MANGOJAKHON BIBELVROW HOTMA IDA BR SIMANJUNTAK
Pemberian Hadiah ke Anak Sekolah Minggu Berprestasi
NAIK SIDI HKBP TIGALINGGA
Kamis, 30 Juni 2016
FOTO KEGIATAN HKBP RESSORT TIGALINGGA
MANJANGHON St SELAMAT BANGUN PASARIBU
PARHALADO HKBP TIGALINGGA
MANJANGHON SINTUA HERBON SELAMAT BANGUN PASARIBU
01. Prosesi: Dung martangiang Parhalado di Konsistori mardalan ma
prosesi. Dung masuk prosesi tu Gareja, jongjong ma sude ruas ni Huria laos
dipalu ma giring-giring. Dung hundul saluhutna martangiang ma hita dibagasan
rohanta be.
02.
Jou-jou marsomba tu Debata:
U = Selamat ari Minggu ma di hamu Saluhutna!
R = Selamat
ari Minggu ma tutu Tuhanta ma manumpahi HuriaNa
U = Di
bagasan Tema Bulanan di Bulan Juni 2016
i ma: RUMATANGGA NA NA MAMBAHEN DEBATA HASONANGAN NA, nuaeng
ro do hita mamuji dohot marsomba tu Debata.
R = Puji ma Jahowa, hamu ale angka parbegu sudena!
Puji ma Ibana hamu ale angka bangso
sudena!
U = Marlas ni roha jala marolopolop sogot angka bangso,
ala tigor panguhummu di angka bangso, jala ditogu Ho angka marga di tano on.
Marende ma hita
03.
Mangendehon
No. 9: 1 + 3 “Hupuji holong ni RohaMu”
- Hupuji holong ni rohaMu, o Tuhan Jesus, Rajangki.
tu
Ho hulehon ma tondingku, ai i do
pinangidoMi.
Huhalupahon ma diringku, mamingkir holong ni rohaMu.
- Jongjong -
3. Huhilala,
ingkon marTuhan, ingkon mangolu au di Ho ;
Ndang
jumpang au be hangoluan aut unang
dipatupa Ho.
Sai Ho do
paradiananku, sai gok di Ho nama langkangku
04.
Votum–Introitu(L=Liturgis;H= huria=S;Sude )
L: Marhitehite Goar ni Debata Ama, AnakNa Tuhan Jesus
Kristus, dohot Tondi Porbadia,
na tumompa langit dohot tano on. Amen. Di horhon haporsuhon nami na satongkin jala na neang i do hasangapon na
sumurung, nalumboi hamuliaon na salelenglelngna tu hami, angka na so tumailihon
angka natarida angka na tumailihon angka na so tarida ai martingki do angka natarida,
alai na salelelenglelengna do angka na so tarida Taendehon Haleluya
S: Mangendehon: Haleluya – Haleluya -
Haleluya.
L:
Martangiang ma hita: Ale Tuhan Debata, Pargogo na so hatudosan, na tumompa langit dohot tano
dohot nasa isina. Hinorhon ni asi ni rohaM do umbahen tarbahen hami marpungu,
marlas ni roha di tonga-tonga ni HuriaM sadari on manghalashon pangaramotionMu , Pasahathon
Tohonan Sintua di HuriaM, . Hupangido hami ma tu Ho: Sai lehon ma tu huriaM.
TondiM na badia i dohot hamaloon sian Ho asa lam rarat jala lam ganda
harajaonMu di tongatonga ni portibi on. marhite AnakMu Jesus Kristus Tuhannami
S: Amen. Hundul ma hita saluhutna.
05. KOOR : AMA AGAVE “Hatindanghon Kristus i”
06. Marende No. 211: 1 “Tuhan Jesus Si Parmahan“
1. Tuhan Jesus Siparmahan Au birubiruNa do
Jesus gok di Ho rohangku Sai ihuthononku
Ho
Sai ihuthononku Ho, Sai ihuthononku Ho
Jesus gok di Ho rohangku Sai ihuthononku Ho
07 . Patik: 1 Tmoteus 3: 1 – 2.
L:
Hamuna angka
dongan sahaporseaon! Tatangihon jala tahangoluhon ma Patik ni Debata di
minggunta sadari on, i ma na marpardomuan tu ulaon ni Sintua na tarsurat di 1 Tim
3: 1 - 2, na mandok: “Hata
haposan do on: Ulaon na denggan do pinangido ni na mangalului hasintuaon.
Dibahen i, unang ma adong dapot sisurahan di sintua: Harajaan ni sada boruboru
ma ibana, marpangontik, marroha, marhapantunon, na las roha martamue, na malo
mangajari.Olat ni do sahatna Antong rap mangido gogo ma hita tu Debata laho
mangulahon
Patik nai.
