Panuratan ni Inventaris Resort

3. (Pandita Resort).   Di bagasan goar ni Debata Ama, dohot goar ni Tuhan Jesus Kristus dohot goar ni Tondi Parbadia; Amen,  ahu Pandita HKBP Resort Tigalingga  mangojakhon hamu, Hamu Sude Parhalado Resort , Sekretaris Bendahara Resort, Utusan Sinode Godang, Utusan Sinode Distrik HKBP Resort Tigalingga Periode 2016-2020  Sai didongani jala dipargogoi Tuhan i ma hamu manguluhon Hurianta ganup marsadasada  . Amen. 

• Parhalado Resort, Sekbend, USG,USD : Dipasupasu, di ramoti jala di pargogoi Tuhan i ma hami patupahon saluhut na i , Amen
•  Huria  : Pargogoi jala patau ma Tuhan  sude Parhalado Resort, Tigalingga  naung pinabangkitMi ,Manguluhon  hami  sude ruasMu,    Amen

(di Jalang  ma nasida marsadasada laos dipasahat SK  )

24. Pasahat Cendra Mata dohot Ucapan Terimakasih tu Parhalado Resort 2012-2016 ( Parhalado Resort na lama padompak dompak dohot Parhalado Resort na Baru

Pandita Resort : Di Hamu amanami Parhalado HKBP Resort Tigalingga 2012-2016 Mauliate ma dipasahat Hurianta na Sa Resort on disiala gogo, pingkiran nang panghobasion muna saleleng Opat Taon on , Tuhanta ma namandongani ulaonmuna siganup ari, Dipasupasu Tuhanta ma nang HuriaNa Amen

25. Pasahat Cendra Mata/ Piagam Penghargaan

26. Pasahat Hadiah Tu Ianakhon na Berprestasi , Juara I, II, III Kls I-VI)

      Marende Huria No 30 : 1 Jesus Lehon Hatorangan Hapistaran mangantusi hataMi lehon mata na marnida dohot roha na umboto dalanMi asa tongtong maradophon bohiMi mardalan hami asa digomgomi Tondi mi ma hami ( Di tingki marende ro ma angka ianakhon na Juara I-III Tu Jolo di dampingi natorasna)

Pandita : Huria ni Tuhanta Sadarion Pasahaton ni Hurianta ma Hadiah tu angka ianakhonta na namandapot Hajuaraon di parsingkolaan, Biar Mida Jahowa do Parmulaan ni Hapistaran , Anak na pistar palas roha ni amana alai anggo anak  nabodo arsak ni roha ni inana , Ditambai Tuhanta ma Hapistaran nang Habisuhon tu Ianakhon ni Hurianta

Pasahathon Hadiah

Juara I              : Dipasahat Pdt B Sianturi

Juara II             : Dipasahat Pdt LMP Tambun

Juara III            : Dipasahat Biv HI Br Simanjuntak

27. Marende No  720 : Naeng Marsinondang Ngolungku ( Jongjong sude )

 Naeng marsinondang ngolungku di igil Jesus i Manang didia pe ahu tongtonghuingot i Tiur marsinondang ido ni igil ni Jesus, tongtongMarsinondang panondang do au tutu

 28. PARSURUON                          

        U   :   Dung i hubege soara ni Tuhan i na mandok: “ Ise do suruhononKu, jala ise  pardalannami?

R   :   Dison do ahu Tuhan, suru ma ahu.

U   :   Laho ma hamu tu liat portibi on: Jamitahon hamu ma Barita na Uli I tu nasa na tinompa.

R   :  Ale Tuhan, lehon ma hiras ni roha tu ahu manghatindanghon Barita na UliMi tu portibi on. Rade ma hami ale Tuhan pasahat Barita NauliMi tu nasa na tinompa marhite na manjagahon haiason songon parbue ni haporseaonnami, manuan hau, manjagahon tano, aek dohot udara asa unang tercenar. Hupauliuli hami ma na tinompa-Mi

U   :   Didok Tuhan Jesus: “Hamu do panondang ni portibi on!” Antong   borhat ma hamu, boan jala sondanghon hamu ma hatiuron ni Barita na Uli na sian Jesus Kristus i di ngolum siapari.

R   :   Ale Tuhan, paian ma ahu dibagasan parsaoranMu laho manjalo hatiuronMu siboanon jala sisondanghononhu tu na humaliang ahu.

U   :   Didok Tuhan Jesus : “Hamu do sira ni tano on!” Antong borhat ma hamu, alo jala otapi hamu ma hajahaton; arahon hamu ma saluhutna pasangaphon Tuhan i!

R   :   Ale Tuhan, sai ajarhon ma tu ahu angka dalanMu asa huboto mamolati na denggan sian na roa jala asa marpangalaho ahu dibagasan hasintonganMi baen tiruan di angka nanaeng toguonMu dope tu HarajaonMu.

U   : Nunga songgop harajaon ni Debata. Sibasabasa do i tu hamu, antong basabasahon hamu ma i!

R   :  Mangendehon  BE.No.730: 4                       Sai patau ma au Tuhan.

1.    Sai patau ma diringku ale Tuhan, Papatarhon hinauliMi Tuhan,

Suru ma TondiMi saor tu rohangki, Baen ias hata dohot parangengki.

  29. Tangiang Pelean-Ale Amanami-Pasupasu- Amen-Amen- Amen

III.          Acara Ramah Tamah

IV.          Marsipanganon

V.           Sambutan

SELAMAT DATANG DAN SELAMAT MELAYANI

INANG BIV HOTMA IDA BR SIMANJUNTAK

DOHOT  SUDE PARHALADO RESORT, SEKBEND USG, USD

                                                   Doc. hkbpressorttigalingga.blogspot.com