MANJANGKON SINTUA DI HKBP PANDAN II

PARTORDING NI ACARA

MINGGU XII DUNG TRINITATIS

DOHOT

MINGGU TAHUN KELUARGA & MANJANGHON SINTUA

HKBP  PANDAN II RESSORT TIGALINGGA

Topik:

Gabe Mual na so dung marsik

 

& Ev: Jesaya 58:9-14       & Ep: Lukas 13:10-17

Minggu, 21 Agustus 2016

I.PANGARADEON:

                      a. Rap sahundulan ma Ama, Ina dohot ianakhon.

            b. Parhalado marhobas jala martangiang sian bilut parhobasan laho borhat tu

             gareja..

II.     ACARA PARMINGGUON:           U = Uluan                      R = Ruas                        

          --- Musik angonangon patubegehon BE. 464:1:  Huboan ma diringku.   BL  313  ---

1.   JOUJOU TU PARMINGGUON

U: Selamat ari Minggu ma di hamu !

R:  Selamat ari Minggu ma tutu.

U: Huria ni Tuhanta, tadok ma mauliate tu Debata ala diloas hita mamasuhi minggu XII Dung Trinitatis dohot  Minggu Tahun Keluarga di bulan Agustus 2016 di bagasan Tema: RUMATANGGA NA MARTANGGUNGJAWAB DI HAMAJUON NI BANGSONTA. Jala Topik ni Minggunta: Gabe mual na so dung Marsik

            R:  Dison do  hami  Tuhan rade  mamuji dohot tumangihon Ho.

            U:  Taparade ma rohanta laho mamuji Debata di siala denggan ni basaNa. Marende ma hita:

2.   Marende sian BE.No.574: 1 - 3     Puji ma Debata          BL 574

   1.  Puji ma puji ma Debata, na ni ainNa do umpuji Debata

     Nunga sesa dosami, malum dohot rohami.

     Puji ma puji ma Debata, na ni ainNa do umpuji Debata.

2.  Olophon-olophon Tuhan i, Hatindangkon denggan ni basaNa i.

    Sai arahon donganmi, ro tu Sipalua i,

    Olophon-olophon Tuhan i, Hatindangkon ma denggan basaNa i.

------- Musik ------ Dungi Jongjong  ------

3.   Tagam ma, tagam ma Tuhan i, Sai pagalak ma tongtong palitomi,

     Lam jonok arina i, salpu parungkilon i,

     Tagam ma tagam ma Tuhan i, Sai pagalak ma tongtong palitomi.

3.   Votum – Introitus:

           U  :   Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on. Amen. Dialo

               Debata do angka na jungkat roha, alai dilehon do asi ni rohaNa tu angka na serep marroha. HALELUYA!

R :  (Mangendehon) Haleluya! Haleluya! Haleluya!

   U : Martangiang ma hita: Ale Tuhan Debata, pargogo na so hatudosan jala parasiroha na sumurung! Dipangido rohaM, naeng mangolu jala martua hami sogot; nunga ragam dalanna dibahen Ho manungguli rohanami, asa hutanda hami hatuaon sogot. Dibahen i hupaserep hami ma nuaeng rohanami mangido sian Ho: Sai lehon ma TondiM na badia i tu hami, asa porsea hami di holong ni rohaM di hami. Sai hutangihon hami ma soaraM, na mangapoi hami di tingki parasirohaon nuaeng, asa sampan hami tu hangoluan, na pinaradeM di hami marhitehite Tuhan Jesus Kristus, Tuhannami. Amen.                                          (Hundul) 

4.   Marende BE No. 443: 2                     Dung Tuhan Jesus                         BL. 393

2.    Di Ho ngolungku,  las rohangki, jumolo Jesus siluami.

PangiringonMu, tolongMu i, mangalo dosa nang rohangki.

Ref.: Tabaritahon holong-Na i. Di dia Tuhan, tudoshon i ?

         Tuk manumpahi, tarlobi da ? Sasada Jesus pinujima !

 5.    Patik: Sian Konfessi HKBP Taon 1996: Bindu 4:     U=Uluan           R=Ruas  

         U:                   Tahaporseai jala tahatindanghon do: Na sada hasadaon do hajolmaon di adopan ni Jahowa jala rap na tinobus ni Tuhan Jesus Kristus do na manjalo haluaon i. Ndang mardia imbar baoa manang boruboru dung tardidi tu bagasan goar ni Jesus Kristus.