S: Ale Tuhan Debata, sai pargogoi ma hami mangulahon na
hombar tu patikMi. Amen.
08. Marende No. 736: 1 -” Jesus Haposanku
1. Jesus haposanku unang ma pasombu,
Au di hapunjungan di na so
mardongan.
Ho tongtong donganku
dipardalananku,
Jesus haposanku unang au
pasombu.
Ho tongtong donganku di
pardalananku,
Jesus haposanku unang au
pasombu.
09. Manopoti Dosa dohot manjangkon baga-baga ni
Debata:
L: Hamuna angka dongan nahinaholongan ni Tuhan Jesus Raja
ni Huria i. Najongjong do hita nuaeng di adopan ni Debata na mamereng torus tu
bagasan rohanta be. Ala ni tapaunduk jala tapaserep ma rohanta laho manopoti
dosanta. Martangiang ma hita: Ale
Tuhan Debata, Amanami na di banua ginjang, Pargogo na so hatudosan, Pardenggan
basa do Ho, jala ro di saleleng-lelengna do asi ni rohaM. Sai marpamuati ma
rohaM di hajahaton-nami, jala sai unang be ingot angka dosanami. Ai jotjot do
hami mardosa maradophon Ho, jala jotjot do husungguli hami rimasMu marhite sian
pangalaosionnami di hataM nabadia i. Ale Tuhan Jahowa, sai unang paingotingot
pangalaosionnami, unang alang asi ni rohaM. Sai urupi ma hami, Ho ale Tuhan
Debata hatuaon-nami, palua hami jala sesa dosanami, marhite anakMu Jesus
Kristus Tuhannami.
H: (Martangiang dibagasan roha + 2 Minut (Diiringi orgel dohot Song
Leader mangendehon No. 162: 1 + 7 (Satonga soara)
1. O Debata mansai balga huhut dokdok dosangku. Na so adong di tano on, na
tau haporusanku.
7. Tu asiMi ma
rohangki, sai sesa ma dosangku. Tu lambungMi ma tondingki, dung tos muse hosangku.
L: Hamuna angka dongan! Nunga tapangidohon tu Debata
hasesaan ni dosanta. Nuaeng pe, tajangkon jala tahangoluhon ma bagabaga ni
Debata taringot tu hasesaan ni dosanta: “Songon
on do Hata ni Jahowa: Unang ho mabiar, ai Ahu do siluluhon ho, nunga pola
Hujou goarmu, Ahu nampuna ho”. Hasangapon ma di Debata na di banua ginjang.
S: Amen. Hundul ma hita saluhutna
12 10. KOOR : REMAJA
11. Marende No 238 : 1 Ihuthon ahu sude hamu
1. Ihuthon au sude hamu Didok Tuhanta Jesus
Sai soadahon dirimu Hatangku ma patulus
Alai bolongkon ma sude Parulanmu na so
ture
12. Epistel: Lukas 9:51-62 ,
U = Hata ni Debata na gabe
turpuk di minggunta sadari on tarsurat
di Lukas 9: 51-62, tajaha ma marsingkat
soring: Alai di na lam donok ari hababangkitNa di patohom ma bohiNa mardalan tu
huta Jerusalem.
R = Laos
disuru ma angka suruanNa patujoloNa jadi laho ma nasida , dibongoti ma sada
huta ni halak samaria paturehon parbornginanNa
U = Gabe
ndang dijangkon nasida Ibana, ala dipatohom bohiNa laho tu Jerusalem
R = Marnidai
siseanNa si Jakobus dohot si Johannes
didok ma, Tuhan anggo olo Ho hudokhon hami turun api sian ginjang
mangalengsehon nasida ( Songon nabinahen ni si Elia)
U = Alai
humusor ma Ibana , hona hata ma nasida di bahen ninna ma ndang diboto hamu hape
manang tondi dia di hamu?
R = Alai
laho paluahon , ndada mangagohon tondi ni jolma Anak ni jolma i umbahen na ro
jala tu huta na asing nama di topot nasida
U = Uju
di tongan dalan nasida , ninna sahalak ma mandok Ibana “ Sai ihuthononku do Ho
manang tu dia pe Ho Laho”
R = Didok
Jesus ma tu ibana “Na marliang do angka
antuasu, namarasar do pidong na martongatonga langit; alai anggo di Anak ni
jolma i ndang adong hapeahan ni UluNa”
U = Ia
tu sahalak na asing didok “Ihuthon Ahu” alai didok ma; “Loas ahu jolo laho
mananom damang!”
