“Pinasupasu ma na ro marhitehite Goar ni Tuhan i” Lukas 19:28-40 ( Minggu 20 Maret 2016 ) PALMARUM

SERMON PARHALADO HKBP RESSORT TIGALINGGA

Foto : HKBP Bertungen Julu

“Pinasupasu ma na ro marhitehite Goar ni Tuhan i”

Lukas 19:28-40 ( Minggu 20 Maret 2016 ) PALMARUM

Patujolo

Minggu Palmarum ima ari di na bongot Tuhan Jesus tu huta Jerusalem. Minggu Palmarum on ma minggu parpudi andorang so Paskah. Jumpang hita do barita on di na opat  Evangeluim i. Na opat i mamaritahon habobongot ni Tuhan Jesus tu huta Jerusalem marsihundul di anak ni halode. Sude do panurat Evangelium i manurathon mandok: Pinasupasu ma na ro dibagasan Goar ni Tuhan i… Panurat Markus mandok “Hosianna! Pinuji ma na ro marhitehite Goar ni Tuhan i. Panurat Lukas mandok: “Pinasupasu ma Raja i, na ro marhitehite Goar ni Tuhan! Dame do di surgo, hasangapon di ginjang.  Johannes mandok: “Pinasupasu ma na ro marhite Goar ni Tuhan i, Raja ni Israel”. Sada peristiwa na istimewa do habobongot ni Jesus tu huta Jerusalem, ai holan sahali do i masa saleleng ngoluna di tano on laho manuhuk hau parsilang i. Ala ni i do somal didok Minggu Palmarum: Pembuka pekan suci. Tingki parpudi Jesus di Jerusalem, ai borhat ma Ibana manganangkohi dolok Golgata dolok partangkurahan i, Via Dolorosa: Dalan haporsuhon. ("Jalan Kesengsaraan" atau "Jalan Penderitaan") adalah sebuah jalan di Kota Yerusalem Kuno. Jalan ini adalah jalan yang dilalui Yesus sambil memikul salib menuju Kalvari).

Hatorangan ni turpuk bahen jamita;

Harhari, jala togu hamu ma i tu Ahu

Huta Betpage, ima huta diparholangan ni Betania dohot Jerusalem. Andorang so sahat Tuhan Jesus tu Betpage dohot angka siseanna, marborngin dope nasida bornginna i di Betania. Dung sahat nasida tu Betpage, sian i ma disuru Jesus dua halak siseanna, didok ma: “Laho ma hamu tu sosor na dijolomuna an, mamintor jumpang hamu ma disi tambat halode sada rap dohot anakna; harhari jala togu hamu ma i tu Ahu! Somalna Jesus sai mardalan pat do mandalani angka luat sian huta tu huta rap dohot siseanna, alai ianggo dihabobongotna on tu huta Jerusalem tangkas do disuru siseanna laho mangharhari halode naung ditambat bahen hundulan ni  Jesus. Harhari jala togu hamu ma i tu Ahu!... na  boi do tulahon ni nampunasa halode i, ndang lehononna ala dipangido inana dohot anakna. Ala ni ima didok Jesus: “molo tung adong na mandok hatana tu hamu, alusi hamu ma; Na ringkot di Tuhan i do i. Aha pe na tapeop molo dipangido Tuhan i ala na ringkot di Ibana, ndang jadi juaon hape. Jika hal itu untuk Tuhan, harus rela untuk dilepas (diharhari). Alai ingkon manat do hita, so tung gabe sidalianta mandok: Na ringkot di Tuhan i, hape na naeng parsuasaehononna do. (menjual nama Tuhan untuk perbuatan kejahatan)

Na lambok do rohaNa; halode do hundulanna dohot anak ni halode.

Raja do na ro i, ima na naeng bongot tu huta Jerusalem i. Diroha ni jolma molo ro sahalak Raja panggomgomi manang penguasa, manigor lao do pingkiran ni natorop mamereng huasona, sangapna  dohot pangarajaionna. Hape, ida ma ndang songon na di roha ni jolma i. Ai Raja na lambok, na serep roha do Raja na ro i. Tarida do i sian halode na nihundulanna. Anak ni halode i do dihunduli (keledai yang masih muda) atik pe rap ditogu do dohot halode inaina (inang ni halode i) asa saut na nidok ni panurirang i: “Paboa hmu ma tu boru Sion: Ida ma, na ro ma Rajami manopot ho, na lambok do rohana; halode do hundulanna dohot anak ni halode boban. (Sak. 9: 9). Haserepon dohot pangoloion do dipatudu Jesus, ai naeng pelehononna dirina tahe, naeng pasahatonna tu tangan ni pamunu. Dipatuduhon Jesus do hamuliaonna, huasona alai dibagasan haserepon. Saat Kristus hendak menampakkan diri dalam kemuliaan-Nya, Dia melakukan-Nya dalam kelemahlembutan-Nya, dan bukan dalam kebesaran-Nya. Dia tidak datang dengan murka dendam, tetapi dengan belas kasihan, untuk mengerjakan karya keselamatan.   