         R:                  Na niihotan ni holong ni Kristus do parsaripeon ni halak Kristen di portibi on. Na mangolu di bagasan ulaon na masiurupan do ganup jolma na mangoloi Tuhan i.

         U:                   Marhite poda on: taondolhon do  na dos hak azasi ni boruboru dohot baoa, hak waris ni anak dohot boru dohot pardomuan ni ama dohot ina na gabe mitra, songon i nang hakekat kerja, na boi pagandahon pangabahan ni keluarga dohot keluarga di masyarakat.

         R:                  Taondolhon do di masyarakat  Indonesia na majemuk hinaringkot ni haporseaonta dohot tanggungjawabta laho manghobasi angka na pogos, na marsahit, na so mardihadiha, na buro, na terbelakang, na oto, na ginosagosa ni ketidakpastian ni hukum.

         U:  Taondolhon do hadosan ni ngolu dohot hak azasi ni angka jolma na maringan di kota dohot desa, di bagasan perencanaan, di bagasan na mambuat haputusan dohot pangaramotionnta. Jala marhite poda on: Taalo do aliran

            feminisme manang aliran emansipasi emansipasi wanita na ekstrim, na naeng pasidingkon kedudukan ni baoa tu kedudukan ni boruboru.

         R:  Taalo do nang hasomalan na pasidingkon sada ulaon sian boruboru, ala hadirion boruboru, hape adong do hatauonna tu ulaon i.

         U:                   Antong, rap mangido gogo ma hita sian Tuhan Debata.

          S:                  Ale Tuhan Debata sai pargogoi ma hami mangulahon na hombar tu patikMi. Amen. 

6.   Marende sian BE No. 125: 3-4          MARLAS NI ROHA HITA ON           BL. 82

3.   Alai taingot ma huhut mambaen sangap  tongtong

      Barita ni Tuhanta i marhite parangenta i

      Di jolo ni donganta i di atas tano on, di atas tano on.

------ Jongjong -------

4.   O Jesus, tatap hami on sai pargogoi sude

      Marhitehite TondiMi pasauthon angka patik-Mi

      Mambaen rarat baritaMi, di nasa jolma pe, di nasa jolma pe.

 7. Manopoti Dosa:

          U   :   Tatopoti ma dosanta tu adopan ni Debata, martangiang ma hita ! Ale Tuhan Debata, na badia jala na bonar. Parasi jala Partalup ni roha jala na basar do Ho. Sai marpangulahi ma rohaM mida hami. Di bahen i sai sesa ma sude dosanami.

          R   :   (Mangendehon  BE. No. 686 : 1 “Ramun Do au”)

                ^♫♪♫ Ramun do au di joloMi, gok dosangki urasi au

                    O, Jesus, birubiru i, dison do au patau ma au.

        U     :   Ndang adong na hupangasahon hami dungkon ni asi ni rohaM, hatigoran na pinatupa ni AnakMu do na hupangasahon hami tu joloM.

          R   :   (Mangendehon  BE. No. 686 : 2 “Ramun Do au”)

                ^♫♪♫ Na ro do au tu joloMi, gale do au, urupi au

    O, Jesus, ala mudarMi, dison do au patau ma au.

          U   :   Dibahen i pasonang jala apuli ma hami angka na hinophop ni Tuhan Jesus Kristus Tuhannami. Amen. Tabege ma hata bagabaga taringot tu hasesaan ni dosa: Songon on do Hata ni Tuhan Jahowa: Nunga pola hupasisi angka pangalaosim songon ombun, jala songon ombun manorop angka dosam. Sai mulak ma ho tu Ahu, ai Ahu do Sipalua ho. Hasangapon ma di Debata na di ginjang!

  R   :       A  m  e  n                                                                        (Hundul)

8.   Koor: Punguan Ina HKBP Pandan II

9.   Marende sian BE. No. 417: 3          RADE SITUTU HALUAON             BL. 278     

3.    PangkophopNa i parangehon, pasangap Tuhanmu antong .

Ibana buas mangalehon tu ho hasonangan tongtong.

Sandok sian holso malua, nang sian biarmu sude,

Sonang nama ho na martua, mangkirim tongtong surgo i.