R = Alai
ninna ma mandok ibana pasombu ma angka na mate mananom namatena ; alai anggo ho
borhat ma mamaritahon harajaon ni Debata
U = Sahalak
na asing muse mandok huihuthon pe Ho, Tuhan, alai loas ahu jolo martinading
hata tu angka donganku sabagasa
R = Alai
ninna Jesus ma mandok ibana “Na manjama ninggala huhut mamereng tu pudi , tung
na so tau mai tu harajaon ni Debata
U = Ima
sahatna: Martua do angka na tumangihon hata ni Debata jala na umpeopsa. Amen
13.
KOOR: Gabungan HKBP Tigalingga
14. Marende No. 695: 1 – 2 “Jesus Tuhanku di ho ma au on”
1. Jesus
Tuhanku di Ho ma au on, Asa mangihut tu Ho au tongtong
Gohi rohangku ingani au on. Sonang si Ho tongtong,O
Tuhan togu ma au.
O Tuhan togu togu ma au,Gohi rohangku ingani au on, Sonang di Ho
tongtong.
-
Jongjong -
2. Mansai godang do pardangolanki,Tagan so Jesus dope tohaphi.
Disesa Jesus sude dosangki, gok dame rohangki, Asi rohaNa di au
Tongtong asi rohaNa di au.Disesa Jesus sude dosangki, gok dame rohangki
15. Manghatindanghon Haporseaon:
L: Tahatindanghon ma haporseaonta i songon
panghatindanghonon ni donganta sahaporseaon di sandok portibi on. Rap ma hita mandok:
S: Ahu porsea..........du...... Hundul ma
hita saluhutna
16. TINGTING (WARTA JEMAAT):
17.
TANGIANG PANGONDIANON
18. Marende No. 470: 1.... “Jesus Ho namapuna” (Pel IA– IB)
1.
Jesus Ho nampuna au Dohot
na adong di au
Gogo dohot hosangki sahat ma tu tanganMi
2.
Sai rajai ma matangki manangkasi dalanMi
Sai patinggil pinggolhi
tumangihon hataMi
3.
Dohot tanganki tahe naeng manjama na ture :
Dohot pat sai naeng
tongtong mandalani dalanMon
19. Jamita :Psalmen 16:1-11
20. Marende No. 471: 1-,“Hupillit
Jesus Tuhan hi” (Pel II) Tumpak tu Nahagoran Parongil
1. Hupilit Jesus donganki lao mangoloi Ibana.
Nang muruk pe torop didi labangku do
Ibana.
Di Ho ngolungku ro diajalhu Jesus di Ho
au, mate, mangolu.
Di Ho ngolungku ro diajalhu Jesus di Ho
au, mate, mangolu.
2. Arga ditobus tondingki, na mate do Ibana,
Ngolungku hubaen upa nii, lao mangoloi hataNa
:,:Di Ho ngolungku…
3. Rohangku baen ingananMi, patiur ma
langkangku,
Huhatindangkon ma disi: Ho Jesus palitongku,
:,: Di Ho ngolungku…
21 . PANDIDION
Marende NO 147 : 1 Jesus hami ro dison
Jesus hami ro dison Mangihuthon na nidokMu
Ro do
posoposo on Ala na pinatikkonMu
Ingkon do tu
Ho boanon Lao manjalo Parpadanan.
22. MANGHATINDANGHON HAPORSEAON
Marende
No 147 : Ho tongtong ihuthononku
Ho tongtong ihuthononku Jesus Sipangolu au
Tung
na so tadingkononku Ho, na paluahon au
Sian
sasude dosangku Dohot sian uhum i
Na
tongtong habiaranku Ala pardosaonki.
23. ACARA
PASAHATHON TOHONAN SINTUA:
24. Marende No. 156: 4 “Jahowa Tuhanki”
(Tingki marende hita, Jongjong ma angka Sintua nanaeng manjalo Tohonan
mangadop langgatan dipudina ma keluarga)
Sai tatap ma
dison, O Jesus siseanMu. Najongjong di joloM, mangido lehononMu. Tu ganup
tondiMi, nang huasona pe. Manogu bangsoMi, nang mangajari pe.
25. Manjaha ulaon ni Tohonan Sintua:
Pdt: Hamu
angka dongan sahuria! Sadari on patupaon ni Hurianta do marhite naposoNa
pasahathon Tohonan hasintuaon tu 1 halak nanaeng Parhalado di Hurianta HKBP Tigalingga on, St. Herbon Selamat Bangun Pasaribu. Nunga jongjong nuaeng nasida dison na itapillit bahen
Sintua di tongatonganta. Naeng pangidoonnasida ma pasupasu sian Tuhanta i, asa
margogo nasida mangulahon ulaonnasida. Antong! Tabege ma jolo pangarimpunan ni
ulaon ni Sintua:
1. Pangula ni Huria do nasida
mamatamatahon dongan angka na pinasahat tu nasida dohot mangaramoti
parangenasida. Molo diboto nasida, na hurang ture parange ni manang ise, ingkon
pinsangonnasida i, manang paboaonnasida tu Guru dohot tu Pandita, asa dipature.
2. Mandasdas donganta tu
Parmingguan dohot manangkasi alana umbahen na so ro.
3. Mandasdas anakboru singkola, asa ondop ro.
4. Maningkir angka na marsahit
jala paturehon na ringkot tu nasida dohot na tarpatupasa, alai na rumingkot,
pasingothon Hata ni Debata tu nasida dohot tumanginghonsa.
5. Mangapuli angka na marsak,
paturehon angka na dangol dohot na pogos.
6. Mangapuli angka sipelebegu,
angka parugamo na asing dohot angka na lilu, asa dohot marsaulihon hangoluan na
pinatupa ni Tuhan Jesus.
7. Mangurupi paturehon angka
guguan dohot ulaon na ringkot tu Harajaon ni Debata.
26. Pandita Resort Pasahathon Tohonan Sintua: On pe, hamu na hinaholongan, naeng tangkas botoonnami burju ni rohamuna
mangaradoti ulaon hasintuaon i. Dibahen i alusi hamu ma na husungkunhon on:
1. Na olo do hamu mamarangehon
parange na tama di jolo ni Debata dohot di jolo ni jolma?
2. Na olo do hamu manjalo
ulaon hasintuaon songon naung dipajojor ondeng tu hamu?
3. Na olo do hamu mangaradoti sude sian nasa roha
dohot sian nasa gogomuna hombar tu Hata ni Debata?Molo naung sada rohamuna
mangoloi jala marpadanhon sudena i di jolo ni Debata dohoT di jolo ni donganta sahuria on, dok hamu ma alusmuna.
27. Sintua na naeng manjalo
Tohonan mangalusi:
Na olo do ahu. Sai dipargogoi Debata ma ahu mangulahon saluhutna i.
28. Pasahathon
Pasupasu:
Pdt: Antong! Masijalangan ma hita, paboa hot ni padanmuna i jala paboa na
olo do hamu mangula ulaon ni Debata rap dohot hami. “Sai diparrohai Tuhan Debata, Ama ni Tuhanta Jesus Kristus ma hamu,
marhitehite Tondi Parbadia manghaburjuhon siulaonmuna, na pinasahat tu hamu
sadari on, asa marsangap Debata di tongatonga ni HuriaNa i”. Amen.
29. Sintua na naeng manjalo Tohonan marsinggang
laho manjalo pasupasu: (Pandita Resort Pasahathon
Pasu-pasu)
30. Pandita Resort Pasahathon tu Huria, Sintua na manjalo
Tohonan:
Pdt: Hamuna dongan sahuria di HKBP Tigalingga on, jangkon hamu manasida dibagasan dame. Sude ma hita
on manggogo tumangianghon nasida, asa manjadi ulaonnasida i, huhut manghorhon
hasangapon ni Tuhanta Jesus Kristus Raja ni Huria i.
31. Panjangkonon ni Huria:
Hujangkon hami ma tutu nasida gabe Parhalado di Huria
ni Tuhanta dibagasan holong dohot dame na sian Tuhanta i.
32. Martangiang:
Pdt: Ale Tuhan Debata Amanami na di banua ginjang! Mauliate
ma rohanami tu Ho ala ni asi ni rohaM di angka dongannami on. Sai tambai ma tu
rohanasida angka silehonlehon ni Tondi Parbadia, asa lam marroha jala margogo
nasida mangaradoti Tohonan na sahat tu nasida sadari on. Asi ma rohaM dohot di
sude ruas ni HuriaM on, asa lam hot haporseaonnasida be, jala lam ture parange
nasida mangihuthon Ho. Sungguli ma rohanami asa masihaholongan, unang adong
sipinsangon di hami, asa lam rarat harajaonMu, jala marmulia goarMu nabadia i.
Amen.
33. Marende No. 140: 3
- 4 “Girgir ma hamu”
(Ditingki marende hita hundul ma Sintua naung manjalo
Tohonan, laos jongjong ma Huria).
3. Radoti burju hataNa sude, sai monang hamu baenonNa muse. Ibana do Raja
na tong monang i, torop pe aloNa sumurut do i.
4. Asi ma rohaM, ale
Debata. Pasaut ma HataM, tumpahi na ma. Sude naniula ni naposoMi, Sai baen ma
martua sude jolma pe.
34 . Tangiang Pelean- Ale
Amanami- Pasupasu – Amen –Amen -Amen
SELAMAT MELAYANI St
HERBON SELAMAT BANGUN PASARIBU
Langganan:
Postingan (Atom)