Ulos dohot ranting ni hau

Halode boban do na hinundulan ni Raja na sangap i, tung so talup do i nian, jala na so hea masa do i diharajaon ni portibi on. Sapogospogos ni Negara, ianggo fasilitas ni panggomgomi tung singkop do sude jala hight class. Hape Raja na lambok roha i ro dibagasan haserepon do. Marsihundul do Jesus di tanggurung ni halode i so adong manang aha diuloshon tu halode i (penutup kulit sebagai alas tempat duduk penunggang). Mamereng i ma angka natorop i, tubu ma tu rohanasida laho mangondingi haleaon, hapogoson i gabe adong ma na mangampehon ulosna tu atas ni halode i, na deba mambahen angka ulosna di dalan i dohot manallihi rantingranting mambahen tu dalan i. Hape dipatupa pe sudena i gabe songon sipatudu do i tu ulaon ni Jesus dohot hadirionna. Rantingranting (daun palem) Palmarum…   Daun palem ini membawa arti ke arah simbol Kristen. Daun palem digunakan untuk menyatakan kemenangan martir atas kematian. Martir sering digambarkan dengan daun palem. Kristus kerap kali menunjukkan hubungan daun palem sebagai simbol kemenangan atas dosa dan kematian.

Pinasupasu ma na ro marhitehite Goar ni Tuhan i!

Tung sude do natorop na marnida Jesus na bongot tu Jerusalem i manjouhon: Hosianna di Anak ni raja Daud! Pinasupasu ma na ro marhitehite Goar ni Tuhan i!

Lima ari nari andorang so parsilangon i maruraksurak do angka natorop i mangudurhon Jesus i. Ai dirajumi nasida do i songon tanda kehormatan tu Raja i. Sude do nasida manjouhon: Hosianna di anak ni raja Daud…. Beha, tagamon sian roha parbagasan do i? manang holan di duru. Asing roha dibagasan, asing hata tu duru. Ai dung sahat Jesus tu paruhuman i, sumurut sadasada do natorop i. Lam diampehon hau silang i tu tangkuhuk ni Jesus i, lam so tarbege do soara pamujion i. Gariada tahe  ndang piga ari nari angka na mandok Hosianna i… na mandok pamujion i, manigor marganti do gabe pangaleaion. Na mandok Hosianna… muba gabe mandok: Pusa ma, parsilangkon ma, parsilangkon ma. Songoni do hape jolma i, tar songon na uli do begeon di hata pamujionna i, diparhatutu do hadengganon i, alai ianggo rohana naeng mamisat do.

Yesus dielu-elukan bagaikan seorang raja, memasuki kota Yerusalem, namun pada akhirnya ia akan mati di kayu salib, sebuah fenomena yang sungguh membingungkan, saat orang-orang banyak mengelu-elukan Dia, saat semua mata tertuju padaNya, adakah ketulusan dari mereka? Adakah sesuatu komtimen dalam hidup mereka untuk mengikut Yesus?. Atau mereka hanya sebatas ikut-ikutan saja. Karena ketika Yesus dijatuhi hukuman mati, tak ada satupun lidah mereka yang berani berucap menolong Yesus sang Mesias. Hal itu sama dengan zaman sekarang ini; Saat kita berbondong bondong datang ke gereja untuk meramaikan perayaan Minggu Palma atau pun perayaan keagamaan lainnya, adakah kita tulus dan otentik ikut merayakannya? Atau hanya sebatas rutinitas belaka?

Panimpuli

Ari maremare do goar ni Minggu sadarion, lapatanna; ari hamamasa ni las ni roha. Suhar do nian tu roha molo didok ari halalas ni roha hape ari panaonon ni Tuhan Jesus do. Las ni roha i ndada las ni roha parduru songon binahen ni angka natorop na manjouhon Hosianna i. Las ni roha i ndang las ni roha pardagingon, alai las ni roha partondion do. Ai ndang be mago tondinta ala olo do Jesus manggontihon hita manuhuk uhuman i. Ala ni i las ni roha ni tondinta patuduhonon ma i dipamujionta na sintong mamuji Tuhan i. jala unang be muba pamujionta di Tuhan i gabe pangaleaion. Sahali do ro di saleleng ni lelengna Tuhan i manaonhon parsilangon i. pinuji ma Tuhan i, Hosianna ma di ginjang. ( Sumber Gr Abdul Rahman Sitorus )

 Foto ; HKBP Bulu Rintang