 10.     Epistel:

   U  :   Hata ni Debata na gabe turpuk ni ari minggu sadarion i ma na tarsurat di Lukas 13,10-17 tajaha ma marsingkot soring: Dungi mangajari ma Ibana di sada pargururuan jumpa ari Sabbat

    R:    Jadi adong ma disi sada parompuan naung martondi sibahen marsahit lelengni sampulu ualu taon; suhung do dagingna jala ndang tarbahen dirgak

    U:     Dijou Jesus ma ibana jumonok; jala ninna ma mandok ibana:”Malua ma ho, Inang, sian parsahitonmi!   

   R:     Laos diampehon ma tanganNa tu ibana, jadi pintor dipadirgak parompuani ma dirina jala dipuji ma Debata.         

U:        Alai ia sintua ni parguruan I, sogo ma rohana ala na pamalum sahit Jesus jumpa ari Sabbat, jala ro ma hatana tu natoropi “onom do ari napatut mulaulaon hita; disi ma hamu ro asa dipamalaum sahitmuna, unang ma di ari Sabbat,”

    R:    Alai ninna Tuhan I ma mangalusi ibana; “E ho pangansi! Nda ganup hamu mangharhari horbona manang halodena sian panggagatan di ari Sabbat manogihonsa marsobur?                  U:                Angka na sumangkapi mambahen  lupa bangsongKu di goarHu Marhitehite nipi nasida , angka na hinatahonna ganup tu donganna , songon panghalupahon ni ompu nasida di goarHu binahen ni Baal                                             R:                Aut diingot rohanasida tano naung tinadingkon nasida i, sanga do nasida mulak tusi.

    U:     Ia on sada boru ni si Abraham naung nirahutan ni sibolis sampulu ualu taon lelengna, ndang patut harharan ihotihotna di ari Sabbat?”

   H:  alona i. Jala marlas ni roha ma sude na  torop i siala saluhut pambahenNa na marmulia i

   U: I ma sahatna. Martua do angka na tumangihon hata ni Debata jala na umpeopsa. Amen.

11.  Marende sian BE.No. 257: 4, 6        RAJA NA TUMIMBUL            BL. 210

4.     Debata na songkal jala marmulia, baen ma dohot au badia.

Lehon ma gogongku asa oloanku, Ho sobokkon suruan-Mu

Lomo ni rohaMi naeng patupaonku, Ho haholonganhu.

----- Jongjong ----

5.      Sai ingani ahu joro baen tondingku bagas habadiaon-Mu.

Sai bongoti ahu, baen holong rohangku di Ho Tuhan Debatangku

So pe au Manang lao Ho ma sai hutatap  Jala hupasangap.

12.  Manghatindanghon Haporseaon

          U   :   Tahatindangkon ma haporseaonta i, songon na hinatindangkon ni donganta sahaporseaon di sandok portibi on. Rap ma hita mandok:

          R   :   Ahu porsea .........                                  (Hundul

13.  Tingting:

14.  Marende sian  No.BE.754: 1-- GOK LAS NI ROHA DO (Pelean Ia & Ib)

1. Gok las ni roha do au di ngolungkon, di ngolungkon di ngolungkon.

    Gok las ni roha do au dingolungkon tongtong di rohangkon

    Reff:      Mauliate gok las ni roha maringan holongMi, Tuhan di au.

                              Mauliate gok las ni roha, maringan holongMi Tuhan di au.

2.  Mardame jala sonang do ngolungkon, dirohangkon, dirohangkon.

    Mardame jala sonang do ngolungkon tongtong dirohangkon.

    Reff: Mauliate ………

--------- Musik --------

3.  Gok do holong ni Jesus di ngolungkon, di ngolungkon, di ngolungkon  

    Gok do holong ni Jesus di ngolungkon, Tongtong di rohangkon.

    Reff: Mauliate ………

4.  Ndang hona uhum be au dingolungkon, dingolungkon,dingolungkon.

    Ndang hona uhum be au dingolungkon, tongtong di rohangkon.

    Reff: Mauliate ………

  15.    Jamita: Jesaya 59:9-14

16.    Marende sian B.E. No: 268: 1-----      DEBATANGKU DO DONGANKU BL. 127            

1.  Debatangku do donganku ganup ari ganup taon.

TumpahanNa do langkangku urupanNa  au manaon

Pos do rohangki disi Debata do donganki salelenglelengna i.

---------- Musik ----------

2.   Debatangku do donganku, nang pe marsitaonon  au

Ai Ibana do Amangku anak haholongan au

Pos do rohangki disi Debata do donganki salelenglelengna i.

---------- Musik ----------

3.   Debatangku do donganku tung na ganggu m’au disi?

Nda tongtong  hangoluanku asi ni rohaNa i ?

Pos do rohangki disi Debata do donganki salelenglelengna i.

---------- Musik ----------

4.  Debatangku do donganku na manogu au tongtong

                  TioponNa do tanganku nang lao suda bohalhon

                  Pos do rohangki disi Debata do donganki salelenglelengna i.

17. MANJANGHON SINTUA

 23.                               Marende No. 156: 4 “Jahowa Tuhanki”

 (Tingki marende hita, Jongjong ma angka Sintua nanaeng manjalo Tohonan mangadop     langgatan dipudina ma keluarga)

 Sai tatap ma dison, O Jesus siseanMu. Najongjong di joloM, mangido lehononMu. Tu ganup  tondiMi, nang huasona pe. Manogu bangsoMi, nang mangajari pe.

1.       Manjaha ulaon ni Tohonan Sintua:

Pdt:  Hamu angka dongan sahuria! Sadari on patupaon ni Hurianta do marhite naposoNa pasahathon Tohonan hasintuaon tu 2 halak nanaeng Parhalado di Hurianta HKBP Pandan II on St. Reinol Situmorang , St. Raya Sembiring,Nunga jongjong nuaeng nasida dison na itapillit bahen Sintua di tongatonganta. Naeng pangidoonnasida ma pasupasu sian Tuhanta i, asa margogo nasida mangulahon ulaonnasida.

  Antong! Tabege ma jolo pangarimpunan ni ulaon ni Sintua:

 1. Pangula ni Huria do nasida mamatamatahon dongan angka na pinasahat tu nasida dohot mangaramoti parangenasida. Molo diboto nasida, na hurang ture parange ni manang ise, ingkon pinsangonnasida i, manang paboaonnasida tu Guru dohot tu Pandita, asa dipature.

 2.     Mandasdas donganta tu Parmingguan dohot manangkasi alana umbahen na so ro.

 3.     Mandasdas anakboru singkola, asa ondop ro.

 4.     Maningkir angka na marsahit jala paturehon na ringkot tu nasida dohot na tarpatupasa, alai na rumingkot, pasingothon Hata ni Debata tu nasida dohot tumanginghonsa.

 5.     Mangapuli angka na marsak, paturehon angka na dangol dohot na pogos.

 6.     Mangapuli angka sipelebegu, angka parugamo na asing dohot angka na lilu, asa dohot marsaulihon hangoluan na pinatupa ni Tuhan Jesus.

 7.     Mangurupi paturehon angka guguan dohot ulaon na ringkot tu Harajaon ni Debata.

 2. Pandita Resort Pasahathon Tohonan Sintua: On pe, hamu na hinaholongan, naeng tangkas botoonnami burju ni rohamuna mangaradoti ulaon hasintuaon i. Dibahen i alusi hamu ma na husungkunhon on:

     1.     Na olo do hamu mamarangehon parange na tama di jolo ni Debata dohot di jolo ni jolma?

      2.     Na olo do hamu manjalo ulaon hasintuaon songon naung dipajojor ondeng tu hamu?

     3.     Na olo do hamu mangaradoti sude sian nasa roha dohot sian nasa gogomuna hombar tu Hata ni Debata?Molo naung sada rohamuna mangoloi jala marpadanhon sudena i di jolo ni Debata dohoT di jolo ni donganta sahuria on, dok hamu ma alusmuna. 

 3. Sintua na naeng manjalo Tohonan mangalusi:

     Na olo do ahu. Sai dipargogoi Debata ma ahu mangulahon saluhutna i.

 4. Pasahathon Pasupasu:         

        Pdt: Antong! Masijalangan ma hita, paboa hot ni padanmuna i jala paboa na olo do hamu mangula ulaon ni Debata rap dohot hami. “Sai diparrohai Tuhan Debata, Ama ni Tuhanta Jesus Kristus ma hamu, marhitehite Tondi Parbadia manghaburjuhon siulaonmuna, na pinasahat tu hamu sadari on, asa marsangap Debata di tongatonga ni HuriaNa i”. Amen.

5.  Sintua na naeng manjalo Tohonan marsinggang laho manjalo pasupasu:      (Pandita Resort Pasahathon Pasu-pasu)

6.  Pandita Resort Pasahathon tu Huria, Sintua na manjalo Tohonan:     

Pdt:    Hamuna dongan sahuria di HKBP Pandan  IIon, jangkon hamu manasida dibagasan dame. Sude ma hita on manggogo tumangianghon nasida, asa manjadi ulaonnasida i, huhut manghorhon hasangapon ni Tuhanta Jesus Kristus Raja ni Huria i.

 7. Panjangkonon ni Huria:

Hujangkon hami ma tutu nasida gabe Parhalado di Huria ni Tuhanta dibagasan holong dohot dame na sian Tuhanta i. 

 8.  Martangiang:

  Pdt:      Ale Tuhan Debata Amanami na di banua ginjang! Mauliate ma rohanami tu Ho ala ni asi ni rohaM di angka dongannami on. Sai tambai ma tu rohanasida angka silehonlehon ni Tondi Parbadia, asa lam marroha jala margogo nasida mangaradoti Tohonan na sahat tu nasida sadari on. Asi ma rohaM dohot di sude ruas ni HuriaM on, asa lam hot haporseaonnasida be, jala lam ture parange nasida mangihuthon Ho. Sungguli ma rohanami asa masihaholongan, unang adong sipinsangon di hami, asa lam rarat harajaonMu, jala marmulia goarMu nabadia i. Amen

18.  Manjaha Surat Pengangkatan Gabe Sintua HKBP ( Bestur Resort )

19.  Mandok Hata Sintua Naung Manjalo Tohonan

20.Parsuruon:

U:  Mansai arga do hajongjongan ni rumatangga laho mamboan hamajuon di tonga ni huria nang masyarakat. Alani tahobasi ma ganup rumatangganta be gabe rumatangga siboan pasupasu.

R: Mangendehon BE No.725: 3  AI SITIRUON DO HULEHON TU HAMU BL 725

3.    Tahargoluhon ma hata ni Tuhanta, Asa tau tiruan ma di angka  na porsea,

                 Dipanghataion nang diholong ni roha pe,

                 Tiruan diparange tu na humaliang hita.

                 Reff.:  Asa pasupasu ho di ngolu ni huria

        jala pasupasu ho di ngolu ni bangsonta.

U:  Ragam ni hajahaton naparohon biar, arsak, hagunturon dohot hasusaan boi taotapi, molo marsitutu hita pajongjong rumatangga sioloi Debata dibagasan parsaoran na ni rahut ni holong dohot dame. Alani borhat ma hamu manghobasi ganup rumatangga siboan hamajuon marhite na marningot hata ni Tuhanta na mandok: Hamu angka parompuan, oloi hamu ma hata ni hamulianmuna be, songon na tama di roha ni Tuhan i. Hamu angka baoa, haholongi hamu ma pardihutamuna be, jala unang ma jungking hamu maradophon nasida! Hamu angka dakdanak, sandok pangoloi ma hamu di natorasmuna, ai i do dihalomohon Tuhan i!  Hamu angka amaama, unang gintali hamu angka anakkonmuna, asa unang mandele!

R: Mangendehon BE No.725: 3  AI SITIRUON DO HULEHON TU HAMU BL 725

3.    Tahargoluhon ma hata ni Tuhanta, Asa tau tiruan ma di angka  na porsea,

                 Dipanghataion nang diholong ni roha pe,

                 Tiruan diparange tu na humaliang hita.

                 Reff.:  Asa pasupasu ho di ngolu ni huria

        jala pasupasu ho di ngolu ni bangsonta.

        U:  Borhat ma hamu tu ngolu siganup ari marhite na marningot padan ni Tuhanta naung pinasahatNa sadari on na mandok: asa sude hita Gabe mual na so dung marsik

        R: Mangasahon huaso dohot hagogoon-Mi Tuhan, rade ma hami manghobasi ganup rumatangganami be asa gabe siboan hamajuon di tonga ni keluarga, huria nang masyarakatnami.

23. Tangiang Pelean (Agenda) - Ende Pelean 204, 2 - Tangiang Ale Amanami –  Pasupasu  – Mangendehon: Amen-Amen-  Amen.

SELAMAT MANJALO TOHONAN SINTUA

St REINOL SITUMORANG

St RAYA SEMBIRING

SAHAT ULA TOHONAN